Պատահական ոչինչ չի լինում. Աննա Թովմասյանը` Արամեի հետ ճակատագրական հանդիպման, վախերի և մեծ երազանքի մասին

Asekose.am-ի բլից հարցերին պատասխանել է Արամեի կինը` երգչուհի Աննա Թովմասյանը:

 Կյանքի ամենամեծ  ձեռքբերումն ու ձախողումը:

Կյանքիս ամենամեծ ձեռքբերումն իմ ընտանիքն է, իմ սիրած էակը: Իմ ապագա պլաններն էլ կապված են իմ սիրելիների հետ: Իսկ ինչ վերաբերում է ձախողումներին, կարծում եմ` դրանք եղել են աննշան և ոչ մի հետք չեն թողել իմ կյանքում:  

Եթե հնարավորություն ունենայիք կյանքը նորից սկսելու, ապա ի՞նչը կփոխեիք:

Իրականում ոչինչ պետք չէ փոխել, այդ կյանքն է ինձ տրված և ես այն ապրել եմ:

 Աշխատանքից դուրս ինչպե՞ս կբնութագրեք ինքներդ Ձեզ 3 բառով:

Ուրախ, դրական, ուշադիր:

 Ո՞րն է այն կարգախոսը, որով առաջնորդվում եք Ձեր կյանքում:

Միշտ սիրել եմ այս կարգախոսը և առաջնորդվել դրանով. «Պատահական ոչինչ չի լինում մեր

կյանքում»:

Վերջին անգամ ե՞րբ և ու՞մ եք ասել`կներես:

Ես հաճախ չեմ ասում այդ բառը, որովհետև ուղղակի պատճառ չի լինում, իսկ եթե փորձեմ մտաբերել, ապա ասել եմ ամուսնուն` չնչին պատճառի համար:

 Վերջին անգամ ե՞րբ և ու՞մ եք ասել` սիրում եմ:

Ի տարբերություն ներողության` այդ բառը ես հաճախ եմ օգտագործում, որովհետև դրա համար ունեմ մի մեծ, 2 մետրանոց պատճառ:

Ես երջանիկ կլինեի, եթե…

Ես երջանիկ եմ ու կլինեմ, եթե յուրաքանչյուր մարդ զգա այդ երջանկության քաղցրությունը:

 Երազում եմ, որ…

Երազում եմ, որ մարդիկ ուրախ ապրեն ու մեկը մյուսին կամենան միայն լավ բաներ:

 Բամբասանք Ձեր մասին, որը Ձեզ զվարճացրել է:

Իբր Արամեն ինձանից բաժանվել և ամուսնացել ինչ-որ նախարարի հետ:

 Արարք, որի համար զղջում եք:

Եղել են իհարկե նման բաներ, սակայն կարծում եմ, որ ամեն մեկի կյանքում էլ դրանք լինում են:

 Երբեք չեմ…

Երբեք չեմ անի վատություն, նույնիսկ` արժանիներին:

 Ինչի՞ց եք վախենում:

Ես շատ եմ ուզում պահպանել այն ամենը, ինչ ունեմ այսօր, միգուցե, դա վախ է:

 

Իրադարձություն, որը ստիպել է Ձեզ արտասվել:

Քանի որ լացը և՛ ուրախության, և՛ տխրության  դրսևորում է, կարծում եմ` շատ են պատճառները:

 Որոշում  կամ հանդիպում, որը ճակատագրական դարձավ Ձեզ համար:

Դե իհարկե, տարիներ առաջ հանդիպեցի իմ երջանկությանը, իմ սիրելի մարդուն: