Christie's-ի աճուրդում Թեթչերի իրերի վաճառքից հասույթը կազմել Է 5 մլն դոլար

Լոնդոնում Christie's աճուրդների տան կենտրոնակայանում Մարգարետ Թեթչերի (1925-2013) իրերի վաճառքից ընդհանուր հասույթը կազմել Է 4,97 մլն դոլար: Դեկտեմբերի 15-ին կայացած աճուրդների թոփ-լոտը դարձել Է ամերիկյան ճերմակագլուխ ծովարծվի արձանիկը՝ «լավագույն մաղթանքներով՝ Ռոնալդ Ռեյգանից» մակագրությամբ, որը Թեթչերին Է նվիրվել 1984 թվականի հունիսի 13-իÕ ¶: Արձանիկը վաճառվել Է 404 հազար դոլարով այն դեպքում, երբ նախապես գնահատված Էր 7,5 հազարից-12 հազար դոլար, տեղեկացնում Է «Արմենպրես»-ը՝ հղում անելով ՏԱՍՍ-ին:

Թանկ վաճառված երկրորդ իրը դարձել Է կարմիր նախարարական պորտֆելը, որը նախատեսված Էր պետական կարեւոր փաստաթղթերը պահելու եւ տեղափոխելու համար. այն աճուրդում վաճառվել Է 365 հազար դոլարով: Սա մոտավորապես 60 անգամ ավելի Է լոտի՝ 4,5-7,5 հազար դոլար նախնական գնահատումից:

Թեթչերի ամենաթանկ իրերի եռյակը եզրափակել Է Joseph Chaumet ոսկերչական տան կոլյեն՝ զարդարված զմրուխտներով ու ադամանդներով: Լոտը փորձագետների կողմից գնահատված Էր 180-270 հազար դոլար, իսկ վաճառվել Է 240 հազար դոլարով:

Christie's-ը դեկտեմբերի 3-ին ձեռնամուխ Է եղել Մեծ Բրիտանիայի պատմության մեջ վարչապետի պաշտոնն զբաղեցրած միակ կնոջ անձնական իրերի առցանց-աճուրդներին: Դրանք նվիրված են «երկաթե լեդիի»՝ այս տարի նշվող 90-ամյակին եւ նրա վարչապետական կարիերայի ավարտի 25-ամյակին: Christie's-ի լոնդոնյան կենտրոնակայանում դեկտեմբերի 15-ին կայացել Է գլխավոր աճուրդը, որի ընթացքում հավաքորդները ձեռք են բերել ավելի քան 180 իր, որոնք կապված են Թեթչերի կյանքի ու գործունեության հետ: