Ահա թե ինչ գաղտնիքներ ունեն կինոստուդիաների հայտնի լոգոտիպերը

Ֆիլմերի սկսվելուց առաջ մենք սովորաբար տեսնում ենք կինոընկերությունների լոգոտիպերը: Դրանցից շատերը երկար ժամանակ են տանջվել հայտնի դառնալու համար, իսկ որոշների ստեղծման պատմություններն իսկապես հետաքրքիր են:

 

1. Pixar

Այս նորարարական անիմացիոն ստուդիան հայտնվել է 1986 թ.: Ներկայիս գլխավոր ղեկավար Ջոն Լասեստերը աշխատում է հենց հիմնադրման պահից և հենց նա է պատասխանատու ստուդիայի լոգոյի համար, որում «I» տառին փոխարինում է ճկվող լամպը: Սա կերպար է նրա առաջին մուլտֆիլմ «Լյուքսո կրտսերից» (Luxo Jr.): Երկուրոպեանոց ֆիլմը բեկումնային էր արտադրության մեջ: Այն Pixar-ին առաջատար դարձրեց համակարգչային անիմացիայի ոլորտում: Հենց այդ պատճառով էլ լոգոյի համար ընտրվեց Pixar-ի թալիսմանը՝ Luxo լամպը:

 

2. Paramount

Սա հոլիվուդյան ամենահին կինոստուդիաներից մեկն է՝ հիմնված 1912 թվականին: Հետագայում այն իրեն միացրեց ևս մի քանի փոքրիկ ստուդիաներ: Ըստ լեգենդի՝ լեռնային լոգոտիպը հիմնադիրներից մեկի՝ Ուիլյամ Հոդքինսոնի էսքիզն է: Նրան դուր էր գալիս Ուոսաթչի լեռնաշղթան, և նա որոշեց օգտագործել դրա գագաթներից մեկը ընկերության այցեքարտերի համար: Աստղերը հայտնվել են ավելի ուշ, երբ Paramount-ին միացան մի քանի այլ ստուդիաներ: Լոգոյում գագաթի շուրջ պատկերված է 22 աստղ։

 

3. MGM

Դասական կերպարներից մեկը՝ մռնչացող առյուծը, պատկանում է Metro-Goldwyn-Mayer կինոստուդիային: Վերջինս օգտագործել է այն իր հիմնադրման պահից՝ 1924 թվականից: «Ars gratia artis» (Արվեստը հանուն արվեստի) գրառմամբ առյուծը մշակվել է Հովարդ Դիտցի կողմից 1916 թ. ՝ ի պատիվ իր մայր բուհի՝ Կոլումբիայի համալսարանի: Առաջին անգամ առյուծը մռնչացել է 1928 թ. և շարունակում է մինչ օրս:

 

4. Disney

Բացի Միկի Մաուսից՝ այս կինոստուդիան ասոցացվում է նաև հեքիաթային դղյակների հետ, որոնք համարվում են աշխարհի Disney այգիների հիմնական տարրը: Ի դեպ՝ մեզ հայտնի լոգոտիպը հայտնվել է միայն 1985 թվականին: 1980-ականների սկզբին ընկերության եկամուտների մեծ մասը բերում էին Disney այգիները, հետևաբար պարզ էր, որ լոգոտիպի մեջ լավ կլինի ներառել հենց դղյակները:

 

5. Bad Robot

Ընդամենը 20 տարվա ընթացքում Ջեյ Ջեյ Աբրամսը դարձավ Հոլիվուդի ամենահայտնի ռեժիսորներից մեկը և իր փոքրիկ ընկերությունը վերածեց լուրջ կինոստուդիայի: Bad Robot լոգոտիպը ստեղծվել է 2001 թվականին. կարմիր ռոբոտը շարժվում է գետնի վրա, այնուհետև մոտենում է տեսախցիկին, և մանկական ձայներ են գալիս, որոնք ասում են. «Վատ ռոբոտ»: Ի դեպ՝ այդ ձայնը Աբրամսի երկու որդիներինն է: