Հայաստանն ու Վրաստանը նախանշում են համագործակցության նոր հեռանկարներ

Հայ-վրացական հարաբերությունները բազմամյա ամուր համագործակցության հիմքերի վրա են դրված, և ՀՀ նախագահ Սերժ Սարգսյանի այցի ընթացքում կքննարկվեն հայ-վրացական հարաբերությունների բազմաբնույթ համագործակցության օրակարգն ու կնախանշվեն այն առաջ մղելու նոր հեռանկարները: Կոմերը մտադիր են ավելի ուժեղացնել համագործա կցության այն հիմնական ուղղությունները, որոնք սկիզբ են առել դեռևս 1992 թվականի հուլիսի 17-ից, երբ երկու երկրների միջև հաստատվեցին դիվանագիտական հարաբերություններ: Սա Հայաստանի նախագահի մակարդակով տասներեքերորդ այցն է Վրաստան: Նախագահական մակարդակով այցերից և հանդիպումներից բացի, դիվանագիտական հարաբերությունների հաստատումից ի վեր շատ են եղել նաև ՀՀ արտաքին գործերի նախարարների և վարչապետների այցելություններն ու հանդիպումները:

Երկու հարևան երկրների միջև ձևավորված իրավապայմանագրային դաշտը նույնպես ամուր հիմքերի վրա է: Այս տարիների ընթացքում Հայաստանի Հանրապետության և Վրաստանի Հանրապետության միջև կնքվել է փոխհարաբերությունների գրեթե բոլոր ոլորտներն ընդգրկող շուրջ 80 միջազգային պայմանագրեր, համաձայնագրեր, հուշագրեր արձանագրություններ, այդ թվում` 2001 թվականին հոկտեմբերին ստորագրված հիմնարար փաստաթուղթը` «Բարեկամության, համագործակցության և փոխադարձ անվտանգության մասին» պայմանագիրը: Խոսելով հայ-վրացական հարաբերությունների մասին` հայկական կողմը մշÕ �ապես ընդգծել է այն հանգամանքը, որ ներկայիս հարաբերությունների հիմքում ընկած են հազարամյակների պատմություն ունեցող դարավոր կապերը:

2014 թվականի դեկտեմբերի 11-12-ը Վրաստանի Հանրապետություն կատարած պաշտոնական այցի ժամանակ ՀՀ վարչապետ Հովիկ Աբրահամյանն ընդգծել է, որ բարձրաստիճան պաշտոնական հաճախակի փոխայցերը վկայում են հայ-վրացական քաղաքական երկխոսության բարձր մակարդակի մասին և նպաստում են երկկողմ հարաբերությունների ամրապնդմանը:

Տնտեսական համագործակցության խորացման նպատակով գործում է տնտեսական միջկառավարական համագործակցության հանձնաժողով, որը գլխավորում են երկու պետությունների վարչապետները: Հայաստանի և Վրաստանի միջև գործում է նաև պետական սահմանի սահմանագծման ու սահմանազատման հանձնաժողով, իսկ 2013 թվականի աշնանը ձևավորվել է հայ-վրացական առևտրատնտեսական հարցերով համատեղ աշխատանքային խումբ, որի առաջին նիստը գումարվել է 2014 թվականի մարտի 21-ին:

2013թ. Հայաստանի և Վրաստանի միջև ապրանքաշրջանառությունը կազմել է ավելի քան 150 միլիոն դոլար: Արտահանումը Հայաստանից կազմել է 86 միլիոն 108.6 հազար դոլար, իսկ ներմուծումը` 65 միլիոն 834.8 հազար դոլար: Վրաստանից Հայաստան ներմուծվում են հիմնականում գյուղմթերք, ավտոմեքենաներ, հանքային ջրեր, քիմիական արտադրանք, դեղամիջոցներ: Հայաստանից արտահանվում են լեռնարդյունահանող սարքավորումներ, բուսաբուծական եւ թռչնաբուծական ապրանքներ, գյուղմթերք, սննդի արդյունաբերության արտադրանք:

Հայ-վրացական հարաբերությունների ամրապնդման հիմքում կարևորագույն դերակատարում ունի վրացահայ համայնքը: Այժմ Վրաստանում ապրում է շուրջ 250 հազար հայ (ոչ պաշտոնական տվյալներով` 400 հազար հայ), որոնք բնակվում են հիմնականում երկրի խոշոր քաղաքներում` Սամցխե-Ջավախքում, Թբիլիսիում, Քվեմո Քարթլիում, Բաթումում (2008 թվականի ապրիլից այնտեղ գործում է ՀՀ գլխավոր հյուպատոսությունը), Քոբուլեթում, Սուրամիում, Գորիում և այլ վայրերում: Նրանք հիմնականում զբաղվում են ձեռնարկատիրական գործունեությամբ, առևտրով:

Սերժ Սարգսյանը Թբիլիսիում ներկա կգտնվի Հայ առաքելական եկեղեցու Վիրահայոց Թեմի Սուրբ Գևորգ առաջնորդանիստ տաճարի վերաօծման արարողությանը, որը կարող է լուրջ ազդակ հանդիսանալ Վրաստանում առկա հայկական մշակութային հուշարձանների վերականգնման համար: