Ինչպես ճիշտ ընտրել շրթունքների իդեալական չափսը. խորհուրդ է տալիս բժիշկ Մարինա Շիշմանյանը

Հյութեղ ու սեքսուալ շրթունքները ժամանակակից կնոջ պահանջներից մեկն են, սակայն նախքան նրանց ձևափոխությունն անհրաժեշտ է ճիշտ ընտրել շրթունքի ցանկալի չափսը, որը ներդաշնակ կլինի արտաքինի հետ՝ արհեստական տեսք չստանալու համար, ի՞նչ նյութեր են կիրառվում տվյալ միջամտության իրականացման համար և ի՞նչ հետևանքներ կարող են առաջանալ ոչ գրագետ կատարված ներարկման արդյունքում: Այս և այլ հետաքրքիր փաստեր բացահայտում է «Մեդեսթ» էսթետիկ բժշկության կենտրոնի գլխավոր բժիշկ Մարինա Շիշմանյանը:

Շրթունքների ծավալի և ձևի փոփոխումը ուրվագծային պլաստիկայի միջոցով իրականացվում է ֆիլլերների՝ հիալուրոնաթթվի խտանյութի հիման վրա պատրաստված դեղանյութերով: Շատ կարևոր է, որ ներարկվող նյութը ունենա համապատասխան սերտիֆիկացում՝ FDA, ինչը կարող է վկայել տվյալ նյութի բարձր որակական հատկանիշների մասին: Սա այն միջամտություններից է, որը, միանշանակ, պետք է իրականացվի համապատասխան փորձառություն ունեցող բժշկի կողմից:

BlogNews.am-ի լուսանկարներում կարող եք տեսնել շրթունքների ծավալի և ձևի փոփոխությունը, ինչպես նաև տարիքային փոփոխության հետևանքով առաջացած որոշ խնդիրների շտկումը: 

Եթե դուք ունեք բնությունից տրված բարակ շրթունքներ, երբեք մի ձգտեք դրանք ձևափոխել՝ հասցնելով մեծ ծավալների, քանի որ կան չափորոշիչներ, որոնց հետևելն ուղղակի պարտադիր է: Իհարկե, կարող եք բնությունից տրված բարակ շրթունքները դարձնել առավել գրավիչ ու սեքսուալ, բայց չկորցնելով չափի զգացողությունը: Խոսքն առավել պատկերավոր դարձնելու համար ես միշտ բերում եմ մի պարզ օրինակ. երբ բնությունից տրված բարակ շրթունքները փորձում են մի քանի անգամ մեծացնել, դա ուղղակիորեն նույնը կլինի, եթե, ասենք, փոքր բարձի երեսի մեջ փորձեն տեղավորել մի քանի անգամ մեծ բարձ: Այսօր շատ աղջիկներ պարզապես ցանկանում են ունենալ հնարավորինս մեծ շրթունքներ, որի արդյունքում հաճախ են առաջանում անցանկալի հետևանքներ, և խնդիրը հիմնականում ինֆորմացիայի պակասի ու միջամտության գրագետ իրականացման մեջ է:  

Մարինա Շիշմանյանը նշում է, որ էսթետիկ միջամտության կարելի է դիմել այն տարիքից, երբ կա դրա անհրաժեշտությունը: Այսօր երիտասարդների մոտ, ցավոք սրտի, շատ ավելի արագ են տեղի ունենում տարիքային փոփոխությունները. դա է պատճառը, որ այսօր առավել հաճախ ենք լսում«էսթետիկ բժշկություն» արտահայտությունը. «Բոլորին կոչ եմ անում միշտ հետևել, թե ինչ է անում ձեզ հետ բժիշկը։ Պետք չէ ամաչել, քանի որ դուք այդ ծառայությունների սպառողն եք և դուք պետք է պահանջեք, որ բժիշկը ցույց տա, թե ինչ նյութով է պատրաստվում իրականացնել տվյալ միջամտությունը, և արդյոք տվյալ նյութն ունի համապատասխան սերտիֆիկացում, համապատասխանում է եվրոպական չափանիշներին, թե ոչ: Այսօր շատ նորաձև են նաև արտահայտված այտոսկրերը, ինչը ևս իրականացվում է ուրվագծային պլաստիկայի օգնությամբ, սակայն այստեղ ևս շատ կարևոր է ֆիլլերների չափաբաժնի ճիշտ ընտրությունը, քանի որ հակառակ դեպքում հեղուկի ավելցուկը մաշկի մեջ տարիների ընթացքում կարող է խաթարել նրա կանոնավոր սնուցումը՝ ժամանակի ընթացքում հաղորդելով մաշկին թոշնած տեսք»։ Մարինա Շիշմանյանը խորհուրդ է տալիս նախքան որևէ միջամտության իրականացումն ու բժշկի ընտրությունն այցելել անվճար խորհրդատվության, կարծիք լսել, ուսումնասիրել բժշկի կատարած աշխատանքները, ուշադրության դարձնել նրա փորձառությանը, կիրառվող նյութերի որակական հատկանիշներին, ապա նոր կայացնել որոշում:

Ի դեպ, հետաքրքրասերների համար նշենք, որ «Մեդեսթ» էսթետիկ բժշկության կենտրոնում գործում է նաև զեղչային ճկուն համակարգ:  

Հասցե՝ Աբովյան փող. 16 շենք, 3-րդ հարկ

 Հեռ. +374 (10) 52293

Նյութը՝ Սիրանուշ Գրիգորյանի

Լուսանկարները՝ Կարեն Հովհաննիսյանի