Արևային համակարգերի նկատմամբ հետաքրքրության մեծացում է նկատվում. Տիգրան Օխանյան

Մոտ մեկ շաբաթ առաջ Երևանում բացված եռօրյա «Շինարարություն և ինտերիեր» ցուցահանդեսը դարձել է ավանդական: Սա «Պրոմ էքսպո» ընկերության 10-րդ հոբելյանական միջազգային խոշորագույն ցուցահանդեսն էր: Սկզբնական շրջանում մասնակիցների թիվն 90-ն էր: Այսօր արդեն մասնակցում են տեղական և արտասահմանյան 120 ընկերություն, որոնք մասնագիտացված են շինարարության և ինտերիերի ոլորտի հետ կապված նախագծերում: Ցուցահանդեսի բացմանը ներկա էին ՀՀ-ում ՌԴ արտակարգ և լիազոր դեսպան Իվան Վոլինկինը, ՀՀ-ում Ռուսաստանի առևտրային ներկայացուցիչ Անդրեյ Բաբկոն և այլ հյուրեր:

Ցուցահանդեսը հետաքրիր էր նրանով, որ մասնակիցները ներկայանում էին տեխնոլոգիական նորամուծություններով: EcoVille ընկերության տնօրեն Տիգրան Օխանյանը Past.am-ին պատմեց, որ իր գլխավորած կազմակերպությունը ներկայացնում է ամերիկյան և եվրոպական առաջատար ընկերությունների արևային ջրատաքացուցիչներ, հոսանքի արևային համակարգեր, նաև իրականացնում է էներգոաուդիտ:

«Այսօր արևային համակարգերը մարդկանց ավելի հասանելի են դառնում»,- նշեց Տիգրան Օխանյանը: Նրա դիտարկմամբ՝ շուկայում արևային համակարգերի նկատմամբ հետաքրքրության մեծացում է նկատվում, մարդիկ իրենց արտադրական, տանիքային և այլ տարածքներում սկսել են դրանք շատ կիրառել: Ըստ Օխանյանի՝ դա պայմանավորված է այն հանգամանքով, որ նրանք ավելի տեղեկացված են, արևային համակարգերն էլ դարձել են ավելի մատչելի: Խոսելով ցուցահանդեսի կարևորության մասին՝ մեր զրուցակիցն ընդգծեց. «Տեխնոլոգիաների արագ զարգացող աշխարհում կարևոր է թարմ տեղեկություններ ստանալը: Նման ցուցահանդեսները նպաստում են, որպեսզի մարդիկ տեղեկացված լինեն և աճի արևային ընկերությունների ծառայություններից օգտվողների քանակը»:

Ընկերության մարքեթինգի և հանրային կապերի ղեկավարն Լուսինե Բաղդասարյանն էլ ավելացրեց.«Անկեղծ ասեմ՝ ես գոհեմ այս ցուցահանդեսի ընթացքից: 3 օրվա ընթացքում անգամ 5 րոպե ազատ չենք մնացել: Մեր տաղավարն աշխատում էր անգամ լույսերն անջատած վիճակում, երբ բոլոր տաղավարներն արդեն դատարկ էին: Մոնիթորինգի արդյունքների համաձայն՝ այս ցուցահանդեսի այցելուների 96%-ն այցելել է EcoVille-ի տաղավար և մնացել առնվազն 5 րոպե:

«Ինչպես գիտեք, այս ցուցահանդեսին մասնակցում էին մի քանի արևային ընկերություններ ևս: Կուզենայի նշել,որ EcoVille-ը համագործակցում է արևային վահանակներ և ինվերտորներ արտադրող-մատակարարող աշխարհի առաջատար ընկերությունների հետ, որոնք հայտնի են իրենց բարձր որակով, արդյունավետությամբ և հուսալիությամբ: Այն հանդիսանում է Fronius-ի պաշտոնական ներկայացուցիչը Հայաստանում: Իսկ Fronius-ը համարվում է 2017 թ.-ի №1 լավագույն արևային ինվերտորներ արտադրողը՝ ըստ CER Clear Energy Rewies-ի հրապարակած տվյալների: Ներկայացնում ենք SunPower ամերիկյան ընկերության պրեմիում կարգի, բարձր արդյունավետության արևային վահանակները: SunPower-ը համարվում է 2017 թ.-ի №1 ամենաարդյունավետ(22.5%) արևային վահանակներ արտադրող ընկերությունը՝ ըստ Energy Sage-ի հրապարակած տվյալների: Նաև ներկայացնում ենք գերմանական տեխնոլոգիայով արտադրված Linuo Ritter բարձրակարգ արևային ջրատաքացուցիչները՝ տեղադրված 40 երկրներում՝ 50 000 000-ից ավելի քառակուսի մետր մակերեսի վրա: Ունենք 14 տարվա փորձ վերականգնվող էներգետիկայում, մրցունակ գներ՝ շինարարարական մեծ փորձի և տեխնիկական բազայի շնորհիվ: Իսկ մեր ինժեներները որակավորված և սերտիֆիկացված են  Ավստրիայում»,- հավելեց Լուսինե Բաղդասարյանը: