ԱՄՆ-ում վախճանվել Է Սերգեյ Եսենինի 91-ամյա որդին
SOCIETYԿյանքի 92-րդ տարում ԱՄՆ-ում վախճանվել Է խորհրդային հայտնի այլախոհ, մաթեմատիկոս եւ բանաստեղծ Ալեքսանդր Եսենին-Վոլպինը: Այդ մասին հայտնել Է «Ռոսիյսկայա գազետա»-ն՝ վկայակոչելով հանգուցյալի ընկերներին:
«Այսօր մահացել Է մեր Ալիկ Եսենինը»,-հրատարակությանը հայտնել են Եսենին-Վոլպինի ընկերները:
Եսենին-Վոլպինը ծնվել Է Լենինգրադում 1924 թվականի մայիսի 12-ին: Նույն տարվա դեկտեմբերին ինքնասպանությամբ կյանքին վերջ Է տվել նրա հայրը՝ ռուս նշանավոր բանաստեղծ Սերգեյ Եսենինը:
Եսենին-Վոլպինն ավարտել Է Մոսկվայի պետական համալսարանի մեխանիկամաթեմատիկական ֆակուլտետը, դարձել Է մաթեմատիկայի բնագավառի մի շարք հիմնարար աշխատությունների հեղինակ: Առաջիններից մեկն Է հրապարակավ առաջ մղել պետության եւ քաղաքացիական հասարակության փոխհարաբերություններում իրավական մոտեցման գաղափարը:
1973 թվականին Եսենին-Վոլպինը արտագաղթել Է Միացյալ Նահանգներ, հաղորդել Է ՏԱՍՍ-ը:



