Իսկ դու գիտեի՞ր, որ ունես այս 6 սուպերկարողությունները

LIFE 26 August, 2015 11:11

BlogNews.am- ը գրում է.

Մենք կարծում ենք, թե շատ բան գիտենք մեր աշխարհի մասին, այնինչ դա օվկիանոսի մի կաթիլն է միայն։ Ձեզ ենք ներկայացնում 6 սուպերկարողություններ, որոնք դուք ունեք, սակայն չեք էլ կասկածում դրանց մասին. անհրաժեշտ է պարզապես ուշադիր լինել ու զարգացնել դրանք։

① Տելեկինեզ

Տելեկինեզը ֆիզիկական աշխարհը մտքի ուժով կառավարելու կարողությունն է, երբ առանց առարկային դիպչելու կարողանում ես շարժել այն՝ միայն դրա մասին մտածելու միջոցով։ Տելեկինեզն այլ կերպ հայտնի է որպես փսիխոկինեզ, և ընդունված է կարծել, որ այն աշխատում է էներգետիկ դաշտերի կամ ինչ-որ հոգևոր էներգիայի «ալիքների» միջոցով, որոնք բավականաչափ խիտ են առարկան շարժելու կամ կառավարելու համար։ Տելեկինեզի կարողությունը գործածելու ամենատարբեր միջոցներ կան։ Ամենահասարակ միջոցը կենտրոնանալն է առարկայի վրա, ինչը էներգիա ու ալիքներ է արտազատում առարկաները տեղաշարժելու համար։

② Հիպնոտիզմ

Հիպնոտիզմը գործընթաց է, որի միջոցով հիպնոսացնողը ներխուժում է մարդու գիտակցության մեջ ու ուղղակիորեն կապվում ենթագիտակցության հետ։ Այն օգտագործվում է ամենատարբեր նպատակներով՝ ինչ-որ մեկին ծխելը դադարեցնել ստիպելուց մինչև ֆոբիաները բուժելը, ինքնավստահությունը բարձրացնելն ու ինչ-որ մեկին մոտիվացնելը։ Հարկ է նշել, որ հիպնոտիզմը պարզ գիտություն է և ոչ մի կապ չունի մոգության հետ։ Չնայած դժվար է սովորել այս կարողությունը, այն կարող է բավականին օգտակար լինել առօրյա կյանքում։

③ Տելեպատիա

Տելեպատիան տարածված կարողություն է, որն ունի յուրաքանչյուր անձ, այն իրենից ներկայացնում է առանց որևէ միջոցի՝ միայն մտքի ուժով հաղորդագրություն ուղարկելը մեկ այլ մարդու։ Առօրյա կյանքում մենք հաճախ հայտնվում ենք այնպիսի իրավիճակում, երբ մենք հիշում ենք ինչ-որ մեկին կամ ցանկանում խոսել նրա հետ, և հենց այդ ժամանակ նա զանգահարում է մեզ։ Սա հենց այս երևույթի պրակտիկ վկայությունն է։ Տելեպատիան գործարկելն այնքան էլ դժվար բան չէ։ Միակ բանը, որ դու պետք է անես, ընկերներիդ խնդրելն է՝ 1-10 որևէ պատահական թիվ մտածել, որից հետո անհրաժեշտ է կենտրոնացնել միտքն ու փորձել գուշակել այդ թիվը։ Փորձիր մտքումդ հայտնված առաջին թիվն ասել ու համեմատել այն թվի հետ, որը պահել էր ընկերդ։ Այս փորձերը կօգնեն ուժեղացնել քո և ընկերոջդ միջև տելեպատիկ կարողությունները։ Ժամանակի ընթացքում այս վարժությունները կարող ես բարդացնել՝ ձեր միջև տարածությունը մեծացնելու կամ մտապահվող թվերի սահմանն ընդլայնելու միջոցով։

④ Գերզգայունություն

Գերզգայունությունը վերաբերում է մարդու՝ անցյալը/ապագան, դրական/բացասական էնեգիաները, մարդկանց կամ առարկաների էմոցիոնալ վիճակը հասկանալու կարողությանը՝ պարզապես նայելու կամ դրանց դիպչելու միջոցով։ Շատ մարդիկ ունեն այս կարողությունը առանց նույնիսկ դա գիտակցելու։ Օրինակ՝ նրանք լավ կամ վատ են զգում ինչ-որ նոր մարդու հետ ծանոթանալիս, ինչ-որ նոր վայր այցելելիս և/կամ որևէ առարկա գնելիս որոշակի կանխակալ զգացություններ ունենում։

⑤ Աուրա կարդալ

Աուրա բառը ծագում է հունարենից ու լատիներենից և նշանակում է «օդի երանգ» կամ «շողալ»։ Աուրան յուրաքանչյուր կենդանի և անկենդան առարկային շրջապատող ճառագայթը կամ գույնն է։ Քո աուրան ցույց է տալիս քո էմոցիոնալ/ֆիզիկական վիճակը, դրական/բացասական զգացողությունները, մտքերը, անցյալը/ապագան ու շատ ավելին։ Դու կարող ես սովորել աուրաները հասկանալ քո սեփական ու մյուսների աուրաները կարդալով։ Պարզապես սկսիր ավելի ուշադիր զննել քո շուրջը։

⑥ Ձգողականության օրենք

Ձգողականության օրենքն ամենահասարակ ու հեշտ, սակայան ամենահզոր տեխնիկան է։ Թերևս շատերն են տեղյակ «Գաղտնիքը» («The Secret») ֆիլմի և գրքի մասին, որը պատմում է ձգողականության օրենքի պարզ միջոցների մասին։ Այս օրենքը պարզապես ասում է. «Դու ստանում ես այն, ինչ մտածում ես»։ Սա տիեզերական ճշմարտություն է, որ այն, ինչ դու խնդրում ես, այդ էլ ստանում ես՝ անկախ նրանից՝ դրական է դա, թե բացասական։ Քո գիտակցությունն է, որ հասկանում է դրականի ու բացասականի միջև տարբերությունը, իսկ ենթագիտակցությունը՝ ոչ, սակայն հենց ենթագիտակցությունն է, որ գրավում կամ ձգում է այն, ինչ մտածում ես։ Այնպես որ, կարևոր է ազատվել բացասական մտածողությունից, այլապես դու անգիտակցաբար դեպի քեզ ես ձգում այն, ինչից ցանկանում ես հեռու մնալ։ Եթե դու ցանկանում ես փորձարկել այս կարողությունը, նախ պետք է կարողանաս հանգստանալ ու մաքրել մտքերդ 5-10 րոպե, այնուհետև կենտրոնացնես միտքդ ու զգաս այն, ինչ ցանկանում ես։ Դու պետք է փորձես զգալ դա այնպես, ասես արդեն իսկ հասել ես նպատակիդ, այնուհետև փորձես զգալ, թե ինչպես ես վայելում այն, ինչին հասել ես ու երախտագիտություն ցուցաբերես դրա համար։ Այնուհետև քայլեր ձեռնարկիր ու շարունակիր դրական մտքերով ուղղորդել ինքդ քեզ դեպի ցանկալին։