Ներքաղաքական մամռակալած գաղջ մթնոլորտի պատճառը կրեատիվության պակասն է. «Փաստ»

«Փաստ» օրաթերթը գրում է.

ՍԴՀԿ ատենապետ Լյուդմիլա Սարգսյանի կարծիքով, մեկ տարին լիովին բավարար է, որպեսզի բոլոր քաղաքական ուժերը կարո­ ղանան հստակեցնել իրենց քաղաքական ծրագրերը և նախապատրաստվեն արտահերթ ընտրությունների:

Խոսելով առաջիկայում քաղաքական ուժերի դիրքավորման մասին՝ նա տարբեր գաղափարախոսություն ունեցող կուսակցությունների մեկ միասնական ցուցակով հանդես գալու առաջարկը նորմալ չի համարում: Ու եթե նախկին իշխանությունները կարող էին տարբեր կուսակցությունների ներկայացուցիչների հետ մեկ միասնական ցուցակով հանդես գալ, ապա ներկա իշխանական քաղաքական ուժերը չեն կարող: «Մեր երկրում, ըստ նպատակահարմարության, բազմաթիվ դաշինքներ են ձևավորվել, և հետո տեսել ենք, թե դրա արդյունքում ինչ է լինում: Այս կամ այն հարցի շուրջ միասնական օրակարգ չձևավորվելու արդյունքում քաղաքական ուժը կա՛մ պառակտվում էր, կա՛մ համաձայն չլինելով մյուսի արտահայտած մտքի հետ՝ ստիպված էր լինում լռել: Ներկա քաղաքական ուժերը կարող են ընտրություններին մասնակցել այն ուժերի հետ, ում ներքին, արտաքին քաղաքական և տնտեսական ծրագրերը կիսում են, որպեսզի հետական ծրագրերը կիսում են, որպեսզի հետա­ գայում նրանց տեսակետները չհակասեն իրար: Այսինքն, հարկավոր է բոլոր ռիսկերը հաշվարկել»,–ասաց Լ. Սարգսյանը: Նա նույնպես համամիտ է այն դիտարկմանը, որ չնայած երկրում իրավիճակ է փոխվել, սակայն քաղաքական դաշտում նախկինի նման շարունակում է գաղջ մթնոլորտը գերիշխել: Ու թեև օդում կախված դեպրեսիվ տրամադրությունները ժամանակ առ ժամանակ ցրվում են ԱԱԾ–ի աղմկահարույց բացահայտումների հայտարարություններով, սակայն նախկին ընդդիմադիր քաղաքական ուժերը դեռևս չեն գտել իրենց տեղը: «Դրա պատճառը քաղաքական ուժերի անորոշությունն է: Նախկինում մարդիկ հստակ գիտեին՝ ում կամ որ ուժի դեմ են պայքարում, կամ ընտրազանգվածին գրավելու համար ինչ լոզունգներով պետք է հանդես գան: Հիմա ոչ միայն պետք է հին կարգախոսներից հրաժարվեն, այլև ծրագրերից: Այսինքն, ստեղծվել է մի իրավիճակ, որ պետք է շատ կրեատիվ կարգախոսներով հանդես գան և ծրագիր ներկայացնեն, որը կտարբերվի նաև իշխանության ծրագրից: Հետևաբար, այսօր կուսակցությունները լուրջ խնդրի առջև են կանգնած»,–ասաց Լ. Սարգսյանը:

Կուսակցության ատենապետի կարծիքով, ՀԱԿ–ը մեծամասամբ իր նախկին կարգախոսը մոտավորապես նույնը կթողնի, «Ժառանգությունն» անորոշության մեջ է, իսկ ՍԴՀԿ–ի նման փոքր կուսակցությունները պետք է մտածեն դաշինքներ ձևավորելու մասին: «Բայց ես չեմ կարծում, որ «Քաղպայմանագրի» հետ բոլոր կուսակցություններն են, որ կարող են միանալ: Եվ այդ առումով ես կարծում եմ, որ «Ժառանգություն» կուսակցության հայտարարությունը աբսուրդ էր, որովհետև այդ կուսակցությունը մշտապես ԵԱՏՄ–ին դեմ է հանդես եկել: Բացի այդ, բոլորը պետք է հասկանան, որ այս պայքարի և հաղթանակի մեջ որևէ քաղաքական ուժ դերակատարություն չի ունեցել: Եվ այդ դիվիդենտներն ընդհանրացնելու փորձերն արդար չեն»,–ասաց Լ. Սարգսյանը:

Դրանից բացի, գաղջ մթնոլորտի թանձրությունն ավելացրել է կուսակցություների ապագայի հանդեպ անվստահության դրսևորումների պատճառով: Եվ մի քանի անգամ ժողովրդի քվեն չստացած կուսակցությունները պետք է հասկանան, որ ժողովրդի վստահությանն արժանանալը գնալով ավելի է դժվարանալու: Այդ ամենով հանդերձ՝ քաղաքական գործիչը վստահ է, որ քաղաքական կյանքն այսօր ավելի լավ վիճակում է, քան նախորդ իշխանությունների օրոք էր, իսկ առաջիկա խորհրդարանական արտահերթ ընտրությունները նոր դեմքերի շնորհիվ «թթվածնի» թարմ պաշարով կհարստացնեն հին ու մամռակալած քաղաքական դաշտը: