10 խորհուրդ` ինչպես ստանալ իդեալական ուղիղ սլաքներ

Հավասար սլաքներ նկարելը  իսկական  արվեստ է: Make Up For Ever-ի հայտնի վիզաժիստ Աննա Մարկուշեվան բացատրում է, թե ինչպես կարելի է դա անել պրոֆեսիոնալ կերպով` մատիտի և մի շարք այլ, առաջին հայացքից դիմահարդարման հետ որևէ կապ չունեցող իրերի օգնությամբ:

Բոլոր աղջիկները բաժանվում են երկու մասի` նրանք, ովքեր չեն կարողանում նկարել սլաքներ, և նրանք, ովքեր կարողանում են դա անել հընթացս` նույնիսկ չնայելով հայելու մեջ: Եթե դուք պատկանում եք առաջին մասին, ապա պետք է զինվեք համբերությամբ և պարբերաբար «մարզվեք», որպեսզի դա ձեզ մոտ ստացվի: Սկզբից պետք է որոշեք, թե ինչով եք նկարելու` մատիտով թե լայներով: Երկրորդը, հիշեք մի քանի կանոններ, որոնք զգալիորեն կթեթևացնեն այդ գործընթացը:

1.  Նկարեք սլաքներ լավ լուսավորված վայրում, որպեսզի երևան բոլոր մանրամասները:

2.  Նկարեք սլաքները` նայելով ուղիղ հայելու մեջ: Այդ դեպքում սլաքները չեն դեֆորմացվի բաց աչքերի դեպքում` կոպերի ծալքերի պատճառով:

3.  Եթե դուք վստահ չեք սլաք ճիշտ ձևի հարցում, ապա սկզբում նկարեք դրանք բաց մատիտով: Անհաջողության դեպքում սլաքը կարելի է հեշտությամբ մաքրել:

4. Որպեսզի պոչիկը լինի հստակ և մաքուր, օգտվեք հատուկ խոզանակից` ուղիղ կամ թեք կտրվածքով: Անհարթությունները կարելի է մաքրել բամբակե փայտիկով` դիմահարդարումը մաքրող միջոցի մեջ թաթախելուց հետո:

5. Սկսեք նկարել սլաքի գծերը կոպի կեսից մինչև այն վայրը, որտեղ ավարտվում են թարթիչները, իսկ հետո աչքի ներսի անկյունից մինչև աչքի կենտրոնը: Հնարքը ավելի շատ հոգեբանական ջանքեր է պահանջում, քանի որ նման տանջալից գործընթացի վրա կենտրոնանալու համար պետք է որոշակի ժամանակ: Աչքի կենտրոնից սլաքը   կարող է լայնանալ և սարսափելի ոչինչ չկա, եթե ձեռքերը սկսեն դողալ: Այդ դեպքւոմ կարելի է ուղղակի մի քիչ հաստացնել  գիծը:

6.  Սլաքներ նկարելիս մի փոքր ձգեք կոպը, որպեսզի հարթեցնեք մաշկի ռելիեֆը: Այդ դեպքւոմ գիծը կստացվի բավականին ուղիղ:

7. Որպեսզի աչքի դիմահարդարումը երկար պահպանվի, աշխատանքից առաջ ճարպազերծեք կոպը:

Կան նաև մի շարք ոչ ստանդարտ մեթոդներ, որոնք օգնեն ձեզ նկարել գեղեցիկ սլաքներ:

-   Որպեսզի սլաքը լինի իդեալական ուղիղ, աչքի անկյունում դրեք, օրինակ, այցեքարտ, թղթի կտոր կամ թեյի գդալի ծայրը: Հետևեք, որպեսզի անկյունը, որով տեղադրում եք այդ առարկաները, լինեն նույնը թե’ աջ, թե’ ձախ աչքերի համար: Եվ այդ դեպում դուք կունենաք բացարձակ սիմետրիկ սլաքներ:

-  Սլաքներ նկարելու գործում հիանալի օգնական կարող է լինել թափանցիկ կպչուն ժապավենը: Կպցրեք դրա  փոքր կտորները, սկսած աչքի դրսի անկյունից, այն անկյան տակ,    որը ձեզ պետք է, միանգամից երկու աչքերի վրա:  Հետևեք, որ դրանք լինեն սիմետրիկ: Ապա սկսեք նկարել սլաքները և վերջում պոկեք դրանք:

Յուրացնելով այս կանոնները, մի մոռացեք այս տարրական կանոնների մասին.

-  Նկարեք սլաքները մաքսիմալ մոտիկ թարթիչների գծին, որպեսզի չլինեն բաց արանքներ:

-  Եթե ուզում եք, որ գծերը լայն ստացվեն, օգտագործեք լայն սայրով մատիտ:

-  Երբեք մի նկարեք  սլաքներ միայն ներքևի կոպի վրա: Դա վիզուալ առումով նեղացնում է աչքերը: