Կոճապղպեղի արմատը պարունակում է մեծ քանակությամբ միկրո- և մակրոտարրեր, վիտամիններ և անփոխարինելի ամինաթթուներ: Իսկ հյութը այդ բոլոր արժեքավոր բաղադրիչների կոնցենտրատն է:
Բժիշկներն այն խորհուրդ են տալիս խմել իմունիտետը բարձրացնելու, բարձր ֆիզիկական կամ հուզական ծանրաբեռնվածության դեպքում:
Այն օգնում է պահպանել առողջությունը և ազատվել ավելորդ կիլոգրամներից:
Կոճապղպեղի հյութը ունի հետևյալ առանձնահատկությունները.
- լավացնում է մարսողությունը,
- խթանում է աղիների աշխատանքը,
- արագացնում է նյութափոխանակությունը,
- մեղմում է մկանային ցավերը,
- օգնում է ազատվել սրտխանոցից,
- օրգանիզմից հանում է տոքսինները,
- խթանում է սիրտ-անոթային համակարգի աշխատանքը,
- լավացնում է մաշկի, մազերի և եղունգների վիճակը,
- կարգավորում է ճարպափոխանակությունը:
Բաղադրիչներ
200 գ կոճապղպղի արմատ
20 մլ կիտրոնի հյութ
2 ճաշի գալ մեղր
1 լ ջուր
Պատրաստման եղանակը
Կոճապղպեղը լվանալ, մաքրել, մանրացնել բլենդերի կամ քերիչի օգնությամբ: Ավելացնել մեղրը, կիտրոնի հյութ և ջուր: Լավ խառնել և դնել սառնարանը 2 ժամով: Կարելի է թողնել ողջ գիշեր և ըմպելիքը կունենա ավելի հագեցած համ:
Հյութը քամել թանզիֆի կամ քամիչի օգնությամբ: Ստացված հյութը կարելի է պահել սառնարանում 5 օր:
Օգտագործելիս ցանկալի է ավելացնել ջուր, անանասի հյութ, խնձորի կամ գազարի հյութ:
Կոճապղպեղի հյութը հակացուցված է ալերգիկներին, երեխաներին, հղի կանանց և կերակրող մայրերին, մասողական համակարգի բորբոքային հիվանդություններով (գաստրիտ, խոց, պանկրեատիտ) տառապողներին, հիպերտոնիկներին:
Պետք է սկսել խմել քիչ չափաբաժիններով, որպեսզի հնարավոր լինի ստուգել օրգանիզմի արձագանքը այդ ըմպելիքին: Այնուհետև, եթե օրգանիզմը դրականորեն է արձագանքում, կարելի է ավելացնել չափաբաժինը:
Առողջ եղեք:
