Ադրբեջանում շարունակվում են զանգվածային կրճատումները

Ադրբեջանում տնտեսական ճգնաժամով պայմանավորված պետական եւ մասնավոր հատվածների աշխատավորների զանգվածային կրճատումները շարունակվում են:

 «Թուրան» լրատվական գործակալությունը հայտնում է, որ զանգվածային կրճատումները հասել են նաեւ Azəriqaz  պետական արտադրական ընկերություն:

Նշվում է, որ տնտեսական ճգնաժամի պատճառով վերացվել են ընկերության Ափշերոնի, Բինագադիի, Խաթայիի, Խազարի, Գարադաղի, Նարիմանովի, Նասիմիի, Սաբունչիի, Սաբայիլի եւ Յասամալի շրջանային գազաշահագործման տեղամասերը, որոնցից յուրաքանչյուրում 80-100 մարդ է աշխատում, եւ այդ պատճառով սպասվում է, որ մոտ 1000 աշխատակիցներ պետք է կրճատվեն:

  Նավթագործների իրավունքների պաշտպանության կազմակերպության ղեկավար Միրվարի Գահրամանլընհայտարարել է, որ աշխատանքից ազատումների մասին աշխատավորներին ուղարկված ծանուցագրերում նշված է, որ նոյեմբերի 16-ից նրանք այլեւս չեն կարողանա ներկայանալ աշխատանքի, եւ հայտնի չէ, թե կրճատման տակ հայտնված մարդիկ կապահովվե՞ն աշխատանքով, թե ոչ:

Azəriqaz  արտադրական միավորման ղեկավար Իբրահիմ Քերբալալին հաստատել է կառուցվածքային փոփոխությունների մասին տեղեկությունը:

Ադրբեջանական ԶԼՄ-ները հայտնում են, որ Azəriqaz ընկերության ղեկավարության ապաշնորհ եւ ոչ պրոֆեսիոնալ ղեկավարման պատճառով ամեն տարի մինչեւ 1 մլրդ խմ գազ ներկայացվել է որպես կորուստ:

Ադրբեջանական ԶԼՄ-ներն օրերս հայտնել էին «Ազերինշաաթ» եւ «Ազերյոլսերվիս» պետական ընկերութուններում եւս զանգվածային կրճատումներ իրականացվելու մասին:

Նավթի համաշխարհային գների եւ մանաթի փոխարժեքի անկման պատճառով Ադրբեջանի տնտեսությունը հայտնվել է ճգնաժամիմեջ. բազմաթիվ պետական եւ մասնավոր հաստատություններ չեն կարողանում վճարել աշխատակիցների աշխատավարձերը:Փակվել են նավթարդյունաբերության մի շարք ձեռնարկություններ, պետական եւ մասն ավոր հաստատություներ, տասնյակհազարավոր աշխատավորներ գործազուրկ են դարձել, Ադրբեջանի տնտեսական աճն օրեցօր նվազում է, միջազգայինվարկանիշային գործակալությունների տեղեկությունների համաձայն` Ադրբեջանական բանկերը կանգնած են ռիսկի սահմանին,այս տարվա ընթացքում Ադրբեջանն արդեն 6,7 մլրդ դոլար է կորցրել, երկրի բյուջեն դեֆիցիտային է դարձել. եկող տարվա բյուջենանցյալ տարվա պետբյուջեից մոտ 2 անգամ փոքր է սահմանվել:

Ադրբեջանի արտահանման 95 տոկոսը կազմում են գազը, նավթն ու նավթամթերքները, իսկ երկրի պետբյուջեն 75 տոկոսով ձեւավորվում է էներգակիրների արտահանումից ստացվող եկամուտների հաշվին: