ՀՀ ոստիկանությունը ներկայացրել է ՃՏՊ-ների օգոստոսի 15-ի ամփոփագիրը

 ՀՀ ոստիկանությունը ներկայացրել է ճանապարհատրանսպորտային պատահարների օգոստոսի 15-ի ամփոփագիրը։

Ինչպես «Արմենպրես»-ը տեղեկացավ ՀՀ ոստիկանության պաշտոնական կայքից, օգոստոսի 15-ին, ժամը 21.20-ին, Երևանի Կորյունի փողոցի թիվ 11 հասցեի մոտ անհայտ մակնիշի ավտոմեքենայի վարորդը վրաերթի է ենթարկել 60-ամյա քաղաքացուհու, որը մարմնական վնասվածքներ ստացել է, սակայն բուժօգնության չի դիմել: 
Կատարվում է քննություն:

Օգոստոսի 15-ին, ժամը 15.30-ին, «ԻՐԲԻՍ WY 150-5» մակնիշի մոտոցիկլետը Երևանի Օրբելի փողոցի թիվ 2 շենքի մոտ բախվել է ստորգետնյա թունելի արգելապատնեշին:
Վարորդը մարմնական վնասվածքներով տեղափոխվել է հիվանդանոց: 
Կատարվում է քննություն:

Օգոստոսի 15-ին, ժամը 14.00-ին, «Օպել» մակնիշի ավտոմեքենայի վարորդը Երևանի Բաղրամյան պողոտայի թիվ 89 շենքի մոտ վրաերթի է ենթարկել 65-ամյա քաղաքացուհու, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Օգոստոսի 15-ին, ժամը 4.00-ին, «Պեժո» մակնիշի ավտոմեքենան Երևանի Ռուբինյանց և Պ.Սևակի փողոցների խաչմերուկում բախվել է էլեկտրասյանը:
Վարորդը մարմնական վնասվածքներով տեղափոխվել է հիվանդանոց: 
Կատարվում է քննություն:

Օգոստոսի 15-ին, ժամը 14.45-ի սահմաններում, Աշտարակ քաղաքի Երևանյան փողոցի 9 տան դիմաց իրար են բախվել «Մոսկվիչ» և «ԲՄՎ» մակնիշի ավտոմեքենաներ:
«Մոսկվիչ»-ի ուղևորուհին տեղափոխվել է հիվանդանոց: 
Կատարվում է քննություն:

Օգոստոսի 15-ին, ժամը 20.30-ի սահմաններում, «ԳԱԶ 31029» մակնիշի ավտոմեքենայի վարորդը Թալին քաղաքի Գայի փողոցի Էլեկտրական ցանցի մոտ վրաերթի է ենթարկել 78-ամյա տղամարդու, որը մարմնական վնասվածքներով տեղափոխվել է հիվանդանոց: 
Կատարվում է քննություն:

Օգոստոսի 15-ին, ժամը 16.00-ի սահմաններում, Արմավիրի Շահումյան փողոցի բանկի դիմաց «Տոյոտա Ռաֆ-4» մակնիշի ավտոմեքենայի վարորդը հետընթացի ժամանակ վրաերթի է ենթարկել 41-ամյա քաղաքացուհու և իր ավտոմեքենայով տեղափոխել նրան հիվանդանոց, այնուհետև ինքնակամ ներկայացել է ոստիկանություն:
Կատարվում է քննություն:

Օգոստոսի 15-ին, ժամը 20.40-ի սահմաններում, «Պեժո» մակնիշի ավտոմեքենան Երևան-Իջևան ճանապարհի 55-րդ կմ-ին դուրս է եկել ճանապարհի երթևեկելի գոտուց և շրջվել, ինչի հետևանքով վարորդը և 3 ուղևորները մարմնական վնասվածքներով տեղափոխվել են հիվանդանոց: 
Կատարվում է քննություն:

Օգոստոսի 15-ին, ժամը 8.00-ի սահմաններում, Հրազդան քաղաքի Հայ-Ֆիդայիններ փողոցում` երկաթգծի կամրջի մոտակայքում, իրար են բախվել «Մերսեդես-Բենց S 500» և «ՎԱԶ 21-121» մակնիշի ավտոմեքենաներ:
«ՎԱԶ 21-121»-ի վարորդը մարմնական վնասվածքով դիմել է հիվանդանոց: 
Կատարվում է քննություն:

Օգոստոսի 15-ին, ժամը 14.00-ի սահմաններում, Վայոց ձորի մարզի Շատին գյուղի գյուղամիջյան ճանապարհին իրար են բախվել «ՎԱԶ 2121» և «Օպել» մակնիշի ավտոմեքենաներ:
«ՎԱԶ-2121»-ի ուղևորուհին մարմնական վնասվածքներով տեղափոխվել է հիվանդանոց: 
Կատարվում է քննություն: