ՊԱՏՄՈՒԹՅԱՆ ԱՅՍ ՕՐԸ (23 ՀՈՒՆԻՍԻ). Աշխարհում առաջին անգամ իրականացվել է մարդկային ուղեղի փոխպատվաստում

ՏՈՆԵՐ

ՄԱԿ-ի պետական ծառայությունների աշխատողների օր, Միջազգային օլիմպիական օր, Լիտվա՝ Լիգոյի օր, Լյուքսեմբուրգ՝ Մեծ հերցոգի օր, Իսպանիա՝ Սուրբ Խուանի տոնակատարության օր, Ղազախստան՝ Ոստիկանության օր, Մոլդովա՝ Պետական ինքնիշխանության հռչակման օր, Ուկրաինա՝ Պետական ծառայությունների օր, Էստոնիա՝ Հաղթանակի օր։

ՀԱՅ-ՀԱՅԱՍՏԱՆ

1724 -Ռուսական Կայսրությունը և Թուրքիան կնքել են եզրափակիչ պայմանագիր, ըստ որի, Ռուսաստանը պահպանում է կասպիական ափամերձ հատվածները, իսկ Թուրքիան՝ Թիֆլիսը և Երևանը։

1879 –ծնվել է քիմիկոս Ստեփան Ղամբարյանը։

1923 –ծնվել է սոցիոլոգ, քաղաքագետ, պատմաբան Մանուել Սարգսյանցը։ 

1934 –ծնվել է ճարտարապետ Թելման Գևորգյանը։

1946-Հայրենադարձների առաջին քարավանը «Տրանսիլվանիա» շոգենավով դուրս է եկել Բեյրութից և մի քանի օր անց ժամանել Բաթում։  Այստեղից գնացքներով նրանք տեղափոխվել են Հայաստան։

1953 –ծնվել է Հայաստանի չորրորդ նախագահ Արմեն Սարգսյանը։ 

1956– վախճանվել է սփյուռքահայ նշանավոր գրող Մայքլ Արլենը։ 

1992-Հայաստանը դիվանագիտական հարաբերություններ է հաստատել ՀԱՀ-ի հետ։ 

1993- ԼՂՀ զինված ուժերը լրիվ վերահսկողություն են հաստատել Աղդամ քաղաքի վրա։

2002 –վախճանվել է բանաստեղծ, արձակագիր Մկրտիչ Սարգսյանը: 

2004 –վախճանվել է նկարիչ Վահան Խորենյանը։ 

2006- Երևանում հրազենային կրակոցներից սպանվել է Մալաթիա֊-Սեբաստիա համայնքի նախկին թաղապետ Վահան Զատիկյանի որդին՝ Սեդրակ Զատիկյանը: 

2009-համաներմամբ ազատ է արձակվել ևս 4 ընդդիմադիր՝ Գագիկ Ջհանգիրյանը, Պետրոս Մակեյանը, Վահե Ղազարյանը և Գևորգ Մանուկյանը, իսկ ընդհանուր առմամբ, համաներման գործընթացի արդյունքում ազատ է արձակվել կալանավորված ընդդիմադիրներից 19-ը: 

2011- Ռուսաստանը վերջնականապես վավերացրել է 102-րդ ռազմաբազայի մասին փաստաթուղթը։ 

2013- Լեռնային Ղարաբաղում ստեղծվել է երրորդ սերնդի 3G շարժական ինտերնետային ցանց։ 

2015-լուսաբացին ոստիկանները ցրել են Բաղրամյան պողոտայում գրեթե տասը ժամ խաղաղ նստացույց անող քաղաքացիներին՝ էլեկտրաէներգիայի թանկացման դեմ պայքարի դուրս ելած «Ո՛չ թալանին» նախաձեռնության անդամներին։

ԱՇԽԱՐՀ

718 -իսպանական Աուստուրիա պրովինցիայում տեղի է ունեցել Կովադոնգի հովտի ճակատամարտը, որտեղ Պելայոյի ղեկավարած տեղացիների աշխարհազորը կանգնեցրել է արաբների արշավանքը Իսպանիա։ Այդ ճակատամարտը համարվում է Ռեկոնկիստիայի սկիզբ։

1750 -ծնվել է ֆրանսիացի թեոլոգ և միներալոլոգ Դեոդա դե Դոլոմիեն, որի անվամբ է կոչվել դոլոմիդ հանքանյութը։

1771 -առաջին անգամ Իսպանիայում կորրիդայի ժամանակ զոհվել է մոտադոր՝ Խոսե Կանդիդո Էկսպոզիտոն։

1803 -Ռոբերտ Ֆուլտոնը Սենա գետի վրա ցուցադրել է առաջին շոգենավը։

1846– բելգիացի երաժիշտ Ադոլֆ Սաքսը իր պատրաստած սաքսոֆոնի համար ստացել է արտոնագիր։

1852– վախճանվել է ռուս նկարիչ, «Պոմպեյի վերջին օրը» հայտնի կտավի հեղինակ Կարլ Բրյուլովը։

1865 -ավարտվել է ԱՄՆ-ի քաղաքացիական պատերազմը։

1868– ամերիկացի Քրիստոֆեր Լետեմ Շոուլզը արտոնագիր է ստացել տպագրական մեքենայի համար, որը եղել է մեծ սեղան, իսկ ստեղնաշարը նման է եղել դաշնամուրի ստեղնաշարի։

1888 -ֆրանսիական Լիլ քաղաքում տպագրողների օրվա ընթացքում առաջին անգամ բանվորների երգչախմբի կատարմամբ հնչել է «Ինտերնացիոնալը», որը հետագայում դարձել է ԽՍՀՄ հիմն, իսկ ներկայումս էլ կոմունիստական կուսակցության հիմն է։

1889 -ծնվել է ռուս խորհրդային բանաստեղծ, թարգմանիչ և գրականագետ Աննա Ախմատովան (իսկական ազգանունը՝ Գորենկո)։

1894– ստեղծվել է Միջազգային օլիմպիական կոմիտեն։

1912– ծնվել է անգլիացի մաթեմատիկոս, տրամաբան, գաղտնավերլուծող և ինֆորմատիկայի մասնագետ Ալան Թյուրինգը։

1936– ծնվել է ամերիկացի գրող, արձակագիր Ռիչարդ Բախը («Ջոնաթան Լիվինգստոն ճայը», «Պատրանքներ» և այլն)։

1944 -Երկրորդ համաշխարհային պատերազմի ժամանակ խորհրդային զորքերը սկսել են «Բագրատիոն» օպերացիան, որի ժամանակ ազատագրվել են Բելառուսը և Լիտվան։

1956 –վախճանվել է խորհրդային կոմպոզիտոր, դիրիժոր, մանկավարժ, երաժշտահասարակական գործիչ Ռեյնգոլդ Գլիերը։ 1956 -Համել Աբդել Նասերը ընտրվել է Եգիպտոսի նախագահ։

1972– ծնվել է ֆրանսիացի հանրահայտ ֆուտբոլիստ Զինեդին Զիդանը։

1998 -աշխարհում առաջին անգամ իրականացվել է մարդկային ուղեղի փոխպատվաստում։

2004 -Ճապոնիայի կառավարական հանձնաժողովը թույլատրել է իրականացնել մարդկային էմբրիոնների կլոնավորում հետազոտական նպատակներով։

2016 -Մեծ Բրիտանիայի քաղաքացիները անցկացված հանրահավաքում կողմ են արտահայտվել երկրի` Եվրամիությունից դուրս գալուն։

Ի ՄԻ ԲԵՐԵՑ Կ. ԽԱՉԻԿՅԱՆԸ