Երևանի, Գյումրիի Վանաձորի քաղաքացիների պատկերացումները ԵՏՄ-ի, Հայաստանի և Ադրբեջանի՝ Ռուսաստանի ու Եվրոպայի հետ ունեցած հարաբերությունների մասին

«Իրազեկ քաղաքացիների միավորում» հասարակական կազմակերպությունը Երևանում, Գյումրիում և Վանաձորում հետազոտություն է անցկացրել՝ պարզելու այդ շրջաններում Հայաստանի քաղաքացիների՝ ԵՏՄ-ի մասին ունեցած պատկերացումները, պատկերացումները Հայաստանի և Ադրբեջանի՝ Ռուսաստանի և Եվրոպայի հետ ունեցած հարաբերությունների վերաբերյալ:

Հասարակական կազմակերպությունն այս պահին հարցման վերաբերյալ հրապարակում է միայն նախնական տվյալներ։

Հարցման նախնական արդյունքների համաձայն՝ Երևանում ԵՏՄ-ին անդամակցելուն կողմ է հարցված քաղաքացիների 55.5 %-ը, Գյումրիում՝ 54%-ը, Վանաձորում՝ 69.2%–ը:

Հատկանշական է, որ քաղաքացիները կողմ են Հայաստանի՝ Եվրասիական տնտեսական միությանն անդամակցմանն այն դեպքում, երբ նրանք գիտեն, որ Ռուսատանում տնտեսությունն անկում է ապրում: Մասնավորապես, ըստ հարցման արդյունքների, հարցմանը մասնակցած Երևանի քաղաքացիների 55.8%-ը, Գյումրիի բնակիչների՝ 58.5 և Վանաձորի քաղաքացիների՝ 68.3 %-ը տեղյակ է Ռուսաստանում տնտեսության անկման մասին:

Հետաքրքրական է նաև պատկերը՝ կապված Ռուսաստանի կողմից Հայաստանի անվտանգությունն ապահովելու հետ: Չնայած այն հանգամանքին, որ քաղաքացիները վստահ են, որ Հայատտանի թշնամի Ադրբեջանին Ռուսաստանն ամենաշատն է զենք վաճառում, այնուամենայիվ, կարծում են, որ Ռուսաստանն է ապահովում Հայաստանի անվտանգությունը:

Մասնավորապես, Երևանում հարցմանը մասնակցած քաղաքացիների 65.6, Գյումրիում մասնակցածների՝ 69.4 և Վանաձորում մասնակցածների՝ 67.3 %-ը կարծում է, որ Ռուսաստանն ապահովում է Հայաստանի անվտանգությունը, ավելի մեծ տոկոս են կազմում մարդիկ, որոնք կարծում են, որ որ Արդբեջանի՝ ԼՂՀ-ի վրա հարձակման դեպքում Ռուսաստանը մեզ ռազմական օգնություն ցույց կտա՝ չնայած այն հանգամանքին, որ Երևանում հարցմանը մասնակցածների 67, Գյումրիում մասնակցածների՝ 65.3 և Վանձորում մասնակցածների 61.5 %-ը գիտի, որ ամենաշատ զենքը Ադրբեջանին վաճառում է ՌԴ-ն:

Մանրամասները՝ ստորև ներկայացված աղյուսակում:

Արաքս Մամուլյան