«Բանավիճիր ինձ հետ» նախագիծն ավագ և կրտսեր սերնդին բանավեճի խոսափող է տալիս

Slaq.am-ի եթերում այսուհետ կարող եք դիտել նոր նախագիծ՝ «Բանավիճիր ինձ հետ», որի շրջանակներում նույն ոլորտի երկու սերնդի ներկայացուցիչներ կփորձեն բանավիճել:

Past.am-ը զրուցել է հաղորդման հեղինակ և վարող Վարդան Բարսեղյանի հետ:

-Ինչպե՞ս ծագեց հաղորդման գաղափարը:

-Հաղորդման գաղափարը կար դեռ վաղուց: Կարծում եմ՝ ժամանակն է ,որպեսզի եթերում շատ հաճախ տեսնենք նաև ավագ սերնդին և լսենք նրանց կարծիքն այսօրվա իրականության մասին:

-Ինչպիսի հարաբերությունների մեջ եք հենց դուք ավագ սերնդի հետ: Բախումներ հաճա՞խ են լինում:

- Հարաբերություններս ավագ սերնդի հետ շատ լավ են:Ինքս հարգում և սիրում եմ մեր ավագ սերնդին: Կարծում եմ ,որ ավագ սերունդը շատ մեծ դեր ունի այսօրվա երիտասարդ սերնդի կայացման հարցում:Բախումներ քիչ են լինում:Ի ուրախություն մեզ՝ հարաբերությունները շատ լավ են:Կա փոխադարձ սեր և հարգանք:Լինում են դեպքեր,երբ տարբեր հարցերի շուրջ միմյանց հետ համակարծիք չենք,բայց դա չի վերածվում լուրջ բախման:

-Հաղորդումը դեռ մեկ անգամ է եթեր հեռարձակվել, բայց վստահ եմ, որ նախատեսել եք՝ ովքեր են հաջորդ մի քանի հյուրերը: Դատելով հաղորդման երիտասարդ հյուրերով՝ նրանց ներկայացրած ոլորտները հուսալի՞ձեռքերում են:

-Կարծում եմ՝ այո,մենք ունենք հիանալի երիտասարդներ: Վստահ եմ՝ նրանց շնորհիվ մեր երկիրը հուսալի ձեռքերում է:Բնականաբար, կան խնդիրներ,բայց այդ խնդիրներն էլ հենց այդ երիտասարդության շնորհիվ գտնում է իր լուծումները:

-Իսկ տոնական թողարկումները նույնպես բանավեճի ձևաչափում են լինելու:

-Տոնական թողարկումները, կարծում եմ, կլինեն շատ օրիգինալ:Ամեն ինչ կանենք ,որ մեր հեռուսոտադիտողներին պարգևենք լավ և անմոռանալի պահեր:

-Ձեր բարեմաղթանքը:

- Օգտվելով առիթից՝ ցանկանում եմ շնորհավորել բոլորիս գալիք 2016 թվականի կապակցությամբ: Ցանկությունս մեկն է,որպեսզի մեր երկրում,մեր սահմաններում տիրի խաղաղություն:Որպեսզի յուրաքանչյուր զինվոր փառքով ու պատվով վերադառնա իր ընտանիք: Կարծում եմ՝ խաղաղության պայմաններում ամեն ինչ էլ դառնում է լուծելի:

Լևոն Փանոսյան