Հայաստանում խորհրդային տարիներին կառուցված շենքերը սեյսմիկ վտանգ են ներկայացնում. Նարեկ Սարգսյան
SOCIETYԽորհրդային տարիներին Հայաստանում կառուցված շենքերն արդեն մաշված են և սեյսմիկ վտանգ են ներկայացնում: Այս մասին «Վերանայել քաղաքը՝ միասին ավելի լավ ապրելու համար» խորագրով համաժողովի ընթացքում լրագրողների հետ զրույցում նշեց ՀՀ քաղաքաշինության նախարար Նարեկ Սարգսյանը:
«Վերջին տարիներին կառուցված շենքերն անհամեմատ ավելի սեյսմակայուն են: Խորհրդային տարիներին Հայաստանում կառուցված շենքերն արդեն մաշված են, իրենց դարն ապրել են և, անշուշտ, սեյսմիկ վտանգ են ներկայացնում: Մեր գլխավոր խնդիրներից է ժամանակի ընթացքում ուժեղացնել այդ շենքերը»,-նշեց Նարեկ Սարգսյանը:
Նարեկ Սարգսյանի խոսքով` այսօր երկրում կան էներգախնայողության, քաղաքային տրանսպորտի կազմակերպման, աղբահանության խնդիրներ:
«Մեր քաղաքաշինական նորմերի մի մասը դեռևս խորհրդային շրջանից ենք ժառանգել, մի մասն էլ եվրոպական տնտեսական համագործակցության շրջանակում է ուժի մեջ մտել: Մեր սեյսմիկ նորմերը լիարժեք համապատասխանում են միջազգային ստանդարտներին»,- հավելեց նախարարը:



