Կլեոպատրայի գեղեցկության գաղտնիքները

Shabat.am-ը գրում է.

Կլեոպատրայի գեղեցկության մասին բազում լեգենդներ են պտտվում: Ոմանք պնդում են, որ թագուհին անհավանական գեղեցկություն ուներ, մյուսները հակառակվում են և ապացուցում, որ Կլեոպատրայի արտաքինն ընդհանուր ոչինչ չուներ գեղեցկության չափանիշերի հետ: Գեղեցկությունը ճաշակի հարց է: Տարբեր ժամանակներ, տարբեր ճաշակներ: Սակայն Կլեոպատրայի մասին չեն դադարում խոսել: Այդ դեպքում ո՞րն է գաղտնիքը: Կլեոպատրան սիրում էր ինքն իրեն: Իսկ դա նշանակում է, որ թագուհին քիչ ժամանակ չէ, որ տրամադրում էր իր խնամքին: Չնայած այրող արևին` նրա մազերը միշտ փայլում էին, իսկ մաշկն արձակում էր հաճելի բույր և տարբերվում էր իր հարթությամբ և առաձգականությամբ: Չխորանալով նրա մյուս առավելությունների մեջ` կասենք, որ նա հիանալի կրթություն ուներ և կատարյալ տիրապետում էր հմայելու արվեստին:

Աղբյուրները հավաստում են, որ Կլեոպատրաստ մահացել է 37 տարեկանում, իսկ այն ժամանակ այդ տարիքի շատ քչերն էին հասնում: Ուստի թագուհին նաև նախանձելի առողջություն ուներ: Այդ ամենին գումարելով ինքն իրեն խնամելու կարողությունը` կարող ենք վստահ ասել, որ Կլեոպատրան Եգիպտոսի արժանի թագուհի էր: Ասում են, չէ՞` չկա տգեղ կին, կան կանայք, ովքեր չգիտեն օգտվել բնության պարգևած բարիքներից: Իսկ Կլեոպատրան գիտեր: Մարմնի խնամք Կլեոպատրայի գեղեցկության գլխավոր գաղտնիքը համարվում են նրա «կաթնային լոգանքները»: Դրանք պատրաստվում էին ավանակի կաթից` ավելացնելով մեղր: Ըստ որոշ աղբյուրների` ավելացնում էին նաև նշի յուղ:

Վաննայի ջերմաստիճանը պետք է համապատասխան լիներ մարմնի ջերմաստիճանին` 36-37: Այդ վաննայում թագուհին պառկում էր 15-20 րոպե: Բնականաբար նման շքեղություն հիմա շատ քչերը կարող են իրենց թույլ տալ: Բայց դրան կարելի է ստեղծագործ մոտենալ. մեկ լիտր կովի կաթին ավելացնել 200-300 մլ. բնական մեղր և մի քանի գդալ ձիթապտղի յուղ: Ստացված լուծույթը խառնում են վաննայի ջրի հետ և այն նմանեցնում եգիպտական թագուհու վաննային: Եթե չեք կարող ձեզ վաննա թույլ տալ, ապա կարող եք «փոքրացնել մասշտաբն» ու բավարարվել ձեռքերի վաննակով` կես լիտր կաթ և երկու-երեք թեյի գդալ մեղր: Վաննայի ազդեցությունն ուժեղացնում էր ծովի աղով պատրաստված սկրաբը, որով մաքրում էին թագուհու մարմինը մինչև վաննան: Այն մաքրում և փափկեցնում էր մաշկը` դրանով պատրաստելով մարմինը լոգանքին: Այն պատրաստելու համար խառնում եք 200 գրամ ծովի աղը 100 մլ. խիտ սերուցքի հետ: Դեմքի խնամք Դեմքի խնամքի պարագայում նույնպես Կլեոպատրան նախընտրում էր ավանակի կաթի և մեղրի լոգանքին համապատասխան դիմակներ: Այսօր մենք հնարավորություն ունենք ավանակի կաթը փոխարինել կովի կաթով: Դիմակը պատրաստելու համար բավական է խառնել կաթն ու մեղրը` ամեն մեկը 2-3 թեյի գդալ չափով և մաքրել դրանով մաշկը 15-20 րոպեի ընթացքում, որից հետո գոլ ջրով մաքրել այն: Մյուս գաղտնիքը կավի դիմակներն էին: Դրանց պատրաստման համար գտնում էին սպիտակ կավ, որը բացում էին ավանակի կաթի մեջ, ավելացնում մեղր ու կիտրոնի հյութ:

Այսպիսի դիմակ ինքներդ էլ կարող եք պատրաստել. 2 ճաշի գդալ կավ, 2 ճաշի գդալ կաթ, 1 ճաշի գդալ մեղր և 1 թեյի գդալ կիտրոնի թարմ հյութ: Պահում եք դիմակը 15-20 րոպե և մաքրում գոլ ջրով: Մազերի խնամք Կլեոպատրայի փայլուն մազերի գաղտնիքը կայանում էր ձվային դիմակներում: Ձվի մի քանի դեղնուցը հարում էին և քսում թագուհու մազարմատներին: Այն մաքրում էին սովորական տաք ջրով: Օրգանիզմի մաքրում Կլեոպատրան հոգ էր տանում ոչ միայն իր արտաքնի, այլև առողջության մասին նույնպես: Ներքին առողջություն` արտաքին գեղեցկություն:

Ինչպես հաստատում են ուսումնասիրությունները` Կլեոպատրան երկու շաբաթը մեկ խմում էր կիտրոնի և ձիթապտղի յուղի 100 մլ-անոց հյութ: Կա այնպիսի կարծիք, որ նա մի քիչ էլ ջուր էր ավելացնում: Այս հյութը պետք է ըմպել առավոտյան` ուտելուց առաջ: Բույրերի գերության մեջ Կլեոպատրայի գեղեցկության շատ կարևոր մաս էր կազմում նրա մաշկի բույրը: Հապա մտածեք` կաթն ու մեղրը գիտակցության վրա են ազդում: Մեղրը միշտ ասոցացվել է բնության հետ, իսկ կաթը` նորածնի: Կլեոպատրայի այդ բույրը հիպնոսացնում էր: Ահա այսքան պարզ են մեծն թագուհի Կլեոպատրայի գեղեցկության գաղտնիքները, որոնցից կարող եք օգտվել նաև դուք տնային պայմաններում: