10 առասպել ընտանեկան հարաբերությունների մասին

ЛАЙФ 14 Июнь, 2017 23:16

1. Հակադիր կողմերը ձգում են միմյանց

Դա ճիշտ չէ։ Հարաբերությունների նախնական փուլում, իհարկե, դա հաճելի է։ Դուք կարող եք տարբեր բնավորությունների տեր մարդիկ լինել, բայց եթե որոշել եք միասին լինել, ապա պետք է նայեք մեկ կետի։ Ամուսնությունն առավել կայուն եւ ամուր են դարձնում ընդհանուր նպատակները։

2. Տղամարդիկ սիրում են «գազօջախի մոտ կանգնող» կանանց

Ճիշտ չէ։ Տարբեր տղամարդիկ սիրում են տարբեր կանանց։ Իհարկե, սիրում են ոչ այն պատճառով, որ նրանք կարող են համեղ կերակուրներ պատրաստել եւ լույս աշխարհ բերել արական սեռի ներկայացուցիչների։

3. Հասուն մարդուն փոխել հնարավոր չէ

Ճիշտ չէ, եթե միայն խոսքը հոգեկան հիվանդությունների կամ պաթոլոգիայի մասին չէ։ Իր կյանքի ընթացքում մարդը փոխվում է բազմաթիվ անգամ՝ նոր հանգամանքներ ու փորձ ձեւավորելով։ Իսկ ամուսնությունն ու երեխաները, անկասկած, կարող են փոխել ցանկացած վարքագիծ։ Այս հարցում կարեւոր է փոխզիջումների գնալը։

4. Լավագույն ամուսնությունն այն է, երբ զույգերն ընկերներ են

Դա ամենեւին էլ այդպես չէ։ Լավագույն ամուսնությունն այն է, երբ առկա են ե՛ւ սերը, ե՛ւ ընկերությունը։ Զուտ ընկերությամբ շատ հեռու չես գնա։ Ընկերությունն, իհարկե, լավ է, սակայն այն ամուր ամուսնության համար հիմք հանդիսանալ չի կարող։

5. Կդիմանաս, կսիրես

Նման կարծիքը գերիշխող է շատերի մոտ։ Համբերելը՝ կհամբերես, սակայն սիրված լինել՝ հազիվ թե։ Նման ամուսնության մեջ, ամենայն հավանականությամբ, գերիշխող կլինի փոխադարձ հարգանքը, հոգատարությունը, ընդհանուր շահերը, սակայն հույզեր երբեք չեն լինի։

6. Միմյանց իսկապես սիրող մարդիկ ամեն ինչ առանց խոսքիհասկանում են

Ներեցեք, բայց ամուսնությունը գլուխկոտրուկ չէ։ Ամուսնության մեջ ավելի ճիշտ կլնի բարձրաձայնել խնդիրները։ Իսկ եթե դու կարծում ես, թե նա լռում է, որովհետեւ ամեն ինչ հասկանում է, իրականում նա արդեն վաղուց անտարբեր է քո նկատմամբ։ Այնպես որ, եկեք չվախենանք միմյանց ասել այն մասին, ինչը մեզ հարմար չէ, ինչ ենք մենք սպասում եւ ինչ ցանկանում։

7. Երեխաներն ամրապնդում են ամուսնությունը

Այն էլ ինչպես են ամրապնդում։ Սակայն միայն այն պարագայում, երբ ձեր ամուսնությունն առանց այդ էլ կայուն է։ Բայց երբ ամեն ինչ թելից է կախված եւ ահա-ահա կփլուզվի, պետք չէ հույսը դնել «փրկիչ» երեխայի վրա։ Երեխան սոսինձ չէ։ Երեխայի ծնունդը միայն կարագացնի ձեր՝ առանց այն էլ ոչ ամուր ամուսնության կործանումը։ Ձեզ դա պե՞տք է։

8. Չի կարելի ներել դավաճանությունը, ինչն անպայման կկրկնվի

Սուտ է։ Մարդիկ տարբեր են։ Մեկի համար դավաճանությունը կյանքի կործանում է եւ շեքսպիրյան ողբերգություն, իսկ ինչ-որ մեկը կարող է ոչ միայն ներել դավաճանությունը, այլեւ դրանից ավելի ուժեղ ու անկոտորում դառնալ՝ ինչպես Տերմինատորը։ Ներել կամ չներել դավաճանությունը բացառապես քո ընտրությունն է։ Իսկ երբ «բարի կամեցողները» պնդում են՝ հեռացիր առանց մտածելու, դրանք միայն նրանց անձնական մոլորություններն ու վախերն են ։ Քո զուգընկերոջը քեզանից լավ ոչ ոք չի ճանաչում, իսկ քո ընտանիքը միանշանակ արժանի է երկրորդ հնարավորության։

9. Ազատ հարաբերությունները կարող են փոփոխոթյուն հաղորդելբազմամյա ու ձանձրալի ամուսնությանը

Կարող են։ Եւ նույնիսկ տարատեսակ կդարձնեն որոշ ժամանակ։ Սակայն սիրելիին ինչ-որ մեկի հետ կիսելը՝ թեկուզ «անկարեւոր» մեկի, անասելի դժվար է, որովհետեւ մենք բոլորս սարսափելի սեփակատենչ ենք։ Խանդը, չարիքը, վիրավորանքն ու կասկածներն անխուսափելի կլինեն։ Իսկ դրանցից մինչեւ ամուսնալուծություն մեկ քայլ է։ Մի խոսքով, ավելի լավ է չփորձել, եթե վստահ չես։

10. Վաղ թե ուշ ամեն ինչ ի չիք կդառնա եւ սերը կավարտվի

Ցանկացած հարաբերություններ զարգանում են ըստ սինուսոյիդի։ Ամուսնության մեջ վերելքներ ու անկումներ ճգնաժամներ են լինում, ինչը միանգամայն նորմալ է։ Վատագույնը, ինչը կարելի է անել նման իրադրության պարագայում, հայտարարել, որ հարաբերությունները սպառել են իրենց եւ վերջ ամուսնությանը։ Կարեւոր է համբերելը, սպասել կարողանալը եւ չմոռանալն այն մասին, որ դուք սիրում եք միմյանց։