Արտահայտություններ, որոնք ի զորու են հարթել ցանկացած վեճ

ЛАЙФ 2 Сентябрь, 2017 13:43

Ցավոք, յուրաքանչյուր մարդու կյանքում տեղի են ունենում տարատեսակ վեճեր, և դրանցից խուսափելն անհնարին է: Դա վերաբերում է թե՛ անձնական կյանքին, թե՛ աշխատավայրին, և թե՛ ընկերական շրջապատին, և դրանում սարսափելի ոչինչ չկա:

AdMe.ru-ն պարզապես խորհուրդ է տալիս ճիշտ արձագանքել այդ ամենին և առաջարկում դրա համար փորձված տարբերակներ.

Արի ընդմիջենք, մտածենք և որոշում կայացնենք

Փոխադարձ մեղադրանքները կանգնեցնելու համար հաճախ բավական է միայն լռել: Մոտ 5 վայրկյան շունչ քաշեք և մտածեք՝ ինչի՞ց է ծագել վեճը: Իսկ գուցե դրա համար լուրջ պատճառ չկա՞ր:

Ի՞նչ կարող եմ անել իրավիճակը բարելավելու համար

Եթե դուք իսկապես պատրաստ եք որոշակի զիջումների գնալ՝ դա կարող է ձեզ փրկել նոր ահագնացող կոնֆլիկտից: Դա հրաշալի արտահայտություն է, մանավանդ եթե ձեր զրուցակիցը ձեզանից հստակ քայլեր է ակնկալում, և կոնֆլիկտը ծագել է հենց դրա պատճառով:

Մենք կկարողանանք լուծել այդ խնդիրը, չէ՞ որ ավելի վատ բաներ էլ են պատահել

Այս արտահայտությամբ դուք կհիշեցնենք ձեր զրուցակցին, որ դուք մի թիմ եք, և ձեզ համար անհնարին ոչինչ չկա: Իսկ դա նշանակում է, որ կկարողանաք միասին լուծել խնդիրը:

Ես չեմ խոսի նման տոնով

Եթե կոնֆլիկտը նոր է հասունանում, այն էլ՝ ոչ այնքան լավ ծանոթ մարդու հետ, ավելի լավ է միանգամից դուրս գալ հարձակման ալիքի տակից: Մի տրվեք զգացմունքներին, դուրս եկեք սենյակից:

Այո, դուք ճիշտ եք

Եթե դուք համաձայնում եք մարդու հետ՝ դա նրան միանգամից հանգստացնում է: Դա հրաշալի միջոց է հանդարտեցնել մեկին, եթե նա, օրինակ, դժգոհ է սպասարկման որակից:

Բարկացած ժամանակ դու ավելի գեղեցիկ ես, քան սովորաբար

Գեղեցիկ հաճոյախոսությունը՝ նույնիսկ կռվի ամենաթեժ պահին, կարող է ժպիտ առաջացնել: Բացի այդ, հաճոյախոսությունների հասցեատիրոջ մոտ սովորաբար սկսում է արտադրվել «երջանկության հորմոնը», դե իսկ դրանից հետո խնդիրը հարթելու համար միայն մի քանի քայլ է հարկավոր:

Արի մտածենք՝ ինչպես լուծենք խնդիրը

Կարևոր է հասկանալ, որ այդ արտահայտությանը պետք է հետևի իրական պատրաստակամություն՝ լսել և ընդունել ուրիշի տեսակետը: Սիրային հարաբերություններում դա հրաշալի մեթոդ է, քանի որ ցույց է տալիս, որ ձեզ համար միևնույն չեն այդ հարաբերությունները: