Հայեր, ովքեր փոխեցին աշխարհը

Այս մարդկանց շնորհիվ աշխարհը հային տեսավ տաղանդավոր, ուժեղ ու հանճարեղ:

1. Շառլ Ազնավուր. երգիչ, դերասան, բարեգործ

Բեմում է ավելի քան 60 տարի, անցած դարի ֆրանսիական ամենաանմոռաց երգերից շատերի հեղինակն է, համարվում է ֆրանսիական շանսոնի դասականներից մեկը։

 

2. Շեր. ամերիկյան երգչուհի, բարեգործ, հասարակական ակտիվիստ

Նա բոլոր ժամանակների ձայնագրությունների ամենամեծաքանակ վաճառք ունեցած կատարողներից է, սակայն դրանից բացի՝ եղել է Բրոդվեյի աստղ, հեռուստատեսության և կինոյի դերասան։

 

3. Քըրք Քըրքորյան. գործարար, խաղատների ցանցի սեփականատեր, մեծ բարերար

Նա աշխարհի խոշորագույն հյուրանոցների կառուցողներից է։ Նրան են վերագրում Լաս Վեգասի զարգացման և դրա խաղատներն ու հյուրանոցներն իրենց ներկայիս կարգավիճակին հասցնելու պատիվը։

 

4. Դևիդ Իգնատիուս. լրագրող, գրող

Նա The Washington Post օրաթերթի նշանավոր լրագրող է, մասնագիտացած է միջազգային հարաբերությունների ասպարեզում։

 

5. Արամ Խաչատրյան. կոմպոզիտոր

Նրան մեծ ճանաչում բերած առաջին գործը «Դաշնամուրի կոնցերտն» է (1936թ.): Հռչակավոր գործերից են «Սպարտակ» և «Գայանե»  բալետները։ «Գայանե» բալետի մի շարք հատվածներ օգտագործվել են Ստենլի Կուբրիկի «2001. տիեզերական ոդիսական» ֆիլմում։

 

6. Վիլյամ Սարոյան. արձակագիր

Հրատարակել է բազում նովելներ, պատմվածքներ և պիեսներ, այդ թվում՝ «Իմ սիրտը լեռներում է», «Մարդկային կատակերգություն», «Խիզախ պատանին թռչող ճոճաձողի վրա», «Իմ անունն Արամ է», «Կյանքիդ ժամանակը»։

 

7. Սողոմոն Թեհլերյան

Հայ ազգային–ազատագրական շարժման գործիչ, հայ վրիժառու, Հայոց ցեղասպանության վերապրող։ Գնդակահարել է երիտթուրքերի ներքին գործերի նախարար և Հայոց ցեղասպանության գլխավոր կազմակերպիչ Թալեաթ փաշային, սակայն իր արարքի համար մեղավոր չի ճանաչվել և ազատ է արձակվել դատարանի դահլիճից: «Ես մարդ եմ սպանել, բայց ես մարդասպան չեմ». Թեհլերյանի այս խոսքերը համաշխարհային դատական պրակտիկայում գրվեցին շեղատառերով, իսկ նրա դեպքը միջազգային իրավագիտության համար ստեղծեց դատական նախադեպ, երբ սպանություն կատարած անձը արդարացվեց՝ արարքի մեջ հանցակազմի բացակայության պատճառով:

 

8. Տիգրան Պետրոսյան. գրոսմայստեր

Վեց տարի շարունակ պահպանել է շախմատի աշխարհի չեմպիոնի տիտղոսը։

 

9. Վիկտոր Համբարձումյան. տեսական աստղաֆիզիկոս

Աստղաֆիզիկայի ոլորտում բազմաթիվ հայտնագործություններ և աստղագիտական հետազոտությունների կարևոր կենտրոն Բյուրականի աստղադիտարանի հիմնադիր։

 

10. Սերժ Թանկյան. երգչիչ, երգահան, հասարակական ակտիվիստ

System of a Down ռոք խմբի համաշխարհային համբավը Թանկյանն ուղղել է Հայոց ցեղասպանության ճանաչման պայքարին։

 

11. Յուսուֆ Քարշ. լուսանկարիչ

Ճանաչված է Չերչիլի, Հեմինգուեյի, Էյնշտեյնի, Մայր Թերեզայի, Ուոլթ Դիսնեյի, Օդրի Հեփբըրնի, Մուհամմեդ Ալիի, Ֆիդել Կաստրոյի և շատ ուրիշների դիմանկարներով։ Հրատարակել է իր գործերի մի քանի ալբոմ։

Նյութը՝ BlogNews.am