Մարտակերտում ավտոբուսի ռմբակոծման հետեւանքով զոհերի թիվը հասել է 7-ի. / ԼՂՀ ՊԲ-ն հերքում է Մատաղիսի գրավման մասին լուրը (լրացվող)

SOCIETY 5 April, 2016 0:17

Ապրիլի 2-ի գիշերը իրավիճակը Լեռնային Ղարաբաղի հակամարտության գոտում կտրուկ լարվել է։ Խրոնիկ բնույթ կրող կրակոցներից եւ մասնակի դիվերսիոն հետախուզական փորձերից Ադրբեջանն անցում է կատարել մասշտաբային հարձակման շփման գծի ողջ երկայնքով՝ օգտագործելով հրետանի, ծանր տեխնիկա եւ ավիացիա։ Սա ամենախոշոր գործողություններն են 1994 թվականին հաստատված հրադադարի ռեժիմից հետո, որոնք ձեռնարկել է Ադրբեջանի զինուժը: Երկու կողմերից էլ կան զոհեր։

ԼԶՀ ՊԲ-ն հայտարարեց մեր մարտական կորուստների մասին։ Ըստ ՊԲ-ի` վերջին օրերի բախումներում մեր մարտական կորուստները ապրիլի 4-ի ժամը 11-ի դրությամբ կազմում են 7 խոցված տանկ, 20 զոհված, 26 անհետ կորած և 72 վիրավոր զինվոր ու սպա։

Ասուլիսի ժամանակ այս ամենի մասին հայտնել է Պաշտպանության բանակի գնդապետ Վիկտոր Առուստամյանը

00.05 Ադրբեջանի պաշտպանության նախարարությունը առաջնագծում կրած մեծաքանակ կորուստները պարտակելու, սեփական բարոյալքված բանակի մարտական ոգին ինչ-որ կերպ բարձրացնելու համար դիմել է հերթական էժանագին քարոզչական հնարքի՝ հայտարարելով, թե իբր ադրբեջանական ուժերը տիրել են Մատաղիս բնակավայրին:

Այս մասին ասվում է ԼՂՀ ՊԲ հայտարարության մեջ։

«ԼՂՀ պաշտպանության նախարարության մամուլի ծառայությունը հայտարարում է, որ վերոնշվածն տեղեկատվությունն իրականության հետ որևէ կապ չունի: Ուղղակի հերթական անգամ հակառակորդ կողմը ցանկալին ներկայացրել է իրականության փոխարեն»,-հայտնում են ՊԲ լրատվական ծառայությունից:

23:57 NEWS.am / Արցախի Մարտակերտի շրջանում հակառակորդի կողմից այսօր՝ ապրիլի 4-ին, մարդատար ավտոբուսի ռմբածոկման հետեւանքով զոհերի թիվը հասել է 7-ի: Այդ մասին NEWS.am-ի թղթակցի հետ զրույցում ասել է ՀՀ ՊՆ մամուլի խոսնակ Արծրուն Հովհաննիսյանը:

Դեպքի մանրամասները ճշտվում են:

22:30 Հաշվի առնելով ղարաբաղա-ադրբեջանական հակամարտ զորքերի շփման գծի ողջ երկայնքով արդեն երեք օր շարունակվող թեժ մարտերի հանդեպ տեղական և միջազգային հանրության հետաքրքրությունը՝ ԼՂՀ պաշտպանության նախարարության նախաձեռնությամբ ստեղծվել է օպերատիվ իրազեկման կենտրոն, որը պարբերաբար ներկայացնելու է առաջնագծում տեղ գտնող զարգացումների մասին կանոնավոր և օբյեկտիվ տեղեկատվություն: Այսօր նորաստեղծ կենտրոնում տեղի է ունեցել անդրանիկ հանդիպումը տեղական և միջազգային լրատվամիջոցների ներկայացուցիչների հետ, որը վարել է ԼՂՀ ՊԲ օպերատիվ վարչության պետ, գնդապետ Վիկտոր Առստամյանը: Հանդիպման մեկնարկին ողջունելով և շնորհակալություն հայտնելով ներկաներին ստեղծված բարդ իրադրության պայմաններում Արցախում գտնվելու և դրանք լուսաբանելու համար, բանակի օպերատիվ բաժնի պետը ներկայացրել է շփման գոտում տեղ գտած գործողությունների ժամանակագրությունը, հակառակորդի կողմից կիրառվող հրթիռահրետանային, զրահատանկային և օդուժի միջոցները՝ հատուկ ուշադրություն դարձնելով առաջին անգամ հակառակորդի կողմից ապրիլի 4-ին ТОС ծանր հրանետային համակարգերի և հարվածային թռչող սարքերի գործածությանը: Վ. Առստամյանը տեղեկություններ է ներկայացրել նաև Ադրբեջանի կենդանի ուժի և զինտեխնիկայի մեծաքանակ կորուստների վերաբերյալ՝ նշելով, որ այս պահին հակառակորդի մարդկային ուժի կորուստներն անցնում են 300-ից՝ վստահեցնելով, որ ՊԲ-ն հաջողությամբ իրականացնում է իր առջև դրված մարտական խնդիրը: Վերջում նա պատասխանել է ներկաների հարցերին:
Նշենք նաև, որ ամեն օր օպերատիվ իրազեկման կենտրոնը ժամը 19:00-ին հանդես է գալու առաջնագծում տիրող իրադրության վերաբերյալ թարմ տեղեկատվությամբ, լինելու է նաև մամուլի ասուլիս: Արծրուն Հովհաննիսյան / Ֆեյսբուք

21:50 Ղարաբաղա-ադրբեջանական հակամարտ զորքերի շփման գծում շարունակվում են մարտական գործողությունները: Օրվա ընթացքում հակառակորդը, բացի նախօրեին գործածության մեջ դրած զինատեսակներից, սկսել է կիրառել նաև սեփական զինանոցում կուտակված "ТОС 1" տիպի ծանր հրանետային համակարգեր, հարվածային անօդաչու թռչող սարքեր ու այլ ժամանակակից զինտեխնիկա: Սակայն այս ամենի արդյունքում անգամ ադրբեջանական զինուժին չհաջողվեց ռազմաճակատում փոխել դեպքերի զարգացման ընթացքն օգուտ իրեն: Հակառակը, ՊԲ բոլոր ուղղությունների ստորաբաժանումները ոչ միայն հաջողությամբ իրենց դրսևորեցին դիրքային մարտերում, այլև գրագետ ու նպատակասլաց գործողությունների շնորհիվ օրվա ընթացքում ոչնչացրին թշնամական 5 տանկ, 3 հարվածային անօդաչու թռչող սարքեր, տարբեր տեսակի տեխնիկա և տասնյակների հասնող կենդանի ուժ:
Գուցե հենց մեր այս հաջողությամբ է պայմանավորված Ադրբեջանի ռազմական ղեկավարության կողմից արված անհավասարակշիռ հայտարարությունը, ըստ որի նրանք հանդես են գալիս Արցախի Հանրապետության խաղաղ բնակավայրերի և մասնավորապես մայրաքաղաք Ստեփանակերտի ռմբահարման սպառնալիքներով:
ԼՂՀ պաշտպանության նախարարությունը զգուշացնում է անձամբ Հասանովին և նրա "գերագույնին", որ նման զարգացումների դեպքում արձագանքը լինելու է անհամաչափ և ավելի ցավոտ: Արծրուն Հովհաննիսյան / Ֆեյսբուք

21.35
Օրվա ընթացքում ոչնչացվել է թշնամական 5 տանկ, 3 հարվածային անօդաչու թռչող սարք, տարբեր տեսակի տեխնիկա և տասնյակների հասնող կենդանի ուժ. ԼՂՀ ՊԲ

Ղարաբաղա-ադրբեջանական հակամարտ զորքերի շփման գծում շարունակվում են մարտական գործողությունները: Օրվա ընթացքում հակառակորդը, բացի նախօրեին գործածության մեջ դրած զինատեսակներից, սկսել է կիրառել նաև սեփական զինանոցում կուտակված «ТОС 1» տիպի ծանր հրանետային համակարգեր, հարվածային անօդաչու թռչող սարքեր ու այլ ժամանակակից զինտեխնիկա:

Այս մասին հայտնում է ԼՂՀ ՊԲ լրատվական ծառայությունը։

21:29 Արցախի Մարտակերտի շրջանում հակառակորդը այսօր՝ ապրիլի 4-ին ռմբակոծել է մարդատար ավտոբուսը: Այդ մասին NEWS.am-ի թղթակցի հետ զրույցում ասել է ՀՀ ՊՆ մամուլի խոսնակ Արծրուն Հովհաննիսյանը:

Նրա խոսքով, զոհվել է հինգ մարդ, որոնցից 1-ը գյուղապետ է: Դեպքի մանրամասները ճշտվում են:

18:35 Հիմքեր ունենք պնդելու, որ Ադրբեջանն առաջնագիծ է բերել ահաբեկիչների՝ «Գորշ գայլեր»-ից ու ՒՊ-ից. Դ. Բաբայան:

18:20 Մեկ մասնագիտական դիտարկում նրանց համար, ովքեր զբաղված են մարտական գործողությունների ընթացքի ու կողմերի հնարավորությունների ռազմագիտական վերլուծությամբ: Փաստ է, որ Ադրբեջանի բլից-կրիգը տապալվեց: Այդ փաստից կորցնելով հավասարակշռությունը` ներկա պահին 200-250 մետր տարածքի համար ընթացող դիրքային մարտերում հակառակորդի զինվորական ղեկավարությունը, ըստ իս, կայացրեց սխալ որոշում: Նա մարտի մեջ մտցրեց ու անխնա կիրառեց զինատեսակներ (մարտական ԱԹՍ-ներ, ՏՕՍ-1 և այլ սահմանափակ միջոցներ), որոնք իրենց նշանակությամբ նախատեսված են բոլորովին այլ և շատ ավելի խոշոր խնդիրներ լուծելու համար, մասնավորապես օպերատիվ մակարդակի ճեղքումների, ռազմավարական օբյեկտների ոչնչացման և այլն: Անգամ նշված փոքր հատվածներում տեղային հոջողություններ գրանցելու պարագայում նշված զինատեսակների կիրառությունը արդարացված չէ երկու պատճառով. 1. Դրանցով լուրջ ռազմական խնդիրներ չլուծվեցին, 2. Ի վերջո , մարտի ելքը որոշելու է զինվորը` իր մարտական ու բարոյակամային որակներով, ժողովրդի հետ իր միասնությամբ: Արծրուն Հովհաննիսյան / Ֆեյսբուք

Հանրապետության նախագահ Սերժ Սարգսյանն այսօր՝ ապրիլի 4-ին, ՀՀ ՊՆ կենտրոնական կլինիկական զինվորական հոսպիտալում այցելել է Լեռնային Ղարաբաղի հետ շփման գծում մարտական գործողությունների հետեւանքով վիրավորված զինծառայողներին:

Սերժ Սարգսյանը բժիշկներից հետաքրքրվել է վիրավորների առողջական վիճակով, իր զորակցությունը հայտնել զինծառայողներին, մաղթել նրանց շուտափույթ ապաքինում:

17:24 Կարմիր խաչի միջազգային կոմիտեն պատրաստ է Ղարաբաղյան հակամարտության կողմերին տրամադրել միայն մարդասիրական օգնություն:

17։18 Նախագահն այցելել է մարտական գործողությունների հետրանքով վիրավորված զինծառայողներին.

Նախագահ Սերժ Սարգսյանն այսօր ՀՀ ՊՆ կենտրոնական կլինիկական զինվորական հոսպիտալում այցելել է Լեռնային Ղարաբաղի հետ շփման գծում մարտական գործողությունների հետևանքով վիրավորված զինծառայողներին, այս մասին տեղեկացնում է ՀՀ Նախագահի աշխատակազմի հասարակայնության և տեղեկատվության միջոցների հետ կապերի վարչությունը։

Հանրապետության Նախագահը բժիշկներից հետաքրքրվել է վիրավորների առողջական վիճակով, իր զորակցությունը հայտնել զինծառայողներին, մաղթել նրանց շուտափույթ ապաքինում:

16:45 Գերմանիայի ԱԳՆ ղեկավարը մտադիր է Լավրովի հետ քննարկել Լեռնային Ղարաբաղում իրավիճակը:

15:57 Վերջին նռնակով իր հետ միասին պայթեցրել է մոտեցող թշնամուն. ՀՀ ՊՆ խոսնակը զոհված կապիտանի սխրանքի մասին.

4-րդ հրաձգային վաշտի հրամանատար, կապիտան Արմենակ Մերսի Ուրֆանյանն իր անձնակազմի հետ միասին երկար մարտի է բռնվել հակառակորդի հետ. Facebook-ի իր էջում զոհված հայ կապիտանի մասին գրառում է կատարել ՀՀ ՊՆ մամուլի խոսնակ Արծրուն Հովհաննիսյանը։

«Հակառակորդի գերազանցող ուժերի ճնշման տակ անձնակազմի հետ ուղարկելով միայնակ շարունակել է մարտը՝ խոցելով մեկ տանկ և մոտ մեկ տասնյակ թշնամու զինվոր: Վերջում մի քանի նռնակներ նետելով չի թողել իրեն շրջապատեն ու վերջին նռնակով իր հետ միասին պայթեցրել է մոտեցողներին: Փառք մեր հերոսներին»,- գրում է Արծրուն Հովհաննիսյանը։

Արմենակ Մերսի Ուրֆանյանը ծնվել է 1990 թվականին։ ԶՈՒ-ում ծառայում է 2007 թվականից։
Նրա հոգեհանգիստը տեղի կունենա 05.04.2016թ. ժամը 17:00, հուղարկավորությունը՝ 06.04.2016թ. ժամը 14:00-ին՝ Երևան, Պռոշյան փողոց՝ Սուրբ Հովհաննես եկեղեցուց։

15:05 Եթե, իրոք, ռազմական գործողությունները շարունակվեն, Հայաստանը ճանաչելու է ԼՂ անկախությունը. Սերժ Սարգսյան

15:00 Ռազմաճակատում կողմերի կորուստները ժամը 15։00-ի դրությամբ

Ռազմաճակատում կողմերի կորուստները ժամը 11։00-ի դրությամբ.
Հակառակորդը կորցրել է 20 տանկ, 6 զրահամեքենա, որոնցից մեկը՝ ՀՄՄ, 2 ՄՄ-21 Գրադ, 2 միավոր փողային հրետանի, 2 ուղղաթիռ, 3 ԱԹՍ և մինչև 300 զինվոր ու սպա։

Հայկական կողմի կորուստների մասին պաշտոնական տվյալները կազում են 18 զոհ, 1 տանկ և 3 բեռնատար մեքենա։

15:00 Հաստատված տեղեկությունների համաձայն ադրբեջանական ստորաբաժանումների մարտունակությունը այնքան է ընկել, որ անգամ չեն կարողանում օգնել բազմամյա ահաբեկչական փորձ ունեցող վարձկանները: Ներկայումս այդ հատվածում Ադրբեջանը 1994թ. նման կիրառում է պատժիչ ջոկատներ, որոնք գնդակահարում են նահանջողներին: Արծրուն Հովհաննիսյան

14:00 Ադրբեջանի կողմից ծանր հրանետային համակարգերի կիրառումից ղարաբաղյան կողմը կորուստ չունի. ԼՂՀ ՊԲ

13:30 Շարունակվում են հազարավոր կամավորների դիմումները մեզ, անգամ հեռավոր երկրներից: Հարգելիներիս ԼՂՀ ՊԲ-ը խնդրում է դիմել խմբերով, անհատական դիմումներին հնարավոր չէ արձագանքնել նույնիսկ: Ներկայումս դիմումները այնքան մեծ են, որ նրանք ընդունում են միայն ամենափորձառուներին: Արծրուն Հովհաննիսյան

13:15 Ադրբեջանական ստորաբաժանումները չկարողանալով կոտրել հայ դիրքապահների դիմադրությունը փորձել են կիրառել ծանր տեխնիկա, այդ թվում նաեւ ТОС-1 հրանետներ եւ մարտական անօդաչու թռչող սարքեր: Այս մասին Facebook-ի իր էջում գրել է Հայաստանի պաշտպանության նախարարի մամուլի խոսնակ Արծրուն Հովհաննիսյանը:

13:12 Արծրուն Հովհաննիսյանը տեղեկացնում է, որ ադրբեջանական ստորաբաժանումները չկարողանալով կոտրել հայ դիրքապահների դիմադրությունը փորձել են կիրառել ծանր տեխնիկա, այդ թվում նաև ТОС-1 հրանետներ և մարտական ԱԹՍ-ներ: Սակայն հայ հրետանավորնեը շարքից հանել են այդ համակարգերը, իսկ ՀՕՊ ստորաբաժանումները խոցել են մեկ հարվածային ԱԹՍ:

12:51 Վրաստանը, եթե դա հնարավոր է, պետք է միջնորդի դեր խաղա Ղարաբաղյան հակամարտության հարցում. երկրի ԶՈՒ ԳՇ պետ

12:59 Սեփական հանրության շեղելու համար Ադրբեջանն ընտրել է ռազմական և զոհերի ճանապարհը. ՀՀԿ խմբակցության ղեկավար

12:49 Արյան ծառայության ստորաբաժանումները համալրված են բավարար արյան բաղադրամասերով. կենտրոնի տնօրեն

12:41 Ղարաբաղյան հակամարտության կարգավորմանը հնարավոր է հասնել երկխոսության և փոխզիջման միջոցով. ՌԴ Պետդումայի խոսնակ

12.37 Առաջիկա օրերին ռազմական գործողությունները կավարտվեն, այս բռնկումը չի պայթի. ռուս քաղաքագետ

Ղարաբաղաադրբեջանական շփման գծում ընթացող մարտերը լայնածավալ պատերազմի չեն վերածվի։ Tert.am-ի հետ զրույցում ասաց Ռուսաստանի «Ռազմավարական կոնյունկտուրա» կենտրոնի անդամ, «Սահմանային համագործակցության ասոցիացիայի» ռազմավարական ծրագրման ծառայության տնօրեն Ալեքսանդր Սոբյանինը։

12.21 Ադրբեջանը փորձում է ներքին խնդիրներից շեղել միջազգային հանրության ուշադրությունը. ՀՀ ԱԺ-ի հայտարարությունը

Հայաստանի Հանրապետության Ազգային ժողովի քաղաքական խմբակցությունների և խմբակցություններում չընդգրկված պատգամավորները հանդես են եկել հայտարարությամբ կապված Արցախում ադրբեջանական զինուժի սանձազերծած մարտական գործողությունների հետ։

Հայտարարությունում ասվում է.

«Հայաստանի Հանրապետության Ազգային ժողովը խստորեն դատապարտում է Ադրբեջանի կողմից իրավիճակի աննախադեպ սրումը Լեռնային Ղարաբաղի հետ շփման գծի ողջ երկայնքով: 2016թ. ապրիլի 1-2-ի գիշերը ադրբեջանական բանակը սկսեց լայնածավալ ռազմական գործողություններ: 1994թ.-ին Լեռնային Ղարաբաղի, Ադրբեջանի և Հայաստանի միջև ստորագրված եռակողմ զինադադարից հետո առաջին անգամ մեծ քանակությամբ ծանր սպառազինությունների կիրառումը, Լեռնային Ղարաբաղի խաղաղ բնակավայրերի ռմբակոծումը, Լեռնային Ղարաբաղի խորքում ընկած ենթակառուցվածքների թիրախավորումը ակնհայտորեն ցույց է տալիս, որ Բաքուն կանգնել է հիմնահարցը ռազմական ճանապարհով լուծելու իր պատրանքը կյանքի կոչելու անհեռատես և վտանգավոր ուղու վրա: Ադրբեջանի այս արկածախնդիր քաղաքականության պատճառով կան բազմաթիվ զոհեր, այդ թվում նաև քաղաքացիական բնակչության շրջանում: Վտանգված է Լեռնային Ղարաբաղի ժողովրդի անվտանգ ապրելու իրավունքը: Ադրբեջանի ահաբեկչական քաղաքականությունը լուրջ սպառնալիք է ողջ տարածաշրջանային անվտանգության համար:

Ադրբեջանի բռնապետական ռեժիմը, տառապելով իր իշխանությունը ամեն գնով պահպանելու մտասևեռմամբ, փորձում է ներքին խնդիրներից շեղել իր և միջազգային հանրության ուշադրությունը և չի խորշում դրա համար զոհել մարդկային կյանքեր:

Մենք մեր խորին ցավակցությունն ենք հայտնում պաշտպանական մարտերում զոհված զինծառայողների և խաղաղ բնակիչների ընտանիքների անդամներին, հարազատներին ու ծառայակիցներին և կիսում ենք կորստյան ծանր վիշտը, առողջություն և շուտափույթ ապաքինում մաղթում վիրավորներին:

Բարձր ենք գնահատում Լեռնային Ղարաբաղի պաշտպանության բանակի՝ իրավիճակի կայունացմանն ուղղված գործողությունները, հայ զինվորների մարտական պատրաստականությունը, հայրենիքը պաշտպանելիս դրսևորած անձնազոհությունն ու արիությունը, ինչպես նաեւ մեր հասարակության միախմբումն ու միասնականությունը:

Դատապարտում ենք Ադրբեջանի կողմից 1994 թվականի զինադադարի պայմանագրի խախտումը, Արցախի ժողովրդի խաղաղ ապրելու իրավունքի ոտնահարումը, քաղաքացիական բնակչության և բնակավայրերի թիրախավորումը, ԵԱՀԿ Մինսկի խմբի համանախագահների միջազգայնորեն ընդունված ձևաչափով հիմնախնդրի լուծմանն ուղղված ջանքերի նպատակային ձախողումն ու մերժումը և Լեռնային Ղարաբաղի հակամարտության կարգավորումը ռազմական ճանապարհով լուծելու քաղաքականությունը:

Կոչ ենք անում ԵԱՀԿ Մինսկի խմբի համանախագահներին և միջազգային կազմակերպություններին հասցեական և համարժեք արձագանքել ստեղծված իրավիճակի համար պատասխանատու ադրբեջանական կողմին՝ կիրառելով ագրեսորի նկատմամբ զսպման բոլոր մեխանիզմները՝ լարվածության հետագա սրացումից և տարածաշրջանը ապակայունացնող քայլերից խուսափելու համար:

Մենք ակնկալում ենք, որ մեր գործընկերներն իրենց բողոքի ձայնը կբարձրացնեն` դատապարտելով Բաքվի ահաբեկչական քաղաքականությունը և կմիանան Ադրբեջանին սանձելու միջազգային հանրության ջանքերին»:

12:11 ՀՀ ՊՆ մամուլի խոսնակ Արծրուն Հովհաննիսյանը հրապարակել է զոհված զինծառայողներից երեքի նկարները և տեղեկացրել, թե որտեղ է տեղի ունենալու վերջիններիս հոգեհանգիստն ու հուղարկավորությունը:

Նրանցից են Զորամասի ՆԱՎ առբերման դասակի վարորդ, պայմանագրային զինծառայող
շարքային Նոդարիկ Արտաշի Մարգարյանը: Նա ծնվել է 1963թ., Մատաղիսի ԶԿ: Նրա հոգեհանգիստը տեղի կունենա 04.04.2016թ., ժամը 17:00-ին: Հուղարկավորությունը` 05.04.2016թ. ժամը 13:00-ին: Հասցեն` Լոռու մարզ, գյուղ Գուգարք (Մեղրուտ)։

Զոհվել է զորամասի ԻՍՎ հրամանատար,կապիտան Հովսեփ Գեղամի Կիրակոսյանը՝ ծնված 1988թ.-ին: ԶՈՒ-ում ծառայում է 2006թ.-ից, Էջմիածնի ԶԿ: Հոգեհանգիստը տեղի կունենա 04.04.2016թ.՝ ժամը 18:00-ին, հուղարկավորությունը` 05.04.2016թ.՝ ժամը 14:00-ին: Հասցեն` Արմավիրի մարզ, գյուղ Ապագա, գյուղի մշակույթի տուն:

Զոհված հետախույզ - գնդացրորդ, պայմանագրային զինծառայող, շարքային Սասուն Ֆահրադի Մկրտչյանը ծնվել է 1989թ., ԶՈՒ-ում ծառայում է 2011թ.-ից, Արաբկիրի ԶԿ: Հոգեհանգիստը տեղի կունենա 04.04.2016թ.՝ ժամը 17:30-ին, հուղարկավորությունը` 05.04.2016թ. ժամը 14:00-ին: Հասցե` Կոնդի Սբ Հովհաննես եկեղեցի:

11:08 Ադրբեջանի ՊՆ-ն հայտնել է վերջին օրվա ընթացքում ունեցած կորուստների մասին

11.20 Հայ հրետանավորների դիպուկ ու հեռահար կրակի տակ ընկնելով ադրբեջանական ամբողջական ստորաբաժանումներ, որոնք ռեզերվից փորձել են տեղափոխվել առաջնագիծ, ոչնչացվել են:

10.53 Շփման գծի ողջ երկայնքով ընթանում են թեժ մարտեր, հակառակորդը կորցրել է 5 տանկ. Ղարաբաղա-ադրբեջանական հակամարտ զորքերի շփման գծի ողջ երկայնքով ընթանում են թեժ մարտեր: Ղարաբաղյան ուժերը հակառակորդին պատճառելով զգալի կենդանի ուժի և զինտեխնիկայի կորուստներ՝ մարտագծի հյուսիսարևելյան և հարավարևելյան ուղղություններով նախաձեռնությունը վերցրել են իրենց ձեռքը:

Ինչպես տեղեկացնում է ԼՂՀ ՊՆ մամուլի ծառայությունը, ռազմական գործողությունների ընթացքում հակառակորդը հյուսիսարևելյան ուղղությամբ կորցրել է 3 տանկ, իսկ հարավարևելյան ուղղությամբ՝ 2 տանկ:

10:23 Ալիևը կուլ տվեց Էրդողանի խայծը. Սերժ Թանկյանը գրառում է արել շփման գծում լարվածության վերաբերյալ

09:54 Ամերիկացի կոնգրեսականը կոչ է արել դադարեցնել Ադրբեջանին տրամադրվող օգնությունը՝ շարունակվող ագրեսիայի պատճառով

09.35 Հայկական զինուժը հակառակորդի 3 նոր տանկ է խոցել. Արծրուն Հովհաննիսյան

09:21 Կանադան կոչ է անում վերականգնել հրադադարը Լեռնային Ղարաբաղում.

09:05 RT-ի թղթակիցն այցելել է Ադրբեջանի հրթիռահրետակոծության հետևանքով վիրավորված ղարաբաղցի 2 երեխաներին:

Ռուսական RT միջազգային լրատվական հեռուստաընկերությունն անդրադարձել է Լեռնային Ղարաբաղի Հանրապետության բնակիչ 2 երեխաներին, ովքեր վիրավորվել էին իրենց դպրոցի հարևանությամբ՝ Ադրբեջանի հրթիռահրետակոծության հետևանքով։

08.43 Սահմանային լարվածությունը շարունակվում է. հակառակորդը կիրառում է 152 միլիմետրանոց հրանոթներ, «Գրադ» կայանքներ և տանկեր. ԼՂՀ ՊՆ

Ապրիլի 3-ի լույս 4-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով հակառակորդը ականանետերից ու հրանոթներից շարունակել է արկակոծել ՊԲ առաջնային դիրքերն ու մերձակա հայկական բնակավայրերը, տեղեկացնում է ԼՂՀ ՊԲ կայքը:

Առավոտյան ժամը 07:00-ի սահմաններում առավել ինտենսիվ հրետակոծություններ են սկսվել շփման գոտու հարավարևելյան և հյուսիսարևելյան ուղղություններով: Ադրբեջանական բանակը կիրառում է 152 միլիմետրանոց հրանոթներ, "Գրադ" կայանքներ և տանկեր: Հակառակորդի ագրեսիվ գործողությունները ճնշելու ուղղությամբ ՊԲ առաջապահ ուժերը ձեռնարկում են բոլոր անհրաժեշտ միջոցները և վստահաբար իրականացնում իրենց առջև դրված մարտական խնդիրները:

00.20 Վերջապես սպասված լուրեր։ Հայկական ստորաբաժանումները ռազմաճակատի որոշ հատվածներում լուրջ առաջխաղացում ունեն ազատագրելով նորանոր դիրքեր ու բնագծեր։ Փառք հայոց զինվորին։ Արծրուն Հովհաննիսյանը / Facebook