Իզուր չէ, որ բազուկը անվանում են ամենաօգտակար մթերքներից մեկը: Բազուկն անփոխարինելի է ինչպես շատ ուտեստների պատրաստման մեջ այնպես էլ առողջության համար: Հավանաբար քչերը գիտեն, որ բազուկը աշխարհում կիրառվել է ավելի քան 2000 տարի առաջ բուժական նպատակներով:
Բազուկը օգտակար է օրգանիզմին, նախ նրանով, որ օգնում է օրգանիզմից դուրս բերել վնասակար նյութերը: Բազուկը պարունակում է А և Р վիտամիններ, В վիտամինների խումբ, կալցիում, յոդ, մագնիում, կալիում, նատրիում, ցինկ:
Բազուկը պարունակում է նաև ֆոլաթթու, ասկորբինաթթու, ամինաթթուներ, բետա-կարոտին: Բազուկով պատրաստված ուտեստները ունակ են վերականգնել լյարդը:
Բազուկով պյուրե պատրաստելու համար անհրաժեշտ է
3 ոչ մեծ չափի բազուկ
1/3 բաժակ կաթ
40 գ քերած պանիր
1 ճաշի գդալ կարագ
1 թեյի գդալ ալյուր
Աղ ըստ ճաշակի
Պատրաստման եղանակը
Բազուկը եփել, կեղևը մաքրել, անցկացնել մանր քերիչով կամ մանրացնել բլենդերի օգնությամբ, որ ստացվի համասեռ զանգված:
Սոուսը պատրաստելու ալյուրը թեթևակի բովել կարագով, ավելացնել կաթ և եփել 5 րոպե:
Ստացված սոուսը լցնել բազուկի վրա և համեմել աղով: Թեթևակի տաքացնել և մատուցել քերած պանրով:
Բարի ախորժակ
