Սասուն Միքայելյանը Հրազդանում կամավորական ջոկատ է հավաքագրում
SOCIETY«Քաղաքացիական պայմանագիր» կուսակցության վարչության անդամ Սասուն Միքայելյանը Հրազդան քաղաքում կամավորների հավաք է կազմակերպել Արցախի առաջնագիծ մեկնելու նպատակով:
Հիշեցնենք, որ Միքայելյանը, ով արցախյան ազատամարտի տարիներին գլխավորել է Հրազդանի «Սասուն» կամավորական ջոկատը, նաեւ Հրազդանի ապրիլի 17-ի ընտրություններում կուսակցության կողմից առաջադրվել է որպես քաղաքապետի թեկնածու: «Քաղաքացիական պայմանագիր» կուսակցության մամլո ծառայությունից հայտնում են, որ երեկ էլ կուսակցության վարչության անդամներ Հակոբ Արշակյանը, Արայիկ Հարությունյանը (վարչության նախագահ), Հակոբ Սիմիդյանը եւ Նիկոլ Փաշինյանը Ստեփանակերտում հանդիպել են Արցախի նախագահ Բակո Սահակյանի հետ։ Նախագահ Սահակյանը ներկայացրել է Ղարաբաղ-Ադրբեջան շփման գծում տիրող իրավիճակը։ ՔՊԿ պատվիրակության անդամներն իրենց անվերապահ աջակցությունն են հայտնել Արցախի իշխանություններին ստեղծված իրավիճակում, ներկայացրել են կուսակցության անելիքները բանակին աջակցելու հարցում։
Գագիկ Աղբալյան



