Աշխարհի ամենահրաշալի 15 ամրոցները (լուսանկարներ)

Blog.1in.am-ը գրում է.

1. Գոգենցոլերն, Գերմանիա

Այս հեքիաթային ամրոցը պրուսական թագավորների և գերմանական կայսրերի պատմական սեփականությունն է եղել: Այն կառուցվել է 11-րդ դարում, այնուհետև ամբողջովին քանդվել է 1461թ., ապա վերանորոգվել 1461թ.: Ամրոցը գտնվում է Գոգենցոլերն լեռան վրա:

2. Քասլ-Հովարդ, Անգլիա

Չնայած այս կառույցը ամրոցի տեսք ունի, այն ուղղակի շքեղ առանձնատուն է՝ Հովարդ ընտանիքի մասնավոր նստավայրը, որն այնտեղ է ապրում արդեն 300 տարի: Այս տունը գտնվում է Հյուսիսային Յորքշիր դքսությունում և Մեծ Բրիտանիայի ամենաշքեղ նստավայրերից մեկն է: Դրա շինարարությունը սկսվել է դեռ 17-րդ դարում և շարունակվել է մոտ 15 տարի:

3. Ալկասար, Իսպանիա

Իսպանիայի կենտրոնական մասում գտնվող Ալկասար ամրոցը նավ է հիշեցնում, ինչն էլ այն առանձնացնում է մյուս ամրոցներից: Այն Ուոլթ Դիսնեյի շատ ֆիլմերում ամրոցների նախատիպ է ծառայել:

4. Հիմեձի, Ճապոնիա

Հիմեձի ամրոցը, որը հայտնի է նաև Սպիտակ ձկնկուլ անունով, հիանալի սպիտակ համալիր է, որը կազմված է 83 փայտե կառույցներից: Ամրոցի ամենայուրահատուկ պաշտպանական տարրերից մեկը բազմաթիվ փակուղիներով լաբիրինթոսն է, որը տանում է դեպի պահակային աշտարակը: Ամրոցի դարպասներն ու բակը այնպես են կառուցված, որ ներս մտնողները մոլորվում են: Այն կառուցվել է 14-րդ դարում:

5. Պրաժսկի Գրադ, Չեխիա

Պրաժսկի Գրադը աշխարհի ամենահին և ամենամեծ ամրոցներից մեկն է: Այն Չեխիայի մայրաքաղաքի խորհրդանիշն է: Այս ամրոցում ներկայացված են ճարտարապետական բոլոր ոճերը: Համալիրի ամենահին կառույցները 9-րդ դարում են կառուցվել:

6. Պելեշ, Ռումինիա

Այս ամրոցի կառուցման սկիզբ է նշվում 1873թ.: Շինության շինարարությանը ներգրավված են եղել տարբեր երկրների շինարարներ: Ենթադրաբար, շինարարության վրա են աշխատել 14 լեզվով խոսող շինարարներ:

7. Շամբոր, Ֆրանսիա

Հայտնի է, որ Շամբորը որպես որսորդական տնակ է օգտագործվել: Այս ամրոցի արտաքին տեսքը շատ տպավորիչ է: Հետաքրքիր է, որ ամրոցի տեղը Ֆրանցիսկ Առաջին թագավորն է ընտրել: Նա ցանկացել է, որ այն մոտ լինի իր սիրելի կնոջ պալատին: Ամրոցը 440 սենյակ, 365 բուխարի, 84 աստիճան ունի: Այն Լուարայի հովտի ամենամեծ ամրոցն է:

8. Նոյշվանշտայն, Գերմանիա

Ամրոցը կառուցվել է Բավարիայի թագավոր Լյուդվիգ Երկրորդի պատվերով, որը մինչև ամրոցի կառուցման ավարտը խելագար է հայտարարվել: Բավարիայի հարավ-արևմուտքում տեղակայված այս ամրոցը զբոսաշրջիկների ամենասիրած վայրերից է:

9. Կորֆե, Անգլիա

Չնայած այս ամրոցից միայն փլատակներ են մնացել, սակայն այն մինչև այժմ մեծ տպավորություն է թողնում: Կորֆեն կառուցվել է 9-րդ դարում, բայց ենթադրվում է, որ ամրոցն ավելի վաղ է կառուցվել:

10. Մացումոտո, Ճապոնիա

Մացումոտո ամրոցը գտնվում է Տոկիոյի մոտ: Այն կառուցվել է 1504թ. և համարվում է Ճապոնիայի ազգային գանձերից մեկը: Այս ամրոցում ապրել են մինչև 19-րդ դարը: 1868թ. ամրոցը վերանորոգվել է, սակայն Ճապոնիայի նոր կառավարությունը միջոցներ չունենալու պատճառով որոշել է քանդել ու վաճառել ամրոցի շինանյութը: Մուցումոտոն փրկել են տեղի բնակիչները՝ գնելով այն:

11. Ելց, Գերմանիա

Ելցը Գերմանիայի ամենահիանալի ամրոցներից մեկն է: Այն պատկանում է այն ընտանիքին, որն այնտեղ է ապրում արդեն 800 տարի: Ներկայումս ամրոցի սեփականատերը դուքս Կարլ ֆոն Ելցն է:

12. Էյլեն-Դոնան, Շոտլանդիա

Ամրոցը կառուցվել է 13-րդ դարում: Այն չորս անգամ վերանորոգվել է: Գրեթե 200 տարի ամրոցը փլատակների մեջ է եղել: 1932թ. այն վերականգնվել է և մինչև այժմ բաց է այցելուների առջև:

13. Նևշատել, Շվեյցարիա

Ամրոցը կառուցվել է 10-րդ դարում: Այն Բուրգունդիայի Ռուդոլֆ Երրորդ թագավորը նվիրել է իր կնոջը: 15-րդ և 17-րդ դարերում ամրոցը վերակառուցվել է, իսկ այժմ այնտեղ է գտնվում շրջանի վարչակազմը և դատարանը:

14. Գուաիտա, Սան Մարինո

Գուաիտա ամրոցը իտալական Սան Մարինո քաղաքի խորհրդանիշն է: Այն կառուցվել է 11-րդ դարում: Որոշ ժամանակ այնտեղ բանտն է տեղակայված եղել: Գուաիտան Սան Մարինոյի լեռներում գտնվող երեք ամրոցներից մեկն է, որոնք էլ պատկերված են Սան Մարինոյի դրոշի և գերբի վրա:

15. Կոնուի, Ուելս

Կոնուին կառուցվել է 13-րդ դարում: Ուելսի պատմության մեջ այս ամրոցի շինարարությունը ամենաթանկարժեքն է եղել և Էդվարդ թագավորին 15 հազար ֆունտ է արժեցել: