Աշխարհի 10 «չբացահայտված» վայրերը, որոնց մասին դուք պետք է տեղյակ լինեք (լուսանկարներ)

PHOTO 8 July, 2016 12:23

Աշխարհում կան բազմաթիվ վայրեր, որտեղ զբոսաշրջիկների պակաս երբեք չի լինում, քանի որ բոլորն են երազում տեսնել այդ վայրերը, սակայն, կան այլ՝ ոչ այդքան հայտնի վայրեր, որոնք իրենց գեղեցկությամբ չեն զիջում բոլորին քաջածանոթ զբոսաշրջային տեսարժան վայրերին: Աշխարհում կան բազմաթիվ գեղեցիկ և չբացահայտված վայրեր, որոնք այնքան շքեղ և գրավիչ են, որքան Էյֆելյան աշտարակը կամ հրաշագեղ Վենետիկը:

10. Հուակաչինա, Պերուի անապատ

Լիմայից մոտ 5 ժամվա ճանապարհ է մինչև Հուակաչինա: Սա իդեալական հանգստի վայր է արկածախնդիր զբոսաշրջիկների համար: Հուակաչինան Պերուի անապատում գտնվող օազիս է, որը նաև ունի բնական լիճ: Զբոսաշրջիկները այստեղ կարող են զբաղվել սենդբորդինգով (կամ ավազասահք) և այլ հետաքրքիր և էկզոտիկ սպորտի տեսակներով:

9. Հյուսիսային Սենտինել կղզի

Այս չբացահայտված կղզին բոլորի համար չէ, որ կարող է ապահով լինել: Ցանկացած ոք, ով կհամարձակվի մոտենալ նեղ ծովափ ունեցող կղզուն, սպանվելու է: Սենտինելի ժողովուրդը արդեն 60.000 տարի է, ինչ որևէ օտարերկրացու չի ընդունում կղզում:

8. Սամարղանդ, Ուզբեկստան

Այստեղ է գտնվում Թամելանի թանգարանը, ինչպես նաև բազմաթիվ հնագույն մզկիթներ: Եթե ցանկանում եք ծանոթանալ հնագույն մշակույթի և լեգենդների հետ, ապա այս վայրը ձեզ շատ դուր կգա: ՅՈՒՆԵՍԿՕ-ն այս վայրը ճանաչել է որպես Մշակութային խաչմերուկ:

7. Իթայի անդրծովային ռեստորան, Մալդիվյան կղզիներ

Ավելի հետաքրքիր դարձրեք ձեր ընթրիքը՝ այցելելով Հնդկական օվկիանոսի տակ գտնվող Իթայի ռեստորանը: Սա ձևավորվել է Նորզելանդական M.J Murphy Ltd. դիզայնի ընկերության կողմից և կառուցվել Սինգապուրում: Ռեստորանում առաջարկվում են ուտեստներ ոչ միայն մալդիվյան, այլև այլ երկրների խոհանոցներից:

6. Շավեն, Հյուսիսարևմտյան Մարոկկո

Փոքր և հանգիստ այս քաղաքը գտնվում է Ռիֆի լեռներում և միակ քաղաքն է, որ ամբողջովին կապույտի մեջ է: Քաղաքի հին հատվածը, որը հայտնի է նաև Մեդինա անունով, գունազարդված է կապույտի տարբեր երանգներով:

5. Գարահոնայի ազգային պարկ, Կանարյան կղզիներ

Այս պարկը հայտնի է իր հետաքրքիր ծառատեսակներով, յուրահատուկ ֆաունայով և իր մշտական մշուշոտ միջավայրով: Մտնելով այս հրաշալի այգին՝ դուք ձեզ կզգաք ֆիլմի հերոս:

4. Կապադովկիա, Թուրքիա

Հնագույն հայկական աղբյուրներում հիշատակվում է որպես Գամիրք: Այս վայրը գտնվում է ծովի մակարդակից 1000 մետր բարձրության վրա և հայտնի է իր էքսկուրսիաներով և օդապարիկային թռիչքներով:

3. Բայկալ լիճ, Ռուսաստան

Բայկալն աշխարհի ամենամեծ և ամենահին լիճն է: Այն պարունակում է աշխարհի քաղցրահամ ջրերի 20%-ը: Լճում կարելի է հանդիպել աշխարհի ամենահազվագյուտ ձկնատեսակներին:

2. Կանաչ լիճ, Ավստրիա

Լիճն իր կանաչ գույնը ստանում է լճի հատակում գտնվող տերևներից և խոտածածկույտից: Այս լիճը իսկապես հրաշք է, քանի որ այն փոխվում է տարվա եղանակների հետ:

1. Իսպանական սինագոգ, Պրահա

Իսպանական այս տաճարն առանձնանում է իր մավրիտանական հրաշագեղ ճարտարապետությամբ: Այն գտնվում է Պրահայի հրեական հատվածում: Հայտնի և արդեն միօրինակ դարձած վայրեր այցելելու փոխարեն խորհուրդ ենք տալիս այցելել այս ցանկում գտնվող վայրերը, քանի որ դրանց շնորհիվ դուք կճանաչեք աշխարհը մի նոր տեսանկյունից:

Նյութը հրապարակման պատրաստեց Past.am-ը: