Շերտավոր խմորների բաղադրատոմսերը շատ են:Սակայն այս մեկն ունի մի շարք առավելություններ, այս խմորը պատրաստվում է արագ, դանից պատրաստված թխվածքները ստացվում են համեղ, նրբահամ: Այս խմորը ունիվերսալ է, դրանից կարել է պատրաստել տարատեսակ թխվածքներ: Եվ որ, ամենակարևորն է, երբեք հուսախաբ չի անում:
Բաղադրիչներ
Ալյուր 1 կգ
Կարագ կամ մարգարին 800 գ
Ձու 2 հատ
Աղ 1 թեյի գալ
Քացախ 5-7 % — անոց 2 ճաշի գդալ
Սառը ջուր 350 մլ
Պատրաստման եղանակը
Ձուն հարել, ավելացնել աղը, քացախը և լավ խառնել:
Այնուհետև ավելացնել սառը ջուրը (պետք է շատ սառը լինի) և լավ խառնել: Ստացվում է 500 մլ հեղուկ: Դնել սառնարանը:
Աշխատանքային մակերևույթի վրա լցնել ալյուրը և դրա մեջ քերիչով անցկացնել սառեցրած մարգարինը կամ կարագը: Ձեռքերով լավ տրորել:
Ստացված խառնուրդին տալ բուրգի ձև, մեջտեղում փորվածք անել, սառնարանից դուրս բերել հեղուկը և լցնել փոսիկի մեջ:
Եզրերից ձեռքերով ալյուրը բարձրացնել և հեղուկի հետ խառնել: Խնամքով շերտեր ձևավորել և սեղմել: Այս խմորը չի կարելի հունցել:
Ստացված խմորին տալ գնդի ձև, ձեռքերով նստեցնել, որ ստացվի ուղղանկյուն:
Տեղադրել պոլիէթիլենի մեջ և դնել սառնարանը ամենապակասը 2 ժամով: Ավելի լավ արդյունք ունենալու համար կարելի է սառնարանում թողնել 10-12 ժամ:
Սառնարանում կարելի է պահել մի քանի օր, իսկ սառցախցիկում մի քանի շաբաթ:
Շորտավոր խմորը դուրս բերել սառնարանից, անմիջապես թխելուց առաջ: Գրտնակով բացել սառը վիճակում:
Կարելի է օգտագործել տարբեր միջուկներ, ընտրությունն ըստ ցանկության և ճաշակի:
