Էնջլ Մարտիրոսյանի համարձակ ֆոտոշարքը և անկեղծ հարցազրույցը ( 28 Photo)

ЛАЙФ 18 Август, 2017 13:24

BlogNews.am-ը գրում է.

Դերասանուհի, երգչուհի, իսկ վերջին շրջանում ռեժիսորի մասնագիտությամբ զբաղվող Էնջլ Մարտիրոսյանն արդեն չորս տարի է՝ բնակվում է ԱՄՆ-ում: Մեր վերջին զրույցից երկու տարի է անցել. թեման դերասանուհու ֆոտոշարքն էր, որ ներկայացրինք BlogNews.am-ի ընթերցողին: Էնջլն այս անգամ էլ նոր ֆոտոշարք ունի, որը տրամադրել է BlogNews.am-ին և խոսել իր գործունեության մասին: Sed S Photography-ի հետ սա նրանց առաջին աշխատանքն է , միասին դեռ վաղուց էին ուզում աշխատել: Էնջլն ասում է, որ շեշտը դրել են գեղեցիկի և նրա հոգեվիճակի վրա: Դիմահարդար՝ Armina Allure, վարսահարդար՝ Alina’s Total Makeover, զգեստը՝ Գայանե Մարտիրոսյանի:

«Մոտավորապես չորս տարի է, ինչ ԱՄՆ-ում եմ, և սա իմ կյանքի ամենաճիշտ որոշումն էր: Իմ ձգտումները և նպատակները շատ են, բայց կարող եմ վստահ ասել, որ ճիշտ ճանապարհի վրա եմ: Այն փորձությունները, որոնց միջով անցել եմ և դեռ անցնում եմ, վստահ եմ՝ կբերեն նրան, ինչին ես ձգտում եմ»:

Վերջին շրջանում դերասանուհին բացի ֆիլմում նկարահանվելուց, զբաղվել է նաև ռեժիսորի աշխատանքով. ասում է այդ գործով դեռ մանկուց է ցանկացել զբաղվել. «Երբեք նման հնարավորություն չէր ընձեռնվել, բայց երկու տարի առաջ մեր ֆիլմի պրոդյուսեր Դավիթ Ադամյանը վստահեց ինձ և տվեց այդ հնարավորությունը ինչը բավականին անսպասելի էր ինձ համար: Նկարահանվող ֆիլմը ընթացքի մեջ էր և ես պետք է շարունակեի այն, այսինքն հնարավորություն չունեի սխալվելու: Ինձ օգնեց այն փորձը, որը ես ձեռք էի բերել նկարահանումների հրապարակում: Կարծում եմ՝ ստացվեց որովհետև հանդիսատեսի արձագանքը իսկապես դրական էր»:

Էնջլի մայրը՝ Լուսինե Մարտիրոսյանը հայտնի ռեժիսոր է, ով դստեր աշխատանքները տեսնելիս դրական արձագանք է տվել. «Մայրս լինելով ռեժիսոր պետք է ասեմ, որ միանգամից վստահեց ինձ , կարծում է, որ զգում եմ այդ աշխատանքը: Սա մի աշխատանք է, որը ինչքան էլ տեխնիկական բարդություններ ունի, բայց նաև արվեստ է որ պետք է ներսիցդ լինի: Բավականին բարձր գնահատական եմ ստանում նրանից. ինչ որ մի տեղ անսպասելի ինձ համար: Իհարկե կան բարդ տեսարաններ, որ պարտադիր խորհրդակցում եմ մայրիկիս հետ, բայց կարծում եմ՝ նրա ձեռագիրը ինձ վրա ազդեծություն թողել է»:

Ի վերջո ռեժիսոր թե՞ դերասանուհի հարցին պատասխանում է՝ երկուսին էլ հատուկ պատասխանատվությամբ եմ մոտենում. «Իրականում երկուսը շատ տարբեր են, եթե դերասանուհի ես դու պետք է կարողանաս լիարժեք փոխանցել խաղդ, բայց երբ ռեժիսոր ես քառակի անգամ պետք է վերապրես այն ինչ կատարվում է ֆիլմում, օգնե դերասանին որպեսզի բացվի և լավ ներկայացնի կերպարը: Ես երկուսն էլ յուրովի եմ սիրում»:

Էնջլը համոզված է, որ դերասանը պետք է խաղա ցանկացած տեսարանում. «Ես ունեցել եմ բավականին բարդ տեսարաններ, որոնց համար շնորհակալ եմ, քանի որ սիրում եմ փորձություններ հաղթահարել: Բաց տեսարանները համարձակ չես կարող ասել, քանի որ դա դերասանի մասնագիտությունն է: Մարմնի մասերը ցույց տվող տեսարաններ ես չեմ ունեցել, իսկ համբույրի տեսարաններ ունեցել եմ. ամբողջ աշխարհում դա նորմալ է համարվում և չկան հոլիվուդյան դերասաններ ովքեր չխաղան նման տեսարաններում: Խաղիս մասին երբեք բացասական արձագանքներ չեմ ստացել, քանի որ նշանակություն ունի թե ինչ կերպարում ես խաղում: Վերջին ֆիլմում կերպարս բացասական էր, բայց ըստ սցենարի հետո բարի է դառնում: Անգամ երբ բացասական կերպարում էի, վատ մեկնաբանություններ չեմ լսել»:

Էնջլը շուտով երաժշտական նոր աշխատանքներ էլ կներկայացնի. «Ունեմ երաժշտական գործեր, որոնք արել եմ: Դրանք կլինեն սկզբում մեր հանդիսատեսի համար, բայց կփորձեմ այնպիսի մի բան անել, որ Ամերիկայում էլ իր տեղը գտնի: Կանեմ հայերեն և անգլերեն տարբերակով, բայց հիմա մանրամասներ չեմ կարող ասել»:

Անձնական կյանքի մասին չի խոսում. ասում է ցանկացած հարցի կպատասխանեմ, բայց անձնական հարցերին չեմ պատասխանում. «Համարձակ կանանց համար իհարկե միշտ էլ դժվար է, բայց ուժեղները հաճախ գտնում են ուժեղներին, կարծում եմ՝ մարդիկ միշտ գտնում են իրենց տեսակին»:

Իր անձնական կյանքի մասին չի խոսում, բայց մայրիկի կյանքում եղած փոփոխության մասին այսպես արտահայտվեց. «Մայրս շատ ուժեղ կնոջ կերպար է՝ բավականին լավ և դրական գծերով: Նրա համար ես միշտ ցանկացել եմ լավագույնը և ես միշտ ցանկացել եմ տեսնել նրան երջանիկ: Նա ինձ համար թե ընկեր է, թե մայր: Ես նրա կողքին եմ ցանկացած հարցում և ինձ համար կարևոր է, որ նա երջանիկ լինի»:

Նյութը՝ Սիրանուշ Գրիգորյանի