Հայտնիների հետ կապված ամենաաղմկահարույց սկանդալները, որոնք տեղ են գտել նրանց մահանալուց հետո

2013 թվականին տղամարդը հայտարարեց, որ երբ փոքր էր, Մայքլ Ջեքսոնը քանիցս ոտնձգություն է արել իր նկատմամբ Neverland առանձնատան խրախճանքների ժամանակ, ինչպես նաև Լոս Անջելեսում գտնվող իր տներից մեկում։

Հատկանշական է, որ 2005 թվականին Ուեյդ Ռոբսոնը դատարանում պաշտապնում էր Ջեքսոնի պատիվը, ում այն ժամանակ մեղադրում էին մանկապղծության մեջ, և հիմա՝ 8 տարի անց, պարողը կտրուկ փոխել է իր ունեցած դիրքորոշումը գործատուի նկատմամբ։

 

3․ Լյուդմիլա Զիկինա

 

Տհաճ մի պատմություն էլ կատարվեց սիրված երգչուհի Լյուդմիլա Զիկինայի մահից հետո։ Քանի որ նա իր երեխաները չուներ, նրա ժառանգության համար սկսեցին պայքարել զարմիկները։

Երգչուհու ունեցվածքը ոչ միայն անշարժ գույքից է կազմված, այլև թանկարժեք զարդերի լայն հավաքածուից։ Որոշ զարդեր երգչուհին ինքն էր գնել, իսկ որոշներն էլ նվեր էր ստացել։ Ստորև կարող եք տեսնել երգչուհու ականջօղերից, որոնց վրա ադամանդներ, ալմաստներ ու երկնագույն էմալ է։

Մեծ սկանդալը ծագեց հենց զարդերի պատճառով։ Սկզբում հավաքածուի մի մասն անհետացավ, և դրա որոնումներով սկսեցին զբաղվել իրավապահները, ովքեր գտան քարերը երգչուհու նախկին օգնական Տատյանա Սվինկովայի մոտ, սակայն կինը գողությունը չխոստովանեց ու հայտարարեց, որ երգչուհին ինքն է տվել զարդերն իրեն, որպեսզի նա պահպանի դրանք։ Հենց զարդերը վերադարձրեցին, Զիկինայի զարմիկ Սերգեյ Զիկինը վաճառեց հավաքածուն աճուրդով ու, ստանալով գումարը, անհետացավ։

Երգչուհու մյուս ժառանգորդը՝ նրա զարմուհի Եկատերինան, փորձեց գտնել անազնիվ եղբորը, բայց չկարողացավ և այդ ժամանակ դիմեց դատարան՝ պահանջելով 55 միլիոն ռուբլի գանձել հօգուտ իրեն։ Դատարանը բավարարեց կնոջ պահանջմները, բայց առայժմ միայն թղթի վրա, քանի որ ո՛չ Սերգեյը կա, ո՛չ էլ Եկատերինայի հասանելիք միլիոնները։

 

4․ Էմմի Ուայնհաուս

 

Բրիտանացի այս երգչուհին կյանքից հեռացավ 2011 թվականին՝ ընդամենը 27 տարեկան հասակում։ Էմմին կտակ չէր թողել, ուստի նրա ունեցվածքը, որը կազմում էր մոտ 4,2 միլիոն ֆունտ սթերլինգ, ստացան նրա ծնողները։ Նման իրադրության դեմ ոչ ոք չբողոքեց, սակայն սկանդալներից զերծ մնալ չհաջողվեց։

Բանն այն է, որ երգչուհու հայրը՝ Միթչը, երբ ստացավ ժառանգությունը, անմիջապես որոշեց վաճառել դստեր իրերը։ Առանձնակի ուշադրության արժանացավ երգչուհու շորերից մեկը, որը վաճառքի էր հանվել «Four Rooms» հեռուստահաղորդման շրջանակներում։ Ահա այն։

«Իսկ ինչո՞ւ ոչ Էմմիի աճյունը, Միթչ»,–հոր վրա հարձակվեցին երգչուհու երկրպագուները։ Սակայն ծնողների որոշման վրա դա չազդեց։ Զգեստի վաճառքից ստացված գումարն, ըստ Միթչի, ուղղվել է բարեգործության։ Ի դեպ, 2012 թվականին երգչուհու հայրը աճուրդով ևս մի զգեստ վաճառեց, որ պատկանել էր Էմմիին (65 հազար դոլարով)։ Դրանով Էմմին նկարահանվել էր «Back to Black» ալբոմի շապիկի համար, որը ճանաչվել էր XXI դարի ամենահաջող բրիտանական ալբոմը։

Իսկ աճուրդից ոչ շատ առաջ անհայտները թալանել էին Էմմի Ուայնհաուսի առանձնատունը, որը ևս վաճառքի էր հանվել երգչուհու ծնողների կողմից։ Շատ բան չէին գողացել՝ երգչուհու մի քանի զգեստներ, որոնց վաճառքից նրա հարազատները պլանավորում էին 130 հազար ֆունտ ստանալ։

Ի դեպ, տունը վաճառելու մասին որոշման լուրը ևս սկանդալ էր առաջացրել հանրության որոշ շրջանակներում։ Բանն այն է, որ այնտեղ ցանկանում էր հիմնավորվել Էմմի Ուայնհաուսի անվան հիմնադրամը, որը զբաղվում է թմրանյութերից կախվածություն ունեցող մարդկանց աջակցությամբ, սակայն ակնհայտ է, որ նրանց պլանները երգչուհու հարազատների պլանների հետ չէին համընկել։

 

5․ Փոլ Ուոքեր

 

«Ֆորսաժի» դերասանը զոհվեց 2013 թվականին ողբերգական ավտովթարի արդյունքում։ Նրա 25 միլիոն դոլարանոց կարողությունը նա կտակել էր դստերը՝ Մեդոու Ռեյնին, ուստի բարդ դատական քաշքշուկներ չեղան նրա մահվանից հետո, սակայն նույնիսկ դա չօգնեց, որպեսզի զոհված դերասանի անվան շուրջ սկանդալներ չառաջանան։

Առաջինը տեղի ունեցավ հենց ավտովթարի օրը. 18-ամյա մի պատանի դարանակալեց Ուոքերի Porsche Carrera GT-ն տեղափոխող էվակուատորի մեջ ու պոկեց մեքենայի տանիքը։ Պատանուն սկսեց որոնել ոստիկանությունը, ու նրան գտան քաղաքի արվարձանում։ Մամուլում այն ժամանակ շրջանառվում էր պատահարի երկու տարբերակ։ Համաձայն դրանցից մեկի՝ երիտասարդն ուզում էր վաճառել այն համացանցով, իսկ մեկ այլ տարբերակի համաձայն՝ նա գնացել էր այդ քայլին, որովհետև դերասանի թունդ երկրպագու էր ու ցանկանում էր հիշողություն պահեր Ուոքերից։

Շուտով, սակայն, տեղ գտավ երկրորդ պատմությունը, որը նույնպես գողության հետ էր կապված։ Անհայտ անձը ներթափանցեց դերասանի ավտոտնակ, որտեղ 40 մեքենաներ էին պահվում ու գողացավ 7 ավտոմեքենա, մասնավորապես՝ 1969 թվականի Ford Mustang ու Porsche 911 GT3 RS։ Հետագայում ոստիկանությունը դուրս էր եկել գողի հետքի վրա, ու պարզվել էր, որ գողությունն արել էր Փոլ Ուոքերի մտերիմ ընկերներից մեկը՝ Ռիչարդ Թեյլորը։ Դերասանի հարազատները դատի էին տվել՝ պահանջելով վերադարձնել գողացված մեքենաները կամ էլ հատուցել դրանց արժեքը։