6 ամոթալի դեպքեր ԱՄՆ-ի պատմությունից

ФОТО 3 Апрель, 2017 23:01

ԱՄՆ-ն հպարտ է այն բանով, որ այժմ համարվում է աշխարհում առաջատար երկրներից մեկը: Եվ նրանց դերակատարումը մարդկային քաղաքակրթության զարգացման գործում թերագնահատել չի կարելի: Սակայն բարձունքի կարելի է հասնել միայն փորձերի և սխալների միջոցով: Եվ այս երկրի պատմությունը դրա վառ ապացույցն է:

Ցանկանում ենք Ձեզ ներկայացնել ԱՄՆ-ի պատմությունից մի քանի դրվագներ, որոնց մասին երկրի քաղաքացիները հիշել չեն սիրում:

1. Քաղաքացիական պատերազմ

Ամեն անգամ, երբ մի երկրի քաղաքացիները իրար հետ լեզու չեն գտնում և սկսում են սպանել միմյանց, դա նշանակում է, որ կառավարությունը կոմպետենտ չի աշխատում, քանի որ չի կարողանում լուծել խնդիրը և քաղաքացիներին համաձայնության բերել: Նույնը կարելի է ասել նաև ԱՄՆ-ի Քաղաքացիական պատերազմի մասին, որի ընթացքում զոհվեց շուրջ 600 հազար ամերիկացի, որն այդ ժամանակ կազմում էր բնակչության 2%-ը: Համեմատության համար ասենք, որ Երկրորդ համաշխարհային պատերազմի ժամանակ զոհվել է ընդամենը 416 հազար ամերիկացի:

2. Փորձեր և սպանություններ

Չնայած նրան, որ ԱՄՆ-ն իրեն ժողովրդավարության հիմնադիրն է համարում աշխարհում, եղել է ժամանակ, որ այն անտեսել է իր Սահմանադրությունը և սարսափելի գործողություններ իրականացրել: Հետազոտությունների արդյունքում բացահայտվել են հայտնի շատ մարդկանց մահեր, փորձարկումներ մարդկանց վրա, որոնց զոհը դարձել են անգամ երեխաները: Օրինակ՝ «Արտիշոկ» նախագիծը, որի մասին հավելյալ տեղեկություններ կարող եք գտնել համացանցում:

3. Ռասիզմ

Այո, այսօր ԱՄՆ-ում յուրաքանչյուր աֆրոամերիկացի ունի նույն իրավունքները, ինչ որ սպիտակ մարդը: Սակայն անցյալ դարում ամեն ինչ այլ էր: Ռասիզմը, կարելի է ասել, գրված էր երկրի Սահմանադրության մեջ: Հազարավոր սևամորթներ, հնդիկներ և ասիացիներ ենթարկվում էին սարսափելի խտրականության: Եվ միայն 60-ական թվականներին որոշ բաներ սկսեցին փոխվել: Այս ամենն իրականացավ շնորհիվ այնպիսի անհատականությունների, ինչպիսիք էին Ռոզա Լի Փարքսը, Մարտին Լյութեր Քինգը և Մալկոլմ Իքսը:

4. Վհուկների որս

Մասաչուսեթս նահանգի Սեյլեմ քաղաքում 1692 թ. փետրվարից մինչև 1693 թ. իրականացան մի շարք դատավարություններ, որոնց արդյունքում կախարդություն իրականացնելու մեջ մեղադրվեցին շուրջ 200 մարդիկ, որոնցից 19-ը կախաղան հանվեցին, իսկ մեկը քարկոծմամբ սպանվեց: Այս պատմությունը սկսվել է նրանից, որ տեղի՝ անհայտ հիվանդությամբ տառապող քահանայի դուստրերը մեղադրեցին հնդիկ ստրկուհուն այն բանում, որ վերջինս նրանց ընտանիքին անիծել է: Եվ ստացվեց, որ մեղադրվողների թիվը հասավ 200-ի: Միայն չորս տարի անց դատավորները հասկացան իրենց սխալը: Նրանց դատավճիռն անվավեր ճանաչվեց, իսկ բոլոր ողջ մնացածներն ազատ արձակվեցին:

5. Ստրկություն

Այո, մենք արդեն խոսեցինք ռասիզմի մասին, սակայն չնշեցինք այն փաստը, որ սևամորթները երկար ժամանակ միայն ստրուկների իրավունքներ ունեին: Հարուստ սպիտակամորթները հարյուրավոր սևամորթ ստրուկներ ունեին, որոնց վերաբերվում էին չափազանց դաժանաբար և օգտագործում էին, ինչպես կամենային՝ վաճառում էին, նվիրում, խաղաթղթերով պարտվում, ծեծում, սպանում: Եվ այդ ամենի համար պատասխան չէին տալիս, քանի որ զոհը սևամորթ էր: Այդ ժամանակներն անցյալում են մնացել, սակայն մինչ օրս էլ սևամորթները վիրավորված են իրենց նախնիների հանդեպ վերաբերմունքից:

6. Հնդիկների ցեղասպանություն

Հաճախ, երբ մարդն արտաբերում է «ցեղասպանություն» բառը, մենք միանգամից հիշում ենք Հոլոքոստը, Մեծ եղեռնը, Հիտլերին: Եվ մոռանում ենք, որ հրեաների ցեղասպանությունը անգամ համեմատվել չի կարող այն մղձավանջների հետ, որոնք տեղի ունեցան Ամերիկայում այն ժամանակ, երբ եվրոպացիներն իմացան Նոր լույսի մասին: Հնդիկները պատկերացնել անգամ չէին կարող, թե ինչպես են եվրոպացի հյուրերը վճարելու նրանց հյուրասիրության դիմաց: Փորձելով բնիկներին ցույց տալ, թե ով է այդտեղ գլխավորը, գաղութարարները մի քանի տարվա դաժանություններով շուրջ 100 միլիոն հնդիկների կոտորեցին: Հոլոքոստի ժամանակ զոհվել է 15 միլիոն մարդ: