Հանգստի և մշակույթի ծառայությունները թանկացել են

Մատուցված ծառայությունների ոլորտում ույն թվականի հոկտեմբերին սեպտեմբերի համեմատ հանրապետությունում արձանագրվել է սակագների 0,5% նվազում: Այս մասին «Փաստ»–ը տեղեկացավ Ազգային վիճակագրական ծառայությունից:

Ըստ հրապարակած թվերի՝ տրանսպորտի ծառայությունների սակագները նվազել են 2,5%–ով: Գնանկումը պայմանավորված է եղել օդային տրանսպորտով միջազգային չվերթների ծառայությունների սակագների 15,8% նվազմամբ:

Միաժամանակ, հոկտեմբերին հանրապետությունում գրանցվել է բնակարանային ծառայությունների՝ 0,2%, հանգստի և մշակույթի՝ 1,4% ծառայությունների սակագների հավելաճ:

Առողջապահության, կապի և կրթության ծառայությունների սակագների մակարդակը նախորդ ամսվա համեմատ մնացել է անփոփոխ: 

Հանրապետության դիտարկված բոլոր քաղաքներում 2017 թ. հոկտեմբերին սեպտեմբերի համեմատ արձանագրվել է ծառայությունների սակագների 0,9–0,4% նվազում: Նվազման ամենաբարձր ցուցանիշը գրանցվել է Գյումրիում: 

ԱՎԾ–ի փոխանցմամբ՝ մայրաքաղաքում ծառայությունների սակագները նվազել են 0,4%–ով:



Մանյա Պողոսյան
«Փաստ»