13 սովորություն, որոնք դատապարտում են աղքատության․ չե՞ք ուզում ստուգել ձեզ

LIFE 22 March, 2016 19:14

Blognews.am-ը գրում է

Անձնական աճի լեգենդար թրեյներ Եվգենի Դայնեկոն պատմում է այն մասին, թե ինչպես են տաղանդավոր մարդիկ կրկնում աղքատ մարդկանց սովորություները, ու նույնպես են դառնում այդպիսին։ Ստուգե՛ք ձեզ։

Հոգեբանական պրակտիկայի 12 տարիները, ինձ հնարավորություն տվեին առանձնացնել մի շարք սովորություններ, որոնք բնորոշ են աղքատ մարդկանց։ Հետաքրքիր է հետևել, թե ինչպես են աղքատ մարդիկ կրկնում այս սովորույթները նորից ու նորից։ Բայց ամենացավալին այն է, երբ տաղանդավոր մարդիկ են կրկնում աղքատների սովորությունները և իրենք դառնում այդպիսին։ Իմ դիտարկումներով ուզում եմ կիսվել ձեզ հետ։ Ստուգե՛ք ձեզ։

Սովորություն համար 1։ Աղքատները միշտ մեղավորներ են փնտրում

Աղքատ մարդը երբեք չի վերցնում իր վրա պատասխանատվությունը։ Նա ավելի շուտ իր ձախողումների համար կմեղադրի գործընկերներին, ղեկավարին կամ համակարգը, քան կընդունի սեփական պարտությունը։ Աղքատը այսպես է մտածում․ « Եթե չլինեյին ՆՐԱՆՔ, ապա ես վաղուց հաջողակ կլինեյի», « Բոլորն ինձ խանգարում են, ես չեմ կարողանում որևէ բան անել»։

Սովորություն համար 2․ ժամանակ ձգել

Մանկուց մեր վզին են փաթաթում հին ժողովրդական «իմաստնություն»․ «Յոթ չափիր, մեկ կտրիր»։ Ժամանակն անցնում է, իսկ դուք դեռ մտածում եք, չափում եք, և, ի վերջո, հայտնվում է ձեզանից համարձակ ինչ-որ մեկը, ով կտրում է «ձեր» կտորը և տանում։ Հաղթում է նա, ով չի վախենում անել առաջին քայլը և ռիսկի դիմել, նա, ով օգտագործում է իր գաղափարներրը, այլ ոչ թե թաղում դրանք հիշողության անկյուններում։

Սովորություն համար 3․

Աղքատները ռիկսի չեն դիմում։ Նրանք նախընտրում են կայունությունը, թեկուզ և ոչ մեծ եկամուտով։ Որպես հետևանք նրանք այդպես էլ ապրում են՝ աշխատավարձից աշխատավարձ, փոխարենը երևակայական կայունոււթյան շղարշի տակ։

Սովորթյուն համար 4։ չվճարել ուսման համար

Աղքատների տիպիկ ներկայացուցիչը բաժանորդագրված է անվճար սեմինարների մի հսկայական շարքի, որոնց մեծ մասից ոչ մի օգուտ չի քաղում։ Արդյունքում մարդը ապրում է պատրանքով, թե ուսում է ստանում, իսկ ըստ էության ոչ մի զարգացում չկա։ Անվճար պանիրը բոլորս էլ գիտենք, թե որտեղ է լինում․․․ Որպեսզի դառնալ հաջողակ ձեռնարկատեր, պետք է կենդանի շփում ուսուցչի հետ,պետք էն հստակ գործողություններ, որոնք կտանեն դեպի դրված նպատակ։ Թրեյնինգի գինը ոչ միայն ապագա հաջողությունների ցուցանիշն է, այլ ձեր մոտիվացիայի գինը։

Սովորություն համար 5։ Չվճարել մյուսներին իրենց աշխատանքի համար

Աղքատի մտածելակերպով անձը սիրում է ապրել ուրիշների հաշվին։ Երաժշտույթունը, գրքերը, ֆիլմերը նա քաշում է տորենտի միջոցով։ Նրա փիլիսոփայությունը այսպիսին է․ որոնել հնարավորություններ՝ ստանալու վճարովի ապրանքները կամ ծառայությունները անվճար։ Իսկ նրա կյանքը հեշտացնող ծառայությունները (տորենտները, ցանցահեն կայքերը) ստեղծված են իր նման աղքատների կողմից, աղքատների համար։ Ներբեռնել վճարովի ապրանքը անվճար = գողանալ։ Ուրիշի մտավոր սեփականության գողությունը և խարդախությունը դատապարտում են մարդուն հավերժ ապրել աղքատության մեջ։

Սովորություն համար 6․ խղջալ ինքդ քեզ

Շատ մարդիկ իրենց խնդիրների արմատը տեսնում են իրենց շրջապատող միջավայրում՝ լինի դա անբարենպաստ աշխարհագրական դիրք, կազմվածքի թերություններ, ծնվել է աղքատ ընտանիքում, բավարար կրթություն չունի, ապրում է ոչ այն երկրում, որտեղ արժանի է և այլն։ Աղքատ մարդու զինանոցում մի քանի տասնյակ պատճառ կա իրեն խղջալու, իսկ խղջահարության վրա կապիտալ չես ստեղծի։

Սովորություն համար 7․ Նվնվալ և բողոքել

Գաղտնիք չէ, որ փողի պակասությունը բացասական էմոցիաների պատճառ է դառնում։ Ի տարբերություն աղքատի՝ հարուստի մտածելակերպով անձնավորությունը ձախողումը ընկալում է որպես նպատակին հասնելու ճանապարհի ևս մեկ աստիճան, նա սովոր չէ նվնվալու և դժգոհելու ճակատագրից։ Երբեմն ցանկություն է առաջանում կիսվել, որպեսզի քեզ խղջան, բայց դրանից ավելի հեշտ չի դառնում, դե իսկ գումարը ձեր դրամապանակում չի ավելանում, այն ինչպես չկար, այդպես էլ շարունակում է չլինել։

Սովորություն համար 8։ մտածել, թե ինչ կասեն ուրիշները

Հաջողակ մարդը գնահատում է իր անհատականույունը, և կախված չէ շրջապատի կարծիքից։ Աղքատը, որպես կանոն, հակառակը՝ իր ժամանակի և ուժերի առյուծի բաժինը ծախսում է այլ մարդկանց աչքերում իր հեղինակությունը պահպանելու վրա։ Նա կենտրոնանում է այն մարդկանց վրա, ովքեր ավելի հաջողակ են և ուժեղ։ Համեմատությունները նրա օգտին չեն, որոնք նրան ևս մեկ լավ հնարավորություն են տալիս նվնվալու և բողոքելու համար։

Սովորություն համար 9։ վատնել գումարը

Աղքատ մարդը չունի ֆինանսական ռազմավարություն։ Նրա նպատակն է՝ վաստակել և ծախսել։ Հարուստը, իր հերթին, ստացած գումարը ներդնում է կապիտալի ստեղծման համար։ Տարածված սխալ մտածելակերպ կա․ «Ինչպես կարող եմ ներդնել, եթե փող չունեմ»։ Փող չկա, որովհետև տվյալ անձը չի մտածում ապագայի մասին։ Հարուստ են դառնում ոչ թե նրանք, ովքեր շատ են վաստակում, այլ նրանք ովքեր պատշաճ են կառավարում իրեն եկամուտը։

Սովորություն համար 10․ փնտրել վայրկենական օգուտներ

Աղքատները չեն ձգտում սովորել նոր բաներ, նրանք չեն տանջվում ապագայի համար, փոխարենը ցանկանում են գումար աշխատել հենց հիմա։ Սա սպառողական վարքագծի փայլուն օրինակ է։ Նա ուզում է ամեն ինչ միանգամից, նվազագույն ջանքերի դիմաց։ Նա նման է հողագործի, ով ձմռանը ուտում է կարտոֆիլի ամբողջ սերմացուն, առանց մտածելու, թե ինչ է ցանելու գարնանը։

Սովորություն համար 11։ Զբաղվում է մի բանով, ինչը չի սիրում

Աղքատները միշտ ունեն 10 մեղավոր, 100 արդարացում և 1000 պատճառ, թե ինչու են գնում մի աշխատանքի, որը չեն սիրում։ Նա ապրում է երազելով Ուրբաթ օրվա մասին, պախարակում է ղեկավարությանը, բայց միևնույնն է ամեն երկուշաբթի գնում է գրասենյակ։ որպես կանոն նա չունի քաջություն իր սիրած գործով զբաղվելու համար։ Այդպես, ոչինչ չփոխելով, մարդիկ տարեցտարի ապրում են իրենց ամբողջ կյանքը։

Սովորություն համար 12։ Անիմաստ ժամանակ վատնել

Աղքատի մտածելակերպով մարդը անընդհատ հարց է տալիս իրեն․ ինչպե՞ս ժամանակ «սպանել»։ Այս չափազանց բացասական վերաբերմունքը պետք է վերածել ճիշտ հարցի․ ինչպե՞ս օգտագործեմ ժամանակս որպեսզի առավելագույն օգուտ ստանամ։ Ի վերջո բոլորը ստանում են այն, ինչի ձգտում էին․ աղքատը «սպանում» է իր ժամանակը, և իր կյանքը, իսկ հարուստը օգտագործում է իր ժամանակը և հարստանում է։

Սովորություն համար 13․ ապրել ուրիշի կյանքով

Աղքատներին բնորոշ է մի սխալ մտածելակերպ․ պրոյեկտել ուրիշների կյանքը իրենց վրա։ Բազմաթիվ սերիալները, գեղարվեստական գրքերը, աստղերի կյանքի պատմությունները միայն բորբոքում են նրանց մոտ այդ մտքերը։ Վայելելով այլ մարդկանց արկածները, աղքատները ապրում են պատրանքներով, և իրենց կուռքերի հաջողությունների ստվերում։ Երբեք ռիսկի չեն գնում անցնելու իրենց կասկածների և երկյուղների վրայով։ Վախենում են սկսել փոքրից և աղյուս առ աղյուս կառուցել իրենց ճակատագիրը։

Հնարավոր է, այս նկարագրքություններում դուք տեսաք ինքներդ ձեզ, բայց դա հուսահատվելու պատճառ չէ։ Օգտագործեք այս նյութը որպես հուշում, փոխելու ձեր մեջ այն ամենը ինչ անհրաժեշտ է։

Հաջողություն ձեզ։