Ովքեր են Facebook սոցցանցի 10 ամենահայտնի մարդիկ (լուսանկարներ)

ЛАЙФ 11 Июнь, 2015 15:40

Շուրջ 11 տարի առաջ Facebook սոցիալական ցանցի հիմնադրման պահից ի վեր այն դարձել է միմյանց հետ հաղորդակցվելու և հետաքրքիր նորություններով կիսվելու միջոց, գրում է today.com-ը։

Ցանցն ամսական ունի 1.39 մլրդ ակտիվ օգտատեր, որոնց թվում են նաև հայտնի անձինք։

Կայքը ներկայացնում է Facebook-ի 10 ամենահայտնի անձանց ցուցակը՝ իրենց էջերի հավանությունների թվով։

10. Երգիչ Ջասթին Բիբեր՝ 72,724,746 հավանությամբ

Ջասթին Բիբերը կանադացի երգիչ է, ով ունի 200 մլն դոլարի ունեցվածք։

9. Երգիչ Բոբ Մառլի՝ 73,513,881 հավանությամբ

Միջազգային լայն ճանաչման արժանացած ճամայկացի ռեգգի երգիչ, երաժիշտ, կիթառահար և կոմպոզիտորը իր մահվանից 34 տարի անց դեռ շարունակում է վայելել երկրպագուների սերը։

8. Դերասան Ուիլ Սմիթ՝ 73,691,492 հավանությամբ

Հայտնի դերասան Ուիլ Սմիթն ունի 220 մլն դոլարի կարողություն։

7. Երգիչ Մայքլ Ջեքսոն՝ 75,300,478 հավանությամբ

Հայտնի երգիչ Մայքլ Ջեքսոնի մահից մոտ 6 տարի անց նա շարունակում է սիրված լինել երկրպագուների կողմից։

6. Ֆուտբոլիստ Լիոնել Մեսի՝ 77,881,494 հավանությամբ

Այս մարզիկն աշխարհի ամենաբարձր վարձատրվող ֆուտբոլիստների ցուցակում է։ Նրա կարողությունը գնահատվում է մոտ 180 մլն դոլար։

5. Երգչուհի Ռիհանա՝ 81,549,344 հավանությամբ

Երգչուհին հիմնել է The Believe Foundation հիմնադրամը, որն օգնում է մահացու հիվանդ երեխաներին, իսկ նրա կարողությունը գնահատվում է 140 մլն դոլար։

4. Ռեփեր Էմինեմ՝ 91,991,971 հավանությամբ

Ռեփեր, պրոդյուսեր և դերասան Էմինեմի կարողությունը գնահատվում է 190 մլն դոլար։

3. Դերասան Վին Դիզել՝ 93,172,315 հավանությամբ

Բազմաթիվ հայտնի ֆիլմերում դերեր ստացած Վին Դիզելի կարողությունը գնահատվում է 75 մլն դոլար։

2. Երգչուհի Շակիրա՝ 100,732,587 հավանությամբ

Երգչուհու ունեցվածքը 220 մլն դոլար է։ Նա 1997-ին հիմնել է Barefoot Foundation հիմնադրամը, որն օգնում է աղքատ երեխաներին։

1. Ֆուտբոլիստ Քրիշտիանու Ռոնալդու՝ 103,576,615 հավանությամբ

Մարզիկը Դևիդ Բեքհեմից հետո երկրորդ ամենահարուստ ֆուտբոլիստն է աշխարհում։ Նրա տարեկան եկամուտը կազմում է 45 մլն դոլար, իսկ ընդհանուր ունեցվածքը 250 մլն դոլար է։