Հանրապետության մի շարք համայնքներում ձյուն է տեղում, իսկ Շիրակում բուք է (ֆոտո)
SOCIETYNews.am-ը գրում է.
Հանրապետության մի շարք քաղաքներում ու գյուղերում ժամը 16:00-ի դրությամբ ձյան տեղումները դեռեւս չեն դադարել:
Ըստ Արտակարգ իրավիճակների նախարարության տվյալների` Կոտայքի մարզի Հրազդան, Չարենցավան, Եղվարդ, Լոռու մարզի Սպիտակ, Վանաձոր, Ստեփանավան, Տաշիր, Տավուշի մարզի Բերդ, Իջևան, Նոյեմբերյան, Գեղարքունիքի մարզի Սևան, Ճամբարակ, Սյունիքի մարզի Սիսիան, Մեղրի, Վայոց Ձորի մարզի Ջերմուկ քաղաքներում, Սարավան գյուղում, Արագածոտնի մարզի Թալին քաղաքում, Արագած գյուղում և Շիրակի մարզում առկա են տեղումներ ձյան տեսքով: Շիրակի մարզի տարածքում բուք է:
Ավտոճանապարհները հիմնականում անցանելի են, փակ են Բերդ-Ճամբարակ ավտոճանապարհը և Վարդենյաց լեռնանցքը, իսկ Սոթք-Քարվաճառ ավտոճանապարհը դժվարանցանելի է:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը փակ է բոլոր տեսակի ավտոմեքենաների համար:






