Շուշան Երիցյանը Հայաստանն է ներկայացնելու գեղեցկության միջազգային մրցույթում (լուսանկարներ)
LIFE
Wnews.am-ը գրում է.
Մոդել, հաղորդավարուհի Շուշան Երիցյանը Հայաստանն է ներկայացնելու «Միսս 7 մայրցամաք» միջազգային մրցույթում: Այս մասին Wnews.am-ի հետ զրույցում ասաց Շուշանը՝ հավելելով, որ հրավերը ստացել է Համաշխարհային գեղեցկության և նորաձևության լիգայի նախագահ Աշոտ Խաչատրյանից:
«Ուրախ եմ, որ ևս մեկ անգամ հայկական դրոշը կբարձրանա դրսում»,- ընդգծեց մոդելը: 

Նրա խոսքով՝ գեղեցկության մրցույթներին մասնակցելը շատ ավելի պատասխանատու գործ է, քանի որ այս դեպքում դու ուղղակի դուրս չես գալիս միջազգային բեմ՝ ներկայացնելու դիզայների աշխատանքը, այստեղ երկիր ես նեկայացնում և օրեր շարունակ հետևում են ոչ միայն արտաքին գեղեցկությանդ, այլ նաև ՝ինտելեկտիդ:
«Այդ դեպքում թագով վերադառնալը պատիվ է»,-ասաց Շուշան Երիցյանը:
Հարցին, թե ինչ է մոդելին տալիս գեղեցկության մրցույթում մասնակցելը Շուշանը պատասխանեց, որ գեղեցկության մրցույթները լավ հնարավորություն են դրսի շուկայի հետ համագործակցելու համար.«Ինչու ոչ, քո երկրում նույնպես սկսում են ավելի բարձր գնահատել»,-նշեց նա:

Շուշանի խոսքով՝ մոդելների շրջանում մրցակցությունը շատ մեծ է, քանի որ մրցույթ է և բոլորն էլ ցանկանում են հաղթանակով վերադառնալ. «Ետնաբեմում արտառոց դեպքեր էլ են լինում»,- անկեղծացավ նա:
Շուշան Երիցյանը հիշեց իր առաջին գեղեցկության մրցույթը. «Այն ժամանակ սկսնակ էի օտար երկրում տարիների փորձ ունեցող աղջիկների մեջ, իսկ հիմա շատ հանգիստ եմ. գիտեմ ինչին պետք է ուշադրություն դարձնել, ինչն է գնահատվում և ամենակարևորը, ինչպես հաղթանակի հասնել»:

Նշենք, որ մրցույթը բաղկացած է լինելու երեք փուլից՝ լողազգեստի, տաղանդի եւ երեկոյան զգեստի ցուցադրում:
Wnews.am -ը հաղթանակ է մաղթում մեր մոդելին:





















































1
Over AMD 12 Billion Provided by AraratBank in 2024 to Support the MSME Sector
2
IDBank Representative Joins the Editorial Board of Trade Finance Global
3
How to Protect Your Bank Card Data
4
DIALOG Organization - Partner of the “Born in Artsakh” Program
5
Ucom Launches 5G Network in Abovyan and Ejmiatsin