Զիկա վիրուսը պահպանվում է երեք տեսակի մոծակների օրգանիզմում. բրազիլացի գիտնականներ
SOCIETYԲրազիլացի գիտնականների հետազոտությունները ցույց են տվել, որ Զիկա վրուսը կարող Է պահպանվել առնվազն երեք տեսակի մոծակների օրգանիզմում: Այդ գիտական աշխատանքների միջանկյալ արդյունքները մարտի 9-ին հրապարակել Է Ու-օ-Էլի տեղակատվական ինտերնետ-պորտալը:
Ավելի վաղ ենթադրվում Էր, թե Զիկա վիրուսի տարածող կարող Է լինել սոսկ Aedes aegypti մոծակը: Սակայն երկու խումբ հետազոտողներ, որոնք միմյանցից անկախ աշխատում են Ռիո դե Ժանեյրոյի եւ Պեռնամբուկուի նահանգներում, չեն բացառում, որ վտանգավոր տենդը կարող Է տարածվել նաեւ Culex եւ Aedes albopictus տեսակների միջատների խայթոցների միջոցով:
Նրանք արդեն ապացուցել են, որ Զիկա վիրուսը կարող Է պահպանվել այդ մոծակների օրգանիզմում վարակված արյամբ սնվելուց հետո: Այժմ գիտնականները փորձում են ստույգ կերպով պարզել, թե Culex-ը եւ Aedes albopictus-ը կարող են արդյոք վտանգավոր հիվանդությունը փոխանցել մարդուն, հաղորդել Է ՏԱՍՍ-ը:



