Մանուկների համար տոնական միջոցառում է անցկացվել Ավ. Իսահակյանի անվան գրադարանում և... ատամնաբուժարանում
ОБЩЕСТВОԵրեկ հունիսի 1–ն էր՝ Երեխաների պաշտպանության միջազգային օրը: Օր, որ լի է խինդուծիծաղով, երգուպարով, մանուկների ժպիտներով ու մանուկներին նվիրված քաղաքային միջոցառումների շարանով: Երևանն ամեն տարի մեծ տոն է կազմակերպում մայրաքաղաքի մանուկների համար: Այդպես էր նաև այս տարի: Քաղաքապետարանի կողմից կազմակերպված միջոցառումները համալրվել են նաև մանկապարտեզների, գրադարանների, բազմաթիվ մշակութային և կրթական հաստատությունների կողմից անցկացվող ծրագրերով:
Երեկ երեխաներին ուրախացնելու և ժպիտներ պարգևելու «մարաթոնին» էր միացել նաև «Դենտեքս Արմենիա» ատամնաբուժական կլինիկան: Կլինիկայի տնօրինությունը որոշել էր մանուկների համար գեղեցիկ միջոցառում կազմակերպել՝ կերպարներով, խաղավարով ու համեղ հյուրասիրությամբ: Ըստ ատամնաբուժարանի աշխատակցի՝ երբ երեխան ատամնաբուժարան է գնում և սա տեսնում, անկասկած, հաջորդ անգամ չի վախենա ատամնաբույժին այցելել: Այսպիսով, նրանք նաև փորձում են վերացնել երեխաների վախը ատամնաբուժարան գնալու մասին լուրը լսելու ժամանակ:
Երեկ տոն էր նաև Երևանի Ավ. Իսահակյանի անվան գրադարանի բակում: Տասնյակ մանուկների համար գրադարանի բակում կավճանկարչության մրցույթ էր կազմակերպվել, որին հետևելու էր երեխաների համար հայալեզու և օտարալեզու հեքիաթների ընթերցում, ինչպես նաև մուլտֆիլմերի դիտում ու հյուրասիրություն:
Ինչպես «Փաստի» հետ զրույցում նշեց գրադարանի տնօրեն Հասմիկ Կարապետյանը՝ օրվա ընթացքում ավանդական խաղեր են անցկացվելու երեխաների համար, մանկագիրներ Նաիրա Եդիգարյանը, Սաթենիկ Ղազարյանը և Արա Ալոյանը հեքիաթներ են ընթերցելու: Իսկ երեխաների` գետնին արված նկարները կգնահատվեն փորձառու նկարիչների կողմից և ըստ թեմատիկ լուծումների՝ մանուկներին պատվոգրեր ու շնորհակալագրեր կհանձնեն: Բացի այդ, երեխաները որպես նվեր «Ծիծեռնակ» ամսագրի համարները կստանան:
ՔՐԻՍՏԻՆԱ ՏԵՐ–ՄԱԹԵՎՈՍՅԱՆ
1
Очередной митинг: чем недовольны сотрудники государственных структур? «Паст»
2
Почему власти «паникуют»? «Паст»
3
Тупик одностороннего мира: когда Армения говорит о будущем, а Азербайджан формирует поколение, полно...
4
Какие аудиозаписи и документы собирается опубликовать бывший министр обороны? «Паст»
5
Мишель Пфайффер говорит, что стала жить «более осмысленно» после того, как стала бабушкой



