Ճապոնիան եւ Ֆրանսիան առաջարկել են Իրանին խոշոր վարկ ՀՀԳԾ-ի դրույթները կատարելու պայմանով

Past.am

Ճապոնիան եւ Ֆրանսիան առաջարկել են Իրանին շուրջ 18.42 միլիարդ դոլարի չափով վարկ տրամադրելու համատեղ նախագիծ nավթի հաշվին երաշխիքով, եթե Թեհրանը կրկին պահպանի Համատեղ համապարփակ գործողությունների ծրագրի (ՀՀԳԾ) դրույթները, հաղորդում է ՌԻԱ Նովոստի-ն՝ հղում կատարելով «Մայնիտի» թերթում հրապարակված հողվածին:

 

Պարբերականի տվյալներով՝ Ճապոնիայի կառավարությունը որոշել է սատարել այս տարի ամռանը Ֆրանսիայի հնչեցրած նախաձեռնությունը Իրանին 15 միլիարդ դոլարի չափով օգնություն տրամադրելու մասին, երբ Թեհրանը պահանջել է մեծացնել պարտքի ծավալները խստացրած պատժամիջոցների բացասական ազդեցությունը փոխհատուցելու համար, եւ հասցնել այդ գումարը 18.42 միլիարդ դոլարի:

 

Պարբերականը նշում է, որ այդկերպ ճապոնական իշխանությունները փորձում են հարթել հնարավոր դժգոհությունը, որը կարող է առաջանալ Տոկիոյի՝ քաղաքացիական նավերին ուղեկցելու համար Հորմուզի նեղուց Ճապոնիայի ինքնապաշտպանության ծովային ուժերի երկու նավ ուղարկելու հետեւանքով: Բացի այդ, թերթի աղբյուների տեղեկատվության համաձայն՝ Ճապոնիայի կառավարությունը ենթադրում է, որ ֆինանսական աջակցությունը կարող է նպաստել Իրանի եւ ԱՄՆ-ի միջեւ միջուկային խնդրի շուրջ երկխոսությանը:

 

Ենթադրվում է, որ վարկի երաշխիքները կապահովվեն նավթի հաշվին, իսկ ֆինանսների նպատակային օգտագործումը կսահամափակվի սննդամթերք եւ դեղամիջոցներ ձեռքբերելով:

 

Այս տարի ամռանը Ֆրանսիան ներկայացել էր որպես Եվրոպայի ներկայացուցիչ Իրանի հետ միջուկային ծրագրի շուրջ գործարքին աջակցելու սեփական նախաձեռնություններով: Ըստ ԶԼՄ-ների՝ Ֆրանսիայի նախագահ Էմանուել Մակրոնը կոչ է արել ԱՄՆ-ի նախագահ Դոնալդ Թրամփին դիտարկել քայլերը, որոնք Իրանին թույլ կտան մեծացնել նավթի արտահանումը: Մտահղացումը, ենթադրաբար, կայանում է նրանում, որ թույլ տրվի Իրանին վաճառել օրական առնվազն 700 հազար բարել նավթ: Այդ ծրագրի երկրորդ դրույթը կայանում է Իրանին շուրջ 15 միլիարդի չափով վարկ դրամադրելու մեջ, որ երկիրը կարողանա շրջանցել ԱՄՆ-ի պատժամիջոցները:

 

Այդ վարկի մասին տեղեկատվությունը հաստատել է նաեւ Իրանի ԱԳ փոխնախարար Աբաս Արաքչին, որը նշել է, որ Թեհրանի կողմից միջուկային գործարքի դրույթները կատարելու հավանականությունը կախված է գումարի չափից:

 

Առաջին անգամ Իրանը հրաժարվել էր կատարել միջուկային գործարքի մի շարք սահմանափակումներն իրանյան միջուկային ծրագրի համաձայնագրից ԱՄՆ-ի դուրս գալու տարելիցի օրը՝ 2018 թվականի մայիսի 8-ին. մեկ տարի սպասելուց հետո իր պատասխանը Թեհրանն անվանել էր «ռազմավարական համբերություն»: Այդ որոշման առաջին փուլը վերաբերում էր հարստացված ուրանի պաշարներին: Դրա արդյունքում Թեհրանի իշխանությունները հայտնել էին միջուկային գործարքի շրջանակում պարտավորությունների կրճատման երկրորդ փուլի մասին՝ հայտարարելով, որ Իրանը չի հարստացնի ուրանն այն մակարդակում, որն անհրաժեշտ է երկրին: Երրորդ փուլը մեկնարկել էր սեպտեմբերի 6-ին, երբ Իրանը հայտարարել էր, որ սկսել է աշխատել մի շարք ցենտրիֆուգաների հետ՝ չսահմանափակելով ինքն իրեն միայն միջուկային հետազոտությունների ոլորտում: