Փաստեր «Ռեմբո. Առաջին արյունը» ֆիլմի մասին, որոնք դուք հավանաբար չգիտեք

30 տարի առաջ՝ 1985թ. մայիսի 22-ին ԱՄՆ-ի կինոէկրաններ դուրս եկավ հոլիվուդյան «Ռեմբո. Առաջին արյունը» մարտաֆիլմը, որտեղ Թեդ Կոտչեֆը պատմում էր զինվոր Ջոն Ռեմբոյի մասին:

Past.am-ն առաջարկում է վերհիշել այս կուլտային ֆիլմի հետաքրքիր փաստերը:

1. ԽՍՀՄ-ում ֆիլմը մեծ հաջողություն վայելեց, իսկ «Ռեմբո» սկսեցին անվանել այն մարդկանց, որոնք տարված էին «զինվորականությամբ»:

2. Ֆիլմը նկարահանվել է Դևիդ Մորելլի «Առաջին արյունը» գրքի հիման վրա: Ամերիկացի գրողի վեպ-դեբյուտը առաջին անգամ հրապարակվել է 1972թ.: Այն դարձավ բեսթսելլեր:

3. Երբ Դևիդ Մորելլը անուն էր մտածում իր գլխավոր հերոսի համար, նրա կինը գնեց ռեմբո տեսակի խնձորներ, որոնք Ամերիկա էր բերել շվեյցարացի ներգաղթյալը: Այսպես իր անունն ստացավ Վիետնամի պատերազմի վետերանը:

4. Ռեմբոյին կարող էին մարմնավորել Ալ Պաչինոն, Դասթին Հոֆմանը, Քլինթ Իսթվուդն ու Ջոն Տրավոլտան:

5. Ի սկզբանե նախատեսված 11 մլն դոլլար բյուջեն գերազանցվեց: Ֆիլմի բյուջեն կազմեց գրեթե 15 մլն դոլլար: Պատճառն այն էր, որ նկարահանման պրոցեսը տևեց 1 ամիս ավելի երկար։

6. Գլխավոր հերոսին մարմնավորող Սիլվեստեր Ստալոնեն շատ դժգոհ մնաց ֆիլմի արդյունքից: Ի սկզբանե նա մտադրվել էր գնել ֆիլմի ժապավենը, որպեսզի այն ոչ ոք հնարավորություն չունենար դիտելու: Սակայն նա խնդրեց պրոդյուսերներին, հնարավորության դեպքում, կտրել իր դեմքը ֆիլմից: Արդյունքում՝ ֆիլմի վերջնական տարբերակը խրոնոմետրաժով կրկնակի քիչ տևեց։

7. Դևիդ Մորելլը (լուսանկարում) գրքում «սպանեց» իր հերոսին: Սակայն ֆիլմի հաջողությունը նրան ստիպեց վերցնել գրիչը ու գրել երկրորդ մասը, որտեղ Ռեմբոն ողջ էր։

8. Գոյություն ունի նաև ֆիլմի ռեժիսորական տարբերակ՝ այլընտրանքային ավարտով: Գնդապետ Թրաութմանը, այնուամենայնիվ դարձավ Ռեմբոյի մարդասպանը (համաձայն գրքի սյուժեի): Անցկացվել էին թեսթային դիտումներ ու պարզվել էր, որ հանդիսատեսին ֆիլմի նման ավարտը չի գոհացնում: Նման դիտումներից անցկացվել էր առաջինը Լաս Վեգասում։

9. «Առաջին արյունը» համարվում է արյունալի ու դաժան ֆիլմ: Սակայն, եթե ուշադիր դիտենք, ֆիլմում զոհերը ընդամենը չորսն են՝ շերիֆի օգնականը, ով սեփական մեղքով ընկավ ուղղաթիռից ու երեք ոստիկան, որոնք հետապնդում էին Ռեմբոյին: Գրքում վետերանը դառնում է նվազագույնը տասը մարդու մահվան պատճառ։

10. Ստալոնեն ֆիլմի համար խնդրում էր 3,5 մլն դոլլար, սակայն պրոդյուսերները նրան համոզեցին դերի դիմաց ստանալ 2 մլն դոլլար: Եվս 1,5 մն դոլլար նա ստացավ վարձույթից։

11. Ի տարբերություն «Ռոկկիի»՝ «Առաջին արյունը» մրցանակների չէր հավակնում, ու քննադատները տարբեր կերպ էին արձագանքում ֆիլմին: Սակայն այն ավելի ազդեցիկ ֆիլմ դարձավ ու նոր բեմադրական նշաձող սահմանեց ռեալիստական մարտաֆիլմի համար։