Ինձ ոչ ոք ո՛չ կարող է համոզել, ո՛չ կարող է պարտադրել, ինձ առաջադրել է «Բարգավաճ Հայաստան» կուսակցությունը. Վարդևան Գրիգորյան

Past.am-ի զրուցակիցն է Գյումրիի մանկավարժական ինստիտուտի նախկին ռեկտոր, Գյումրիի ՏԻՄ ընտրություններում ԲՀԿ թեկնածու Վարդևան Գրիգորյանը:

 

- Համաձայն «Հրապարակ» թերթի տեղեկատվության՝ Վարդան Ղուկասյանն է համոզել, որ առաջադրվեք, որպեսզի պայքարեք Սամվել Բալասանյանի դեմ: Ձեր մեկնաբանությունը:

 

- Չկա նման բան, հերյուրանք է: Ես «Բարգավաճ Հայաստան» կուսակցության կողմից առաջադրված թեկնածու եմ: Ինձ ոչ ոք ո՛չ կարող է համոզել, ո՛չ կարող է պարտադրել: Ինձ առաջադրել է «Բարգավաճ Հայաստան» կուսակցությունը:

 

- Իսկ ընդդիմադիր այլ ուժերի շանսերն ինչպե՞ս եք գնահատում: Օրինակ՝ ի՞նչ հնարավորութուն ունի նորաստեղծ ԳԱԼԱ կուսակցությունը:

 

- Բազմիցս ասել եմ՝ Գյումրիում ընտրություններն անկանխատեսելի են: Ուղղակի պետք է սպասենք: Ընտրություններից հետո կերևա, թե ժողովուրդն ինչ տրամադրվածություն ունի այս կամ այն անձի, կուսակցության նկատմամբ:

 

-Իսկ ինչո՞ւ Հանրապետական կուսակցությունը որոշեց դաշինքով մասնակցել և սատարել Սամվել Բալասանյանին:

 

 

- Մի հարց եք տալիս, որին ես չեմ կարող պատասխանել: Դա պետք է Հանրապետական կուսակցությանը տաք:

 

- Դուք հասցրե՞լ եք շոշափել մարդկանց տրամադրությունները: Մարդիկ գո՞հ են այսօրվա քաղաքային իշխանութուններից:

 

- Շփվել եմ միայն թիմակիցներիս հետ: Քարոզարշավի ժամանակ հնարավորություն կլինի լայն մասսաների հետ շփվել: Այդ ժամանակ գուցե զգամ ժողովրդի տրամադրությունները:

 

- Սամվել Բալասանյանի գործունեությունն ինչպե՞ս կգնահատեք՝ հաշվի առնելով, որ նախորդ ընտրություններում նա ԲՀԿ-ն էր ներկայացնում: Նրան հաջողվե՞ց իրականացնել նախընտրական խոստումները:

 

- Ճիշտ ասած՝ չեմ հիշում իր անցած ծրագրերը: Կարծում եմ՝ ժողովուրդը պետք է տա գնահատականը:

 

Լևոն Փանոսյան

 

 

 

 

 

Կիսվել