Նորաձևության պատմության մեջ ամենագեղեցիկ հարսանեկան զգեստները

Հարսանիքի օրը ամենաանմոռանալի և հուզիչ օրն է կնոջ կյանքում: Չկա ավելի գեղեցիկ տեսարան, քան եկեղեցու խորանին մոտեցող ճերմակ հարսի զգեստով աղջիկը: Իդեալական հարսանեկան զգեստ գտնելը երևի թե ամենահուզիչ պահն է: Այն պետք է իդեալական լինի մարմնի վրա, ցույց տա հարսի բարձր ճաշակը և անհատականությունը:

Ձեզ ենք ներկայացնում նորաձևության պատմության մեջ ամենագեղեցիկ և շքեղ հարսանեկան զգեստները, որոնք կարող են ոգեշնչել բազմաթիվ աղջիկների և կանանց:

1. Ուելսի արքայադուստր Դիանա

Արքայազն Չարլզի և Լեդի Դիանայի հարսանիքը տեղի ունեցավ 1981 թվականի հուլիսի 29-ին: Նրանց հարսանիքը համարվել է «դարի հարսանիք»: Այդ հատուկ օրվա համար Լեդի Դիանան ընտրել էր Դեյվիդ և Էլիզաբեթ Էմանուելի դիզայնավորած զգեստը: Այն պատրաստված էր 40 մետր մետաքսից և 82 մետր անտիկ ժանյակներից և զարդարված էր հազարավոր մարգարիտներով:

2. Քեյթ Միդլթոն

Բրիտանական արքայական տան ևս մեկ շքեղ հարսանեկան արարողություն: Քեյթը հիացրեց մեզ իր շքեղ Alexander McQueen-ի հարսանեկան զգեստով:

3. Գրեյս Քելլի
   Ըստ հարսանեկան ամսագրերի՝ Գրեյս Քելլիի հարսանեկան զգեստը առաջին տեղում է՝ որպես բոլոր ժամանակների ամենագեղեցիկ և էլեգանտ զգեստ: Չնայած Մոնակոյի արքայազնի և այս հոլիվուդյան դերասանուհու հարսանեկան արարողությունը տեղի է ունեցել կես դար առաջ, նրա հարսանեկան զգեստը, միևնույն է, շարունակում է ոգեշնչել շատ դիզայներների: Սա իսկական արքայադստեր զգեստ է՝ պատրաստված մետաքսից և շատ նուրբ ժանյակներից և զարդարված հազարավոր մարգարիտներով:

   

4. Սառա Ջեսսիկա Փարկերը «Սեքսը և քաղաքը» ռոմանտիկ կոմեդիայում

Ֆիլմում Սառա Ջեսիկա Փարկերի մարմնավորած Քարրի Բրադշոն իր հարսանիքին կրել էր Վիվիեն Ուեսթվուդի դիզայնավորած շքեղ զգեստը: Այս զգեստը հրաշալի կերպով բացահայտում էր ֆիլմի հերոսուհու կերպարը և տարբերվում էր իր յուրահատուկ դիզայնով:

5. Ժակլին Քեննեդի

Ժակլին և Ջոն Ֆ. Քեննեդու հարսանեկան արարողությունը տեղի է ունեցել 1953 թվականին: ԱՄՆ-ի ապագա առաջին տիկնոջ հարսանեկան զգեստը երկար ժամանակ եղել է բազմաթիվ ամերիկուհիների երազանքների զգեստը:

6. Անջելինա Ջոլի
   Անջելինա Ջոլին և Բրեդ Փիթը ամուսնացել են 2014 թվականին: Ջոլիի զգեստը դրզայնավորել էր Versace-ն, սակայն այս զգեստը յուրահատուկ էր նրանով, որ գրեթե ողջ զգեստի և քողի վրա պատկերված էին Բրեդի և Անջելինայի երեխաների նկարչությունները:

   

7. Մերլին Մոնրո

Գեղեցկուհի Մերլին Մոնրոն իր երկրորդ հարսանյաց արարողությանը կրել է մուգ շագանակագույն «մատիտ» զգեստ՝ սպիտակ մորթով: Նորաձևության քննադատները միշտ կհիշեն Մերլինի ոչ ավանդական և ոճային հարսանեկան զգեստը:

 

8. Քրիստեն Ստյուարտ «Մթնշաղ» ֆիլմում

   

Ֆիլմի հերոսուհի Բելլա Սվանի զգեստը հիացրեց միլիոնավոր հանդիսատեսների: Այս երկարաթև և կոճակներով զգեստը դիզայնավորել էր Carolina Herrera-ն: Զգեստի մոտավոր արժեքն է 35.000$, սակայն օնլայն կարելի է այս զգեստի կրկնօրինակը պատվիրել ընդհամենը 800$-ով:

9. Ռենե Զելլվեգեր
   Եվս մեկ հրաշալի զգեստ՝ դիզայնավովրած Carolina Herrera-ի կողմից: Ռենե Զելվեգերը այս հրաշալի զգեստը կրել է 2005 թվականին: Մինիմալիզմի սիրահարները շատ բարձր էին գնահատել դերասանուհու էլեգանտ զգեստը:

   

10. Վիկտորիա Բեքհեմ
    Վիկտորիան հիմա հայտնի դիզայներ է և համարվում է ամենաոճային հարսանեկան զգեստներ դիզայնավորողը: Իր՝ 1999 թվականի հարսանեկան արարողությանը ֆուտբոլիստ Դեյվիդ Բեքհեմի ապագա կինը կրում էր շամպայնի գույնի 65 մետրանոց զգեստ, որը դիզայնավորել էր Վերա Ուանգը: Վերջերս Վիկտորիան խոստովանել է, որ իր հարսանեկան զգեստը դեռ կախված է իր զգեստապահարանում:

    

11.  

     

     

     

    Նյութը հրապարակման պատրաստեց Past.am-ը: