«Անհրաժեշտության դեպքում դարձյալ կլինեմ սահմանին». Թշնամու ուղղաթիռը խոցած Նարեկ Մալխասյանի ծննդյան օրն է

Aysor.am-ը գրում է.

2016 թվականի ապրիլի 2-ին, երբ ադրբեջանական զինված ուժերը հարձակվեցին Արցախի վրա, մի շարք կորուստներից հետո առաջին դրական լուրը, որ անմիջապես տարածվեց, այն էր՝ հայ զինվորը հակառակորդի ուղղաթիռ է խոցել։

Իսկ ուղղաթիռը խոցել էր 20-ամյա ժամկետային զինծառայող Նարեկ Մալխասյանը, ռազմական փորձագետների խոսքով, անհավանական պայմաններում՝ հակատանկային նռնականետով։

Մինչ այդ... լայնածավալ պատերազմից ընդամենը մեկ օր առաջ՝ ապրիլի 1-ին, Նարեկի ծննդյան օր էր։ Ընկերների հետ ծննդյան օրը նշել էին դիրքերում, որից ընդամենը մի քանի ժամ անց Ադրբեջանը լայնածավալ հարձակում գործեց։

Նարեկը հարավային ուղղության դիրքերում էր, որտեղ ակտիվ մարտեր ծավալվեցին։

Դիրքի ավագին գումարտակի հրամանատարը զգուշացրել էր, որ հակառակորդի տանկեր են երևում, հնարավոր է՝ գրոհ լինի։ Հաշվի առնելով այդ հանգամանքը՝ Նարեկը, ժամանակ չկորցնելու համար, լիցքավորել էր նռնականետը և պառկել հանգստանալու։

«Կեսօրին մոտ էր։ Դրսի աղմուկը լսելով՝ կարծեցի, թե տանկ է, ժամանակ չկար էլ մտածելու, առանց սաղավարտ, զրահաբաճկոն և կոշիկներ հագնելու վազեցի դուրս։ Ուղղաթիռն արդեն մեր խրամատի գլխին էր, մոտ 30-35 մետր հեռավորության վրա», - Aysor.am-ի հետ զրույցում պատմում է Նարեկը, ապա ավելացնում. «Իմ զենքով՝ նռնականետով խոցեցի ուղղաթիռը»։

Ուղղաթիռի պայթյունից առաջ, սակայն, անձնակազմից երկու հոգին իրենց դուրս էին նետել։ «Քանի որ չէինք կարող մոտ գնալ, որպեսզի իրենց ողջ վերցնենք, զինված էին, կրակում էին մեր վրա, ստիպված կրակեցի, դարձյալ իմ զենքով», - ասում է Նարեկը։

Ամբողջական հոդվածը՝ այստեղ: