Սերգեյ Բագրատյան. «Վարչապետի ընտրությունը Հանրապետական կուսակցության տիրույթում է». «Փաստ»

«Փաստ» օրաթերթը գրում է.

«Փաստ» օրաթերթի զրուցակիցն է «Ծառուկյան դաշինքի» պատգամավոր Սերգեյ Բագրատյանը

– Պարոն Բագրատյան, լրացել է վարչապետ Կարեն Կարապետյանի պաշտոնավարման մեկ տարին, ինչպե՞ս եք այն գնահատում:

– Ժողովուրդը պետք է գնահատի վարչապետի պաշտոնավարումը, ես ինչ գնահատեմ: Եթե մեր ժողովրդի ապրուստում, կենցաղում բան է փոխվել, ուրեմն փոփոխոթյուն եղել է երկրում, բայց ժողովրդի կենցաղում բան չի փոխվել, մենք որևէ փոփոխություն չենք տեսնում: Ինչպես պարոն Ծառուկյանը նշեց սպորտի բնագավառում հաջողություններ է եղել, զբոսաշրջության բնագավառում նույնպես կա հաջողություն: Մենք լավին լավ ենք ասում, վատին՝ վատ: Ընդհանրապես, աշխատանքներ պետք է կատարվեն, ամեն մի կուսակցություն իր խոստացած ծրագրերը պետք է կատարի, այն, ինչ խոստացել է ժողովրդին, ինչի առիթով ստացել են համապատասխան քվե, պետք է կարողանան կյանքի կոչել այդ ծրագրերը:

– Ըստ Ձեզ՝ ինչո՞ւ վարչապետին չհաջողվեց տնտեսության տարբեր ոլորտներում հաջողություններ գրանցել:

– Միարժեք գնահատականներ տալ հնարավոր չէ, որովհետև ցանկացած գործընթաց ունի իր սուբեկտիվ ու օբեկտիվ պատճառները, կան նաև աշխարհաքաղաքական իրավիճակներ և այլն: Հիմա թող տեսնենք հետո ինչ է կատարվում:

– Ո՞ւմ եք տեսնում 2018 թվականին վարչապետի պաշտոնում:

– 2018 թվականին դեռ երկար ժամանակ կա: Այսօր վարչապետի ընտրությունը «Հանրապետական» կուսակցության տիրույթում է, մեր տիրույթում չէ դա: Եթե այս պահին 50%–ից ավելին Աժ–ում ձայն ունի հանրապետականը, բնականաբար, իր թեկանածուն է առաջադրելու և քվեարկելու: Վարչապետի պաշտոնի մասին դեռ վաղ է խոսել:

– Արդյո՞ք «Ծառուկյան դաշինքում» քննարկվել է վարչապետի թեկնածությունը:

– «Ծառուկյան դաշինքը» դեռ չի քննարկել վարչապետի իր թեկնածուին, որովհետև «Հանրապետական» կուսակցությունը դեռ չի բարձրաձայնել իր թեկնածուի մասին, մենք ի՞նչը քննարկենք: Իրանք պետք է իրենց թեկնածուն առաջադրեն, որ մենք քննարկենք ու մերը ներկայացնենք:

– Նոր Սահմանադրությամբ վարչապետի առջև է ծառացած լինելու երկրի անվտանգության և արտաքին քաղաքականության հարցերը, արդյո՞ք «Ծառուկյան դաշինքը» կսատարի վարչապետի հնարավոր պաշտոնում առաջադրվող Սերժ Սարգսյանի թեկնածությունը՝ հաշվի առնելով վերջինիս պաշտոնավարման 10 տարիները:

– Եկեք եթեներով չխոսենք, կգա 2018 թվականի ապրիլը, կառաջադրեն թեկնածու «կքննարկենք» եթե, եթե, եթե–ով չի էլի:

Շարունակությունը՝ «Փաստ» օրաթերթի այսօրվա համարում