ՊԱՏՄՈՒԹՅԱՆ ԱՅՍ ՕՐԸ (29 ԱՊՐԻԼԻ)․ Հրդեհի պատճառով ոչնչացել է մոտ 350 հազար գիրք․ «Փաստ»

ОБЩЕСТВО 29 Апрель, 2021 12:33

«Փաստ» օրաթերթը գրում է

ՏՈՆԵՐ ԵՎ ՀԻՇԱՐԺԱՆ ՕՐԵՐ

Պարի համաշխարհային օր, Դանիա՝ Թագուհու ծննդյան օր, Ճապոնիա՝ Սյովայի օր, Ղրղզստան՝ Բիշքեկ քաղաքի օր։

ՀԱՅ-ՀԱՅԱՍՏԱՆ

239 –ծնվել է Գրիգոր Լուսավորիչը։

1970– ծնվել է ծագումով հայ, ամերիկացի ճանաչված թենիսիստ Անդրե Աղասին։

2005-հիմնադրվել է Հայ-ռուսական (սլավոնական) համալսարանը;

2010- ձայների 12 կողմ, 8 դեմ, 1 ձեռնպահ հարաբերակցությամբ Իսրայելի խորհրդարանը՝ Կնեսետը, կողմ է արտահայտվել Հայոց ցեղասպանության հարցը խորհրդարանի օրակարգ ընդգրկելու մասին օրինագծին։

2012- իրավապահները Մաշտոցի այգուց ոստիկանության Կենտրոնի բաժին են տարել բնապահպան վեց ակտիվիստի և ապամոնտաժող բրիգադի մեկ անդամի, այգում լարված իրավիճակ է ստեղծվել՝ ապամոտնաժող բրիգադի անդամների և բնապահպան ակտիվիստների միջև։

2015-Արցախի մշակույթի և երիտասարդության հարցերի նախարարությունը ոչ նյութական մշակութային ժառանգության պահպանման ծրագրի շրջանակներում Ասկերանի շրջանի Ծաղկաշատ գյուղում առաջին անգամ կազմակերպել է «Ժենգյալով հացի» փառատոն:

2018-«Իմ քայլը» նախաձեռնության առաջնորդ Նիկոլ Փաշինյանը Հանրապետության հրապարակում անցկացված հանրահավաքում հայտարարել է, որ պատրաստ է ստանձնել Հայաստանի վարչապետի պաշտոնը:

ԱՇԽԱՐՀ

998 -Սուրբ Հռոմեական Կայսրության կայսր Օտտոն 3-րդի հրամանով մահապատժի է ենթարկվել Հռոմի պապի դեմ ապստամբություն կազմակերպած պատրիկ Հովհան Կրեսցենցին։

1429 -Հարյուրամյա պատերազմի ժամանակ Ժաննա դը Արկի ղեկավարած ֆրանսիական բանակը մտել է պաշարված Օռլեան քաղաք։

1627 -Ֆրանսիայի կարդինալ Ռիշել յեի հրամանով ստեղծվել է Հարյուր ակցիոներների ընկերությունը, որը սկսել է զբաղվել Կանադայի հետազոտությամբ և գաղութացմամբ։

1770 -անգլիացի կապիտան Ջեյմս Կուկը առաջին անգամ ափ է իջել Ավստրալիայում։

1818 –ծնվել է Ռուսաստանի կայսր Ալեքսանդր 2-րդը։

1854 -գերմանական «Favourite» առագաստանավը, բախվելով ամերիկյան «Hespera» նավի հետ, խորտակվել է, զոհվել է 201 մարդ։

1863 -Ռուսաստանում օրենքով մասնակիորեն արգելվել են մարմնական պատիժները։

1882– Բեռլինում բացվել է աշխարհում առաջին տրոլեյբուսային գիծը, որը ստեղծել է «Siemens & Halske»՝ ներկայումս «Siemens» ընկերությունը։

1884– Օքսֆորդի համալսարանը թույլատրել է կանանց ևս մասնակցել քննություններին։

1897– անգլիացի գիտնական Ջոզեֆ Թոմփսոնը Լոնդոնի թագավորական ընկերությանն է ներկայացրել իր հայտնաբերած էլեկտրոնը։

1907 –ծնվել է ամերիկացի ռեժիսոր Ֆրեդ Ցինեմանը։

1913 -ԱՄՆ ներգաղթած շվեդացի ինժեներէլեկտրիկ Գիդեոն Սունդբեկը արտոնագրել է իր հայտնագործությունը, որը ներկայումս հայտնի է կայծակաճարմանդ անունով։

1923-կազմավորվել է «Վսևոբուչի» փորձացուցադրական բանակային թիմը՝ ապագա ԲԿՄԱ-ն։

1933– ֆուտբոլի Անգլիայի գավաթի եզրափակիչի Էվերթոն - Մանչեսթեր Սիթի հանդիպման ժամանակ առաջին անգամ ֆուտբոլիստները խաղադաշտ են դուրս եկել համարներ ունեցող մարզաշապիկներով։

1935 -բրիտանական ճանապարհներին առաջին անգամ հայտնվել են «կատվի աչք» տիպի լուսանդրադարձիչները, որ մեկ տարի առաջ ստեղծել էր յորքշիրցի գյուտարար Պերսի Շոն։

1941 -Երկրորդ համաշխարհային պատերազմի ժամանակ գերմանական բանակի ճնշման տակ Հունաստանից էվակուացվել է անգլիական էքսպեդիցիոն կորպուսը։

1945 - Երկրորդ համաշխարհային պատերազմի ժամանակ դաշնակիցները ազատագրել են Դախաու համակենտրոնացման ճամբարը։

1957– ծնվել է անգլիացի դերասան, Օսկարի եռակի դափնեկիր Դանիել Դեյ-Լուիսը։

1961 -վիրաբույժ Լեոնիդ Ռոգոզովը հաջողությամբ իրականացրել է ապպենդէկտոմիա վիրահատություն իր վրա:

1974 – ծնվել է ինդոնեզական ծագումով ֆրանսիացի երգչուհի-երգահան Անգգուն։

1980– վախճանվել է անգլիացի նշանավոր ռեժիսոր Ալֆրեդ Հիչքոքը։

1982 -Չինաստանի բնակչությունը գերազանցել է մեկ միլիարդը։

1986 -Լոս Անջելեսի կենտրոնական գրադարանում հրդեհ է բռնկվել, որի պատճառով ոչնչացել է մոտ 350 հազար գիրք։

1991– Բանգլադեշում փոթորիկի հետևանքով զոհվել է մոտ 138000 մարդ։

1993 -Անգլիայի թագուհի Ելիզավետա 2-րդը հայտարարել է, որ Բուկինհեմյան պալատը առաջին անգամ կբացվի զբոսաշրջիկների համար, իսկ տոմսերի վաճառքից առաջացած գումարը կօգտագործվի հրդեհից վնասված Վինձորի պալատի վերանորոգման համար։

2011– Ուեստմինստերյան աբբայությունում տեղի է ունեցել արքայազն Ուիլ յամի և Քեյթ Միդլթոնի հարսանյաց հանդեսը։

Մանրամասները՝ «Փաստ» օրաթերթի այսօրվա համարում