Կարծիք կա, որ դեղաբույսերից պատրաստված եփուկներն ու թուրմերն անվնաս են, որ դրանք կարելի է օգատգործել առանց սահմանափակումների: Սակայն դա այդպես չէ: Դեղաբույսերից եփուկները և թուրմերը իսկապես շատ օգտակար են, սակայն կան նաև դրանց օգտագործման հակացուցումներ: Բացի այդ, որոշ բույսեր, որոնք համարվում են բացարձակապես անվտանգ, պարունակում են նյութերի, որոնք բացասական ազեցություն կարող են գործել կնոջ օրգանիզմի վրա:
Դեղատնային երիցուկ
Այս բույսը հայտնի է իր հրաշալի բուժիչ հատություններով: Այն լայն կիրառություն ունի: Սակայն այն կարող է բացասական ազդեցություն ունենալ առատ դաշտանի դեպքում; Նույնիսկ անվնաս թվացող երիցուկով թեյը այդ օրերին կարող է առաջացնել արյունահոսություն և կարող է հանգեցնել ոչ միայն անեմիայի, այլ նաև որոշ գինեկոլոգիական հիվանությունների առաջացմանը:
Եղինջ
Եղինջը լայն կիրառություն ունի ինչպես գիտական, այնպես էլ ժողովրդական բժշկության մեջ: Եղինջը բուժական նպատակներով հակացուցված է օգտագործելը գինեկոլոգիական հիվանդությունների դեպքում: Եղնջի մեջ պարունակվող ֆիտոնյութերը կարող են շատ վտանգավոր լինել գինեկոլոգիական հիվանդությունների դեպքում: Եղինջի եփուկի օգտագործումը հակացուցած է հղիներին, այն կարող է վիժում առաջացնել, էռոզիայի առկայության դեպքում կարող է արյունահոսության պատճառ դառնալ և նույնիսկ հանգեցնել անպտղության:
Ալոե
Ալոեն հակացուցված է գինեկոլոգիական նույնիսկ աննշան խնդիրների դեպքում: Մասնագետները այսպիսի խնիրների առկայության դեպքում խորհուր չեն տալիս օգտագործել ալոեի հյութով լուծույթներ: Այս բույսի ֆիտոնյութերը ուժեղացնում են արյան հոսքը դեպի փոքր կոնքի օրգաններ և դրա հետևանքով կարող են սրվել կանացի միզասեռական օրգանների քրոնիկական հիվանությունները և կարող են առաջանալ բարդություններ:
