Պալմիրայի վերականգնման գործում օգնություն են առաջարկել շուրջ 60 կազմակերպություններ
SOCIETYԱշխարհի շուրջ 60 կազմակերպություններ իրենց օգնությունն են առաջարկել սիրիական Պալմիրայի պատմական հուշարձանների վերականգնման գործում: Այդ մասին, ինչպես տեղեկացնում Է «Արմենպրես»-ը, ապրիլի 1-ին լրագրողներին հայտնել Է Սիրիայի Հոմսի նահանգի նահանգապետ Թալալ ալ Բարազին:
Պալմիրան, որի հնագույն ավերակները Սիրիայում ՅՈՒՆԵՍԿՕ-ի Համաշխարհային ժառանգության վեց օբյեկտներից մեկն են, «Իսլամական պետություն» ահաբեկչական խմբավորման հսկողության տակ Էր գտնվում 2015 թվականի մայիսից կեսերից: Սիրիական բանակը եւ «Անապատի բազեներ» աշխարհազորի մարտիկները մարտի 27-ին քաղաքն ամբողջությամբ ազատագրել են ԻՊ-ի զինյալներից:
«Պատմական հուշարձանների պահպանության վարչությունը գնահատել Է վնասը եւ համագործակցում Է միջազգային բազմաթիվ կազմակերպությունների հետ: Ներկա պահին մենք պատմական հուշարձանների վերականգնմանն օգնելու առաջարկներ ենք ստացել աշխարհի շուրջ 60 կազմակերպություններից, քանի որ այդ հուշարձաններն անգնահատելի են մեր քաղաքակրթության համար»,-ասել Է Թալալ ալ Բարազին, հաղորդել Է «Ինտերֆաքս»-ը:



