Կարիճներին ծանր օր է սպասվում. ապրիլի 27-ի աստղագուշակ

ЛАЙФ 27 Апрель, 2017 0:01

Life.tert.am-ը գրում է.

Խոյ:Այսօր կցանկանաք միայնակ մնալ, սակայն հանգամանքները կստիպեն ձեզ տանից դուրս գալ։ Վերջին շրջանում շատ եք աշխատել և դա բնական է, որ այժմ հանգստի կարիք ունեք։ Փորձեք դեմ գնալ բոլորին ու որոշ ժամանակ միայնակ մնալ։

Ցուլ:Հնարավոր է, որ այսօր ձեզ համար ինչ-որ նոր ոլորտ բացահայտեք ու հետաքրքրվեք դրանով։ Դուք մշտապես փորձում եք զարգանալ և այսօր ամեն բան ձեր ուզածի պես կստացվի։ Մի կասկածեք ձեր հնարավորությունների վրա։

Երկվորյակ: Այսօր ինչ-որ մեկը կփորձի խոսել ձեզ հետ, սակայն դուք սկզբում չեք հասկանա, թե նա ինչ է ասում։ Եթե մի փոքր ուշադիր լինեք կլսեք, որ նա ներողություն է խնդրում։ Նա կլինի այն մեկը, ով վերջերս շատ է հետաքրքրում ձեզ, սակայն չեք համարձակվում ասել նրան այդ մասին։ Պարզեք, թե ինչու է նա ներողություն խնդրում և փորձեք բաց չթողնել նրա հետ մոտիկից ծանոթանալու հնարավորությունը։

Խեցգետին: Վերջին շրջանում ձեր մտերիմներից մեկի հետ քիչ եք շփվում, սակայն այսօր ամեն ինչ կփոխվի։ Ձեր հարաբերությունները կրկին ջերմությամբ կլցվեն։ Փորձեք ինքներդ առաջին քայլն անել ու ամեն բան կստացվի։ Պատրաստ եղեք երկար խոսակցությանը։

Առյուծ: Այսօր ձեզ շրջապատող միջավայրը փոփոխելու անհագ ցանկություն կունենաք։ Դուք չեք վախենում ռիսկի դիմել ու միշտ ավելիին եք սպասում։ Հնարավոր է, որ այդ փոփոխությունները դուր չգան ձեր մտերիմներին, սակայն արեք միայն այն, ինչ ձեզ է դուր գալիս։

Կույս: Այսօր ձեր ընկերներին օգնություն պետք կգա։ Նրանց հարաբերություններում որոշակի դժվարություններ կան, որոնք հարթելու համար կդիմեն ձեր խորհրդին։ Հնարավոր է, որ դա այն չէր, ինչով այսօր ցանկանում էիք զբաղվել, սակայն արեք այն ամենը, ինչ կարող եք, որպեսզի օգնեք նրանց։

Կշեռք: Այսօր կկարողանաք ձեր բոլոր մտքերը մի ամբողջ նախագծի վերածել և սկսել դրա իրականացման համար քայլեր անել։ Պատմեք հարազատներին ու ընկերներին ձեր մտքերի մասին ու նրանք կկարողանան օգտակար խորհուրդներ տալ ձեզ

Կարիճ: Այսօր պետք է քաջություն հավաքեք ու ճշմարտության աչքերին նայեք։ Ձևացնել, թե ամեն ինչ կարգին է՝ դա դժվարին իրավիճակից դուրս գալու լավագույն տարբերակը չէ։ Փորձեք ձեր խնդիրների լուծումները գտնել ու մի հետաձգեք դրանք։

Աղեղնավոր: Այսօր ձեր ներքին ձայնը չի կարողանա օգնել ձեզ։ Սովորաբար դուք կարող եք հույս դնել դրա վրա, սակայն այսօր այդ օրը չէ։ Այսօր պետք է կառավարեք ձեր զգացմունքներն ու անիմաստ էներգիա չվատնեք։ Ինչ-որ օգտակար գործով զբաղվեք։

Այծեղջյուր: Այսօր պետք է կարողանաք հաղթահարել ձեր եսասիրությունն ու այլ մարդկանց մասին մտածել։ Փորձեք հասկանալ, թե ինչ եք իրականում ցանկանում, քանի որ այսօր իրադարձությունների կենտրոնում կհայտնվեք ու հնարավոր է, որ չկարողանաք ճիշտ ընտրություն կատարել։

Ջրհոս: Այսօր պետք չէ համեստություն անել ու լռել ձեր ձեռքբերումների մասին, քանի որ դրանց մասին խոսելու դեպքում դուք ավելի մեծ հաջողությունների կհասնեք։ Մի փորձեք ուրիշների հաշվին ինքնահաստատվել, սակայն բարձրացրեք ձեր ինքնագնահատականն ու դադարեք ամաչել։

Ձկներ։ Այսօր սուր զգացմունքներ կունենաք ինչ-որ երևույթի նկատմամբ, սակայն ձեզ շրջապատող մարդիկ չեն կիսի դրանք։ Փորձեք հասկանալ, որ մարդիկ տարբեր են ու մի մեղադրեք նրանց։ Թույլ տվեք ձեզ շրջապատող մարդկանց ավելի ազատ զգալ և հնարավոր է, որ այդ դեպքում նրանք սկսեն ավելի լավ հասկանալ ձեզ։