«Շոկի մեջ էի». Մարիաննա Հակոբյանի սիրելիի ամուսնության անակնկալ առաջկությունը

ATV հեռուստաընկերության «Այսօր» լրատվականի մեկնաբան Մարիաննա Հակոբյանի սիրելին` Հրաչը, անակնկալ ձևով ամուսնության առաջարկություն է արել Մարիաննային։ Tert.am Life–ի հետ զրույցում լրագրողուհին նշեց, որ իր համար անսպասելի էր այդ քայլը։

«6 տարի է մենք ընկերություն ենք անում, բայց այս մասին  ոչ մի լուսանկար չեմ հրապարակել կամ գրառում կատարել։ Հանրային դեմք լինելով հանդերձ` միշտ փակ եմ պահել իմ անձնականը։ Ամբողջ այս  տարիներն այնքան ռոմանտիկ են ուղեկցվել, որ վախեցել եմ անգամ բարձրաձայնել այդ երջանկության մասին։ Երեկվանից այնքան շոկային իրավիճակ էր ինձ մոտ, որ դողէրոցք մեջ եմ մինչև հիմա։ Ես ընդհանրապես չէի սպասում, քանի որ կիրակի օրը Հրաչն իր ընտանիքի հետ պետք է մեր տուն գար։ Նշանադրության արարողությունը պետք է լիներ։ Մտքովս անգամ չէր անցնում, որ մինչև այդ Հրաչն անակնկալ կանի։ Այնպես էր ամեն մանրուք մտածել, որ չեմ կռահել։ Այնքան զանգեր էր ստանում, իրեն տարօրինակ պահում, իսկ ես լրագրողին բնորոշ հարցախեղդ էի անում։ Նա ամեն անգամ տարբեր պատասխաներ էր տալիս իրար հակասող, բայց գլխի չէի ընկնում, թե ինչ է կատարվում»,– պատմեց Մարիաննան։

Սովորաբար, երկարատև հարաբերությունները պահել շատ դժվար է։ Անընդհատ  վեճեր, խնդիրներ, որոնք խանգարում են զույգի բնականոն հարաբերություններին։ Մարիաննան նշեց, որ իրենց մոտ էլ եղել են վեճեր, բայց ի վերջո սերը հաղթանակած է դուրս եկել։ «Հարաբերություններ չկան, որ կատարյալ լինեն, միշտ պետք է ամեն բանի պատրաստ լինել,  շատ դժվար է հատկապես երկարատև հարաբերություններ պահպանել, չսպառել իրար։ Իհարկե, վեճեր, կոնֆլիկտներ, հակասություններ  լինում են տարբեր հարցերի շուրջ, դադարներ նույնպես պետք են։  Անկեղծ ասած, միշտ վախեցել եմ և անգամ ֆոբիա եմ ունեցել ամուսնությունից, որովհետև կենցաղային հարցերը հաճախ գերի են  դարձնում, սահմանափակում միմյնաց ազատությունը։  Հրաչը օգնել է հաղթահարել շատ վախեր, նա այնքան կայացած տղամադ է, որ երբեք չի փորձել փոխել ինձ կամ սահմանափակել ինչ-ինչ հարցերում, ընդունել է այնպիսին, ինչպիսին կամ, ավելին ես չեմ էլ ուզում։»,–նշեց նա։

Մարիաննան ամուսնության առաջարկությունը ընդունել է հենց այդ պայմանով` չսահմանափակել իրեն։ «Ամուսնության առաջարկությունը ընդունեցի միայն մի պայմանով, որի մասին մենք միշտ խոսել ենք ու քննարկել։ Չդառնալ կենցաղային հարցերի գերի ու շարունակել ամեն նոր օր սպանել իրար՝մեր սիրով։ Ես համարում եմ, որ ամեն մարդ պետք է ունենա իր անձնական դաշտը և դա չի նշանակում` եթե թույլ չես տալիս այդ անձնական դաշտ մտնել `չես սիրում դիմացինիդ։ Պարզապես դա հարաբերությունները պահպանելու, միմյանց հարգելու լավագույն տարբերակն է»,– հավելեց լրագրողուհին։

Մարիաննան նշեց, որ նրանք դեռ չեն որոշել, թե երբ են օրինականացնելու իրեն հարաբերությունները։ « Նշանադրությանս օրը պարզ կլինի, թե երբ կամուսնանանք»,– եզրափակեց նա։