Թունավորումներ՝ շմոլ գազից. տուժել է 30-ից ավելի քաղաքացի, այդ թվում 14 երեխա

ОБЩЕСТВО 6 Март, 2017 19:37

Մարտի 5-ին, ժամը 9.45-ին, հիվանդանոցից ոստիկանության Էրեբունու բաժնում հաղորդում է ստացվել, որ «թունավորում շմոլ գազից» ախտորոշմամբ բուժօգնության են դիմել 37-ամյա Աբել Հ.-ն, 35-ամյա Թամարա Հ.-ն, 10-ամյա Միլենա Հ.-ն եւ 15-ամյա Ալինա Հ.-ն:

Մեկնած օպերատիվ խումբըը պարզել է, որ Աբել, Թամարա, Միլենա եւ Ալինա Հ.-երը թունավորվել են նշված իրենց բնակարանում առաջացած շմոլ գազից:

Նշանակվել է ԴԲՓ:

Կատարվում է հետաքննություն:

***

Մարտի 5-ին, ժամը 23.00-ին, հիվանդանոցից ոստիկանության Սեւանի բաժնում հաղորդում է ստացվել, որ «շմոլ գազի թունավորում» ախտորոշմամբ բուժօգնության են տեղափոխվել 35-ամյա Լիա Հ.-ն, 13-ամյա Գեւորգ Գ.-ն եւ 10-ամյա Գարիկ Գ.-ն:

Մեկնած օպերատիվ խումբը պարզել է, որ վերջիններս թունավորվել են նույն օրը, ժամը 20.00-ի սահմաններում, իրենց տան միջանցքում տեղադրված գազի վառարանից՝ թերայրման հետեւանքով արտանետված շմոլ գազից:

Նշանակվել է դատաբժշկական փորձաքննություն:

Կատարվում է հետաքննություն:

***

Մարտի 5-ին, ժամը 21.05-ին, հիվանդանոցից ոստիկանության Նաիրիի բաժնում հաղորդում է ստացվել, որ «շմոլ գազի թունավորում» ախտորոշմամբ բուժօգնության են տեղափոխվել 31-ամյա Մարուսյա Բ.-ն, 25-ամյա Արմինե Ա.-ն, 9-ամյա Ռիմա Մ.-ն, 4-ամյա Վարդան Մ.-ն եւ 8-ամյա Մարիամ Մ.-ն:

Հանգամանքները պարզվում են:

Կատարվում է հետաքննություն:

***

Մարտի 4-ին, ժամը 14.50-ին, հիվանդանոցից ոստիկանության Հրազդանի բաժնում հաղորդում է ստացվել, որ «էկզոգեն թունավորում շմոլ գազից հարցականով» ախտորոշմամբ բուժօգնության են տեղափոխվել 34-ամյա Մարինե Բ.-ն եւ նրա երեխաները` 7-ամյա Եվա եւ 6-ամյա Էրիկ Ն.-երը:

Մեկնած օպերատիվ խումբը պարզել է, որ նշված անձինք թունավորվել են նույն օրը, ժամը 13.30-ի սահմաններում, Վանատուր թաղամասի թիվ 523 տանը, գազի վառարանից առաջացած շմոլ գազի արտահոսքի հետեւանքով:

Նշանակվել է ԴԲՓ:

Կատարվում է հետաքննություն:

***

Մարտի 4-ին, ժամը 20.25-ին, հիվանդանոցից ոստիկանության Հրազդանի բաժնում հաղորդում է ստացվել, որ «էկզոգեն թունավորում շմոլ գազով հարցականով» ախտորոշմամբ բուժօգնության են տեղափոխվել 14-ամյա Մարիամ Ղ.-ն, 12-ամյա Միլենա Ղ.-ն, 10-ամյա Սաթենիկ Ղ.-ն, 64-ամյա Լատիֆեր Տ.-ն եւ 30-ամյա Սիրանուշ Ա.-ն:

Մեկնած օպերատիվ խումբը պարզել է, որ վերջիններս թունավորվել են նույն օրը, ժամը 19.00-ի սահմաններում, իրենց տան խոհանոցում գտնվող գազօջախից գազի արտահոսքի հետեւանքով:

Նշանակվել է ԴԲՓ:

Կատարվում է հետաքննություն:

***

Մարտի 4-ին, ժամը 15.25-ին, հիվանդանոցից ոստիկանության Մաշտոցի բաժնում հաղորդում է ստացվել, որ «շմոլ գազից թունավորում» ախտորոշմամբ Աշտարակ քաղաքի Միկոյան փողոցի տներից մեկից բուժօգնության են տեղափոխվել 60-ամյա Քնարիկ Զ.-ն, 92-ամյա Մարթա Մ.-ն եւ 22-ամյա Անահիտ Ե.-ն:

Մեկնած օպերատիվ խումբը պարզել է, որ նույն օրը, ժամը 12.30-ին, վերջիններս թունավորվել են իրենց տանը՝ գազի կաթսայից շմոլ գազի արտահոսքի հետեւանքով:

Կատարվում է քննություն:

***

Մարտի 5-ին, ժամը 2.25-ին, հիվանդանոցից ոստիկանության Նոր Նորքի բաժնում հաղորդում է ստացվել, որ թունավորումով բուժօգնության են տեղափոխվել 28-ամյա Կարեն Գ.-ն, 52-ամյա Ջուլետա Հ.-ն, 31-ամյա Լուսինե Ե.-ն, 57-ամյա Հակոբ Գ.-ն եւ 31-ամյա Արթուր Գ.-ն:

Պարզվել է, որ նշված անձինք թունավորվել են մարտի 4-ին, ժամը 23.00-ին, տանը շմոլ գազից արտահոսքից:

Կատարվում է հետաքննություն:

***

Մարտի 4-ին, ժամը 22.45-ին, հիվանդանոցից ոստիկանության Սեւանի բաժնում հաղորդում է ստացվել, որ «շմոլ գազի թունավորում» ախտորոշմամբ իրենց մոտ են տեղափոխվել 42-ամյա Գայանե Խ.-ն, 16-ամյա Մելինե Մ.-ն եւ 15-ամյա Էմիլ Մ.-ն:

Մեկնած օպերատիվ խումբը պարզել է, որ նշված անձինք նույն օրը, ժամը 21.00-ի սահմաններում, թունավորվել են իրենց տան խոհանոցում տեղադրված ջրատաքացուցիչից արտանետված շմոլ գազից:

Նշանակվել է ԴԲՓ:

Կատարվում է հետաքննություն: