Մարտունի-Վարդենիկ միջհամայնքային ճանապարհն ասֆալտապատված է շուրջ 41 հազար քմ մակերեսով

ЭКОНОМИКА 3 Ноябрь, 2016 19:59

Մարտունի-Վարդենիկ միջհամայնքային ճանապարհի հիմնանորոգման աշխատանքները, որոնք իրականացվում են պետական ծրագրով եւ Համաշխարհային բանկի միջոցներով, ընթացքի մեջ են այս տարվա հուլիս ամսից: Ինչպես «Արմենպրես»-ին տեղեկացրեց Գեղարքունիքի մարզպետարանի աշխատակազմի քաղաքաշինության վարչության տրանսպորտի եւ ճանապարհաշինության բաժնի վարիչ Գեւորգ Խ աչատրյանը, անցած 4 ամսում «Կապավոր» ՍՊԸ ճանապարհաշինարարների կողմից ասֆալտապատվել է մոտ 6,8 կիլոմետր երկարության ճանապարհ, որի մակերեսը կազմում է շուրջ 41 հազար քառակուսի մետր: «Ճանապարհն իրար է կապում Մարտունի քաղաքը եւ Վաղաշեն, Աստղաձոր, Զոլաքար, Վարդենիկ գյուղերը: Ճանապարհի ընդհանուր երկարությունը կազմում է 10,5 կիլոմետր, որի հիմնանորոգման համար տրամադրվել է շուրջ 1 միլիարդ 900 միլիոն դրամ:

Այսօրվա դրությամբ ճանապարհաշինարարների կողմից ասֆալտբետոնյա ծածկի տեղադրման աշխատանքներն ավարտված են մոտ 60-70 տոկոսով: Ամբողջությամբ ասֆալտապատված են Վարդենիկ-Զոլաքար եւ Մարտունի-Վաղաշեն-Աստղաձոր հատվածները: Մոտ 500 գծամետր երկարության ճանապարհ լիովին նախապատրաստված է ասֆալտապատման: Եթե եղանակային պայմանները թույլ տան, ապա ասֆալտապատման եւ մնացած կարգի աշխատանքները կշարունակվեն, իսկ ծրագիրն ամբողջությամբ նախատեսված է ավարտին հասցնել եկող տարվա ընթացքում»,-նշեց Գեւորգ Խաչատրյանը: Ճանապարհի հիմնանորոգման ծրագիրը կենսական է ոÖ ‚ պահանջված է որակում Վարդենիկի գյուղապետ Հովիկ Հովեյանը: «Մեր գյուղից մինչեւ Զոլաքար ընկած ճանապարհահատվածը գրեթե լիովին հիմնանորոգված է՝ մոտ 2,5 կիլոմետր երկարությամբ: Թե համայնքի ներսում, թե համայնքից դուրս այն ծառայում է բնակչության կարիքներին, քանի որ այդ ճանապարհը սպասարկում է նաեւ մեր գյուղատնտեսական նշանակության հողերը: Համոզված եմ, որ եկող տարի այդ հատվածներում էականորեն կավելանան մշակվող վարելահողերի ծավալները»,-»Արմենպրես»-ի հետ զրույցում նշեց Հովիկ Հովեյանը: